mánadagur 24. juni 2013síða 66

vika 26 l 24. juni 2013 Ókeypis lýsingarblað 30 Suðuroy Vikutema Hovs kommuna er væl fyri Hovs kommuna hevur ikki ligið á teirri latu síðuni, tó at skúlin fór við fittum parti av fíggjarligu orkuni í fleiri ár. Nú er tann íløgan afturgoldin. - Vit hava eitt nútímans vatnreinsiverk, og spillivatnsætlanin verður liðug seinni í summar, sigur Delmar Tausen, borgarstjóri Vilmund Jacobsen Hov er gomul og bygd við nógvari søgu, og tað var her, at søgan sigur, at høvdingurin Havgrímur búði. Hovsfjørður, sum var ein av fyrstu firðunum, ið varð brúktur til aling, liggur opin móti eystri. Tá aling er á fjørðinum, hevur fiskurin seinni árini verið blóðgaður í flytbarari støð, og síðan er hann koyrdur aðrastaðni til virkingar. Skúlin goldin Í Hovi búgva umleið 115 fólk, og borgarstjóri seinastu trý skeiðini er Delmar Tausen. Tað var tann tíð, tá fleiri fólk búðu í Hovi, men seinnu árini er fólkatalið minkað spakuliga. Í fyrru helvt av áttatiárunum fekk bygdin nýggjan skúla. Hetta var ein rímiliga stór íløga eftir tátíðar mátistokki, men í mars mánaði í fjør varð íløgan afturgoldin. Síðan ellis-og røktarheimið Hamra­ garður varð bygt í Vági, hevur Hovs kommuna borið sín lutfalsliga part av hesi íløgu, men henda íløga er munandi lættari at bera, enn íløgan í skúlan var. Letur væl at Delmar Tausen letur bara heilt væl at gongdini og sigur, at kommunan eftir umstøðunum er væl fyri fíggjarliga. Í fleiri ár hevur skattainntøkan hjá kommununi ligið um tríggjar miljónir krónur. Okkurt árið væl meiri og okkurt árið nakað minni. Sum ein av fáu kommununum í landinum valdi Hovs kommuna at lækka kommunuskattaprosentið við einum hálvum prosenti, og hetta er helst ein orsøkin til, at skatta­ inntøkurnar í ár ikki heilt halda stand. Tó verður mett, at inntøkurnar fara at liggja um tríggjar miljónir krónur, tá árið er lokið. – Samanumtikið vil eg siga, at nú vit eru liðug at afturgjalda íløguna í skúlan, er kommunan væl fyri, og skuldin liggur væl niðanfyri eina álíkning. Hóast eingin næmingur er í skúla­ num, er bygningurin tó komin væl við, og fólk eru fegin um at eiga teir góðu karmar, sum bygningurin rúmar, eitt nú við góðari fimleikarhøll. – Skúlin verður brúktur til nógv ymisk tiltøk og endamál, og barnaansingin, sum vit samstarva við aðrar kommunur um, hevur eisini notið gott av góðu umstøðunum, sigur borgarstjórin. Vatn og kloakk Hovs kommuna hevur ikki ligið á teirri latu síðuni, tó at skúlin fór við fittum parti av fíggjarligu orkuni í fleiri ár. – Vit hava eitt nútímans vatn­- reinsiverk, sum eisini letur vatn til skúladepilin. Haraftrat var okkara kommuna millum tær fyrstu, sum fingu góðkenda spillivatnsskipan. Vit hava arbeitt við at fremja hesa ætlan seinnu árini, og í summar verður seinasti partur av hesum arbeiði greiddur úr hondum. Delmar Tausen sigur, at lítil set­ húsabygging hevur verið í kommununi seinnu árini, men okkurt hús er komið upp, og okkurt summarhús er í gerð. Hóast Hovs kommuna bert telur 115 fólk, er kommunan væl fyri fíggjarliga. Borgarstjóri í triði skeiði er Delmar Tausen Mynd: Leivur Nygaard Summarplantur selja sum heitt breyð Karl Øster Blómuhandil á Tvøroyri priklaði - ella setti niður - út við 12.000 summarplantur í vár. Hóast hetta, er tað mesta longu selt, harav umleið tríggir fjórðingar av plantunum eru seldar norðanfyri Suðuroyarfjørð Vilmund Jacobsen – Øll vakstrarhúsini hjá okkum hava verið full, og rættiliga stórur eftir­ spurningur hevur verið eftir okkara plantum. Tað sigur Barbara Nolsøe, sum er dagligur leiðari av blómuhandlinum á Sevmýru. Hon vísir á, at tá alt, sum vakstrar­ húsini kunnu framleiða, er selt, innflyta tey plantur úr útlandinum. Umframt at selja summarplantur, selur Karl Øster Blómuhandil eisini avskornar blómur alt árið, eins og handilin ger kransar og bukettir til jarðarferðir. Áhugaverdur handil - Vit hava eisini stórt útboð av vasum, stakum, ljósum og ymiskum prýði. Vit hava ymiskt gravarprýði, eins og vit eisini selja til urtagarðin. Barbara Nolsøe sigur, at nú næm­ ingar í stórum tali fáa prógv, selja tey nógvar bukettir og blómur, sum foreldur, systkin, abbar og ommur og avvarðandi annars vilja geva teimum, sum hava fingið prógv. Ymiskt til húsbrúks Í onkrum av vakstrarhúsunum á Sevmýru hava tey eisini eitt minni tal av súreplum, agurkum og tomatum, men hetta er alt til húsbrúks hjá familjuni. - Í fjør fingu vit stívliga 20 súrepli, men í ár verða tey helst fleiri enn 50 í tali, sigur Barbara Nolsøe, sum leggur aftrat, at tey hava havt súreplatræ í eini trý ár. Nú tað stundar til jóansøku, fer Karl Øster Blómuhandil eisini at hava onkur jóansøkutilboð í handlinum á Sevmýru. Barbara Nolsøe er dagligur leiðari av Karl Øster Blómuhandli á Sevmýru Mynd: Vilmund Jacobsen Nú næmingar í stórum tali fáa prógv, selur Karl Øster Blómuhandil nógvar bukettir og blómur Hóast eingin næmingur er í Hovs skúla, eigur kommunan við skúlanum góðar karmar um ymiskt virksemi