hósdagur 11. juli 2013síða 31

31 Fríggjadagur 12. juli 2013 · Nr. 79 Sosialurin Hugskot og viðmerkingar – send sms til 225000 fótbóltur ítróttur Sundalagið skrivaði søgu 5-1 sigurin á Lusitans var tann størsti, sum føroyskt felag hevur vunnið í europeisku kappingunum, har tað er avbjóðing at leggja ferðingina til rættis, tá ið skotbráið er so stutt Jóannes Hansen EB/Streymur skrivaði søgu í europeisku meistara­kapp­ ing­ini týskvøldið. 5-1 heima­ sigurin í góðveðrinum týs­ kvøldið var tann størsti, sum føroyskt felag nakrantíð hevur vunnið í altjóða kapp­ ing. Bara eina ferð áður hevur føroyskt felag megnað at spæla seg víðari í meist­ara­ kappingini. Tað var í 2006, tá ið B36 sendi maltesiska Birkikara úr kappingini við at vinna 3-0 á útivølli og við at spæla 2-2 á heimavølli. Ta ferðina hitti B36 turkiska Fenerbahce í næsta um­ farinum, og tá var talan um aðra mótstøðu, tí turkiska liðið vann 4-0 á heimavølli og 5-0 á útivølli. Stór avbjóðing Nú fyrireikar EB/Streymur seg at spæla á útivølli ímóti Dinamo Tbilsi í Georgia. At fyrri dysturin er á útivølli ber við sær, at tað er ógvuliga stutt tíð at leggja til rættis í. Sofus D. Johannesen hevur fyri EB/Streym ábyrgdina av ferðingini: – Vit fara til Keyp­manna­ havnar leygarkvøldið. Eftir venjing á Amager sunnu­ dagin, fara vit til Tbilsi. Tað verður neyðugt at ferðast í trimum ferðaløgum. Eitt fer umvegis Warzawa, eitt annað umvegis Istanbul og tað triðja umvegis Riga. Ferða­ tíðin verður ymisk, men tað kemur væl við, at vit øll lenda í Georiga millum klokkan 3 og 4 mánanáttina, sigur Sofus D. Johannesen. Rúni Nolsøe, venjari, var fegin um 5-1 sigurin. Hann var ikki heilt nøgdur við leikliga avrikið, men tað hevði sína frágreiðing, at tað ikki var so polerað: – Okkara menn gjørdu tað, sum teir skuldu. At tað sá so primitivt út komst av, at mótstøðumenninir ætlaðu sær at vinna og bjóðaðu av frammarlaga á vøllinum og harvið vóru orsøk til, at tað var trongt at spæla hjá okkum, segði Rúni Nolsøe, sum var serliga fegin um, at Arnbjørn Hansen hesa ferð var førur fyri at spæla í 72 minuttir, at hann skoraði eitt mál, og at hann var við í uppspælinum til onnur. – Vit hava brúk fyri hon­ um í landskappingini, so tað kemur væl við, at hann spælir seg í form, segði venjarin, sum nú fyrireikar seg til næstu altjóða av­ bjóðingina. – Eg kenni einki til teir, tí vit hava savnað okkum um fyrstu dystirnar, men nú fara vit at kanna og leggja tilrættis, og vit ætla okkum at gera tað, sum vit eru mentir. Men tað verður torført, serliga á útivølli, tí tað eru 35 hitastig har eysturi. Síðani hava teir í EB/ Streymi funnið útav, at Tbilsi er mannað við lokalum spælarum burtursæð frá einum, ið er av Fíla­beins­ strondini. Úrslitið hjá NSÍ ímóti Dinamo Tbilsi í 2008 kundi bent á, at talan er ikki um heilt ómøguligan setning hjá EB/Streymi, sum eigur væl fleiri altjóða royndir, enn NSÍ átti fyri fimm árum síðani. Ta ferðina vann Dinamo Tbilsi 3-0 á heimavølli, og so vann NSÍ 1-0 á heimavølli. EB/Strreymur-Lusitans, Andorra 5-1 (2-0) Innleiðandi umfar í europeisku meistarakappingini 2. dystur Á Tórsvølli týsdagin 9. juli 2013 kl. 19.00 Dómarakvartett úr Norðurírlandi: Dómarakvartett úr Norðurírlandi: Raymond Crangle, Gareth Eakin, Andrew Neeson og Raymond Hetherington. 1221 áskoðarar 1-0: Arnbjørn Hansen 3. 2-0: Levi Hanssen 38. 2-1: Luis Dos Reis 66. 3-1: Gunnar Zachariasen 72. 4-1: Levi Hanssen 85. 5-1: Leif Niclasen 90.+3. EB/Streymur samantaldur vinnari við málmuninum 7-3 EB/Streymur: René Tórgarð – Dánjal Davidsen, Egil á Bø, Marni Djurhuus, Rógvi E. Nielsen – Pætur Dam Jacobsen (Gunnar Zachariasen, 69./Brian Olsen, 88.), Arnar Dam, Levi Hanssen - Leif Niclasen, Arnbjørn Hansen (Niels Pauli Danielsen, 72.), Hans Pauli Samuelsen Á beinkinum uttan at verða skiftir inn: Jákup Andrias Hansen, Árni G. Olsen, Jóhannes Hansen, Hanus Olsen Gult kort: Marni Djurhuus, Hans Pauli Samuelsen, Pætur Dam Jacobsen Venjari: Rúni Nolsøe Hjálparvenjari: Meinhardt Dalbúð Lusitans: Ricardo Fernández – Leonel Maciel (Franklim Soares, 80.), Rafael Brito, Sonejee, Martinez - Jiménez (Puente, 65.), Pinheiro (Zarioh, 58.) – Machado, Juli Sánchez, Bruninho - Luis Dos Reis Gult kort: Sonejee, Juli Sánchez, Leonel Maciel, Pinheiro, Reytt kort: Machado 55. (beinleiðis reytt) Venjari: Carlos Sanchez ÍF hevði ongan kjans Linfield úr Belfast vann mikukvøldið 3-0 á heimavølli ímóti ÍF, sum ongan málmøguleika hevði. Harvið heldur norðurírska liðið fram í kappingini við samantalda málmuninum 5-0. Hóast tapið, so var Albert Ellefsen, ÍF venjarin, ikki so illa nøgdur við avrikið í 1. hálvleiki. ÍF ferðalagið bíðaði eftir flogfari úr London fyrrapartin í gjár, og úr metropolinum segði Albert Ellefsen soleiðis: – Fyrri hálvleikur líktist nógv fyrra hálvleiki, tá ið vit áttu heimavøll. Vit vóru heilt væl við, og tí kendist tað meint, tá ið teir stutt undan steðginum løgdu seg á odda. Tá var samantalt 3-0, og harvið var møguleikin hjá okkum burtur. Í steðginum tosaðu vit um, at tað nú ráddi um at koma burturúr hesum við heiður og æru. Tað eydnaðist ikki heilt, tí teir skoraðu tvey mál aftrat, staðfesti ÍF venjarin. Tølini siga, at ÍF hevði onga roynd innanfyri mál­ karmin, og ÍF hevði heldur onga roynd, sum fór uttan­ fyri málkarmin. Heimaliðið hevði fimm royndir innan­ fyri málrammuna aftanfyri Jákup Mikkelsen, og seks ferðir fór bólturin við síðuna av málinum. ÍF hevði eitt hornaspark, og Linfield hevði trý hornaspørk. Linfield-ÍF 3-0 (1-0) Innleiðandi umfar í Europa liguni 2. Dystur. Linfield vann fyrra dystin 2-0 og fer harvið víðari í kappingini við samantalda málmuninum 5-0. Á Windsor Park í Belfast í Norðurírlandi mikudagin 10. juli 2013 kl. 19.45 Dómarakvartett úr Make­donia: Dejan Jakimovksi, Nikola Karakolev, Isa Emurli og Dimitar Meckarovski. 1-0: Gault 40. 2-0: Mulgrew 55. 3-0: Lowry 60. Linfield: Tuffey – Ervin, Clarke, A. Burns (McAllister, 46.), B. Burns – Knowles, Mulgrew, Lowry – Carvill, Gault – Thompson Á beinkinum uttan at verða skiftir inn: Ross Glendinning, Armstrong, Reace Glendining, Quinn, Henderson, Tipton Gult kort: Carvill Venjari: David Jeffrey ÍF: Jákup Mikkelsen – Heri Nesá, Bartal Eliasen, Poul Nolsøe Mikkelsen (Fritleif í Lambanum, 67.), Jan Ó. Ellingsgaard - Bogi Reinert Petersen, Høgni Madsen (Jákup Johansen, 70.), Aleksandar Jovevic – Ari Ó. Ellingsgaard, Nenad Saric – Øssur Dalbúð (Áki Petersen, 89.) Á beinkinum uttan at verða skiftir inn: Hallgrímur Gregersen Hansen, Poul Magnus Petersen, Arnhold Kristiansen, Margar Toftegaard Gult kort: Heri Nesá, Ari Ó. Ellingsgaard Venjari: Albert Ellefsen