týsdagur 2. juli 2013síða 4

Mikudagur 3. juli 2013 · Nr. 75 4 Sosialurin Hugskot og viðmerkingar – send sms til 225000 tíðindi Áki Bertholdsen Nú verður tað nógv bíligari at eiga børn í Klaksvík. Klaksvíkar býráð hevur sett sær fyri, at hesi næstu árini frá 2013 til 2016, skulu gjøldini fyri at hava børn í ans­ing, lækkast heili 35%. Tað merkir, at nú hevur býráðið einmælt samtykt, at fyrsta januar skulu gjøldini lækka 20 prosent. Samstundis ætlar býráðið, at tey næstu trý árini skulu gjøldini harafturat lækka fimm prosent um árið. Samstundis hevur býráð- ið samtykt, at avslátturin fyri at hava systkin í barna- ansing, eisini verður hækk­ aður. Tað merkir, at tey for­ eldur, sum hava fleiri børn í ansing, skulu bara rinda full­ an prís fyri fyrsta barnið, tí fyri hini børnini fáa tey av­ sláttur. Í dag er systkinaavsláttur­ in 20 prosent, men á nýggjár­ inum hækkar hann sostatt upp í 25 prosent. Spara fleiri túsund Jóhann Lützen, formaður í sosialu nevnd hjá býráðnum, sigur, at hetta merkir, at eitt barn, sum er í vøggustovu, kostar nú 2400 krónur, men á nýggjárinum fer gjaldið nið­ur í 1950 krónur. Eiga somu foreldur eisini eitt barn í barnagarði, kostar tað 1700 krónir í dag, men á nýggjárinum lækkar tann prísurin niður í 1020 krónur. – Á nýggjárinum fara eini for­eldur við einum barni í vøggu­stovu og einum barni í barnagarði sostatt at spara 1130 krónur um mánaðin, fyri at nevna eitt dømi um, hvussu stór, sparingin verður fyri eina barnafamilju. Um árið verður sostatt talan um eina beinleiðis spar­ ing á 13.560 krónur hjá eini barna­familju við tveimum børn­um. – Heilt runt roknað man hetta svara til meiri enn heila mánaðarløn eftir skatt og øll onnur gjøld hjá einum verkafólki, heldur Jóhann Lützen. Yvir tríggjar milliónir Formaðurin í Sosialu nevnd hjá Klaksvíkar Býráðis stað­ festir, at hetta er ein lætti, sum fer at kosta kommununi 3,1 til 3,2 milliónir krónur um árið. – Hóast tað er dýrt, er hetta eitt átak, býráðið er samt um at fremja. – Fólkasamansetingin í Klaks­vík er skeiklað nakað við tað, at børnini og tey ungu eru nakað fá í tali. Hetta er sostatt eitt sosialt politiskt átak, sum er bein­ leiðis vent ímóti smá­barna­ familjunum Jóhann Lützen heldur, at hetta er avgjørt eitt gott átak í royndunum at lokka barna­ familjur til Klaksvíkar – og í royndunum at halda fast um tær. Hann vísir eisini á, at ansingin fyri barnaansingina, er ein tyngjandi útreiðsla hjá familjunum, helst hjá teim­ um, sum hava fleiri børn í ansing. Barnafamiljur er tær, sum eru harðast fyrispentar, tí tær hava ikki upparbeitt sær tær høgu lønirnar við starvs­aldri og nógvar hava eis­ini húsalán og lestrarlán at stríðast við. Á býráðsfundi í Klaks­vík varð upplýst, at í Klaks­vík eru 356 børn í ansingar­skip­ an­ini. Tað eru 29 børn í Klaks­vík, sum ikki eru í ansingar­skip­ an­ini. aki@sosialurin.fo Bíligari at eiga børn í Klaksvík Ókeypis hjá børnum í Klaksvík at íðka ítrótt Hetta er sostatt eitt sosialt politiskt átak, sum er beinleiðis vent ímóti smábarnafamiljunum Barnalætti Ein familja í Klaksvík við einum barni í vøggustovu og einum barni í barnagarði, fer at spara yvir 13.000 krónur um árið, sigur Jóhann Lützen, formaður í sosialu nevnd í býráðnum Áki Bertholdsen Klaksvíkar býráð fer nú at gera tað lættari og bíligari hjá børnum og ungum í Klaks­vík at hava eitt frí­tíðar­ ítriv og at taka lut í yms­um mentanarligum virk­semi. Jóhann Lützen, formaður í sosialu nevnd hjá Klaks­ víkar Býráði, sigur, at tey hava stórar ætlanir um at lætta um barnafamiljunum í komm­ununi, bæði hjá for­ eldrum við smærri børnum undir skúlaaldri og børnum í skúlaaldri. Serliga skulu hesir lættar koma teimum familjum til góðar, sum eru hart fyri­ spentar fíggjarliga av yms­ um orsøkum. Sum sæst í hinari grein­ ini, hevur býráðið longu sam­tykt at lækka gjøldini fyri at hava børn í ansing. – Næsta stigið verður at gera tað lættari hjá teimum børnunum í skúlaaldri, og teimum ungu, sigur Jóhann Lützen. Ókeypis frítíðarítriv Jóhann Lützen dugir ikki at siga, akkurát nær, ein slík skipan verður sett í gildi, men hetta er eitt mál, tey nú fara at arbeiða við. Hann dugir heldur ikki at siga akkurat, hvussu ein slík skipan kann snikkast saman. Kortini sigur hann, at mál­ið er at seta hol á nú á nýggjár­inum. Men eitt dømið um eina slíka skipan kundi verið, at børn­ini og ungu fingu okk­urt slag av kortið, sum gav teim­um avsláttur, ella gjørdi tað heilt ókeypis hjá teim­um at taka lut í ymsum virk­semi. Formaðurin í Sosialu nevnd sigur, at í býráðnum hugsa tey sær at seta eina pulju á 300.000 krónur av til endamálið á fíggjarætlanini fyri í 2014. – Hetta verður fyri at seta hol á. So fáa vit at síggja, hvussu skipanin hiln­ ast og um tørvur verður á at hækka játtanina. Kortini ásannar hann, at nógv atlit eru at taka. – Hetta má ikki enda við, at ítróttarfeløg og onnur frí­ tíðarfeløg fara at gera sær dælt av eini slíkari skipan og fara at hækka limagjaldið upp í loft. – Eitt annað, sum hugsast má um, er, hvussu nógvum ítróttarfeløgum, børnini eru við í. Burtur frá telduni Jóhann Lützen sigur, at hetta verður ein skipan, sum eisini fer at geva for­eldr­um, sum eru hart fyri­spent, ein møguleika at lata børnini hava eitt frítíðar­ítriv á jøvn­ um føti við hini børn­ini. Hann sigur, at foreldur, sum ikki eru væl fyri fíggjar­ liga, hava annars lyndi til at spara frítíðarítrivini hjá børnunum burtur rættiliga skjótt, fyri at fáa endarnar at røkka saman, tí tey hava ikki ráð at rinda limagjald. Hann sigur, at ein slík skipan kundi eisini eggja børnum og ungum at farið frá telduskerminum og út í eitt ítróttarfelag at røra seg ístaðin. aki@sosialurin.fo BARNAFAMILJUR Klaksvíkar Býráð ætlar at gera tað ókeypis hjá børnum og ungum í Klaksvík íðka ítrótt og at hava onnur frítíðarítriv BARNAANSING Hesi næstu árini fer tað at vera nógv lættari at vera barnafamilja í Klaksvík