týsdagur 16. juli 2013síða 38

Sosialurin Juli 2013 6 18.-20. juli Nephew (DK) Eitt av høvuðsnøvnunum á G! Festivalinum í summar, er danski bólkurin Nephew, sum av mongum verður mettur sum besti live bólkur í Danmark. Teir góvu nýggjastu fløguna "Hjertestarter" út november 2012 og hava havt fleiri nr 1 hitt av henni. Nephew eru ikki nýggir í G!-høpi. Hetta verður fjórða ferðin teir spæla í Gøtu. So ofta hevur eingin annar útlendskur bólkur spælt á G!. Sambært Jón Tyril eru góðar orsøkir til at júst hesin bólkurin vendur aftur og aftur. "Nephew hava havt eitt serligt pláss í okkara hjørtum síðani teir spældu her fyrstu ferð, og hava teir staðið fyri nøkrum av minniligastu konsertunum á G! yvirhøvur. Longu við fyrstu konsertini í 2005, tá teir vóru púra ókendir, brendu teir seg inn í tilvitskuna á føroyingum. Framførslan í 2010 stendur eisini sum nakað heilt serligt, tá pallurin á sandinum var lukkaður niður vegna veður, og Nephew tískil spældu fyri einum sprenpakkaðum spæliplássi ístaðin og góvu øllum eina ógloymandi løtu.” Alina Devecerski (SE) Eftir at hava skrivað løg til aðrar tónleikarar í fleiri ár, valdi svenska Alina Devecerski í apríl 2012 at geva sítt fyrsta staklag undir egnum navni út. Lagið ”Flytta på dej” gjørdist eitt risahitt og lá ovast á norðurlendsku hittlistunum í fleiri vikur. Lagið seldi trídupult platin í Svøríki og Noregi og platin í DK. Í Noregi lá lagið 7 vikur á rað á almenna single- hittlistanum. Hin 19. november í fjør kom so fløgan Maraton, sum umframt ”Flytta på deg” eisini inniheldur hittini ”Ikväll Skiter Jag i Allt” og ”Jag Svär” umframt sjey onnur løg, sum Alina hevur skrivað og framleitt saman við Christoffer Wikberg. Alina verður at hoyra hóskvöldið á G! Ásgeir Trausti (IS) 20 ára gamli Ásgeir Trausti hevur havt eina ótrúliga yrkisleið higartil. Hann gav síni fyrstu stakløg út á sumri í 2012 og hittaði stórt við lagnum ”Leyndarmál”. Síðani kom fyrsta fløgan, Dýrð í dauðaþøgn, í september og bergtók alt Ísland. Eftir bert trimum mánaðum seldi fløgan meira enn 25.000 eintøk í heimlandinum. Ongin onnur íslendsk útgáva hevur nakrantíð selt so nógv, so skjótt. Og tað hevur gingið slag í slag hjá Ásgeiri síðani. Fyrst skrivaði hann undir bookingsáttmála við agentin hjá Bjørk á heimsins størsta bookingfelagi, WME Entertainment. Síðani fekk hann sátmála við plátufelagið, sum Bjørk fekk sítt gjøgnumbrot við, One Little Indian Records. Ásgeir spældi sína fyrstu konsert uttanlands á stóra Eurosonic festivalinum í januar í ár, í vár spældi hann á heimsins størsta festivali, South By SouthWest og leygardagin spældi hann á Roskilde í Danmark, eftir eina drúgva konsertferð saman við John Grant. Ásgeir verður við øðrum orðum í toppformi, tá ið hann treður pallin leygarkvöldið á G! Laid Back (DK) Ein hin kendasti danski bólkurin nakran­ tíð, duoin Laid Back, spælir á G! í ár. Laid Back fingu sítt altjóða gjøgnum­ brot við “Sunshine Reggae”, sum lá nr 1 á hittlistunum í 21 londum. Onnur hitt hjá bólkinum eru m.a. “White Horse”, “High Society Girl”, “Elevator Boy” og “Bakerman”, ið Lars von Trier gjørdi videolagið til, sum m.a. varð kosið at vera millum 100 bestu videoløgini nakrantíð. Laid Back hava selt omanfyri 25 mió av plátum og eru millum kendastu donsku bólkarnar, og hava harumframt havt stóra ávirkan á partar av modernaða electroniska tónleikinum. Laid Back hava verið virknir síðani 1979 og hava øll árini havt sítt dagliga virksemi í egnum upptøkuhølum á Vesterbro. Bólkurin hevur langtsíðani fingið kultstatus. Í mai mánaða í ár lótu teir frá sær eina nýggja útgávu, ið kallast “Uptimistic Music Vol 1”. Í summar er bólkurin á eini konsertferð, har eitt av hæddarpunktunum heilt vist verður, tá bólkurin leygarkvøldið verður at hoyra í Grundini á G!. Sanglötan við Eivör, Teitur og Konfekt Tað vera okkara mætasti songfuglur, Eivör, og fremsti troubadurur, Teitur, ið fara at standa á odda fyri sanglötuni á G! í ár. Afturat sær hava tey superbólkin ”Konfekt” við Mikael Blak, Benjamin Petersen, Una Árting, Per I. Höjgaard Petersen og Jan Rúna Poulsen. Konfekt er föroya einasti live-karaoke bólkur og spælir öll lögini í bossanova stíli. Hetta ger, at öll lættliga kunnu syngja við. Sangirnir á skránni vera kendir sangir, sum eru fólkaogn. Umframt Eivör og Teit er ein heilur hópur av gestasangarum, ið fara at syngja sínar egnu sangir. Nevnast kunnu Finnur Koba, Simme, Terji Rasmussen, Elin Heinesen, Sámal Ravnsfjall og Jóan Jakku Guttesen. Sanglötan verður stutt sagt ein tími við tíðarleysum föroyskum klassikarum stroyddir við gulli har øll syngja saman í felag. Karin Park (SE) Karin Park vaks upp í lítlu bygdini Djura, sum liggur í myrku skógunum í Dalarne í Svöríki. Frá tí at hon var 5 ára gomul, sang hon hvönn sunnudag í kirkjuni. Sjey ára gomul fór hon við foreldrunum til Japan og varð send á missiónsskúla har í trý ár, mestsum inni í frum­skóg­inum. Har fekk hon høvi at menna sín egna samleika, uttan trýst frá meginstreymasamfelagnum, uttan útvarp, sjónvarp, bløð og poppmentan. Karin Park slóg fyrst ígjögnum sum poppari í Noregi, har hon m.a. var í uppskoti til tvær norskar tónlistarheiðurslönir: Spellemanssprisen, fyri ”besta nýggja navn” og ”besti kvinnuligi poppartistur”. Eisini vann hon Alarmprisen fyri ”besta nýggja navn”. Karin Park spælir í dag myrkan elektroniskan popp. Nýggjasta útgávuna, “High Wire Poetry”, frá 2012, hevur Christoffer Berg framleitt - hann er kendur frá m.ö. The Knife, Fever Ray og Massive Attack. Röddin hjá Karin minnir eisini í stöðum um Karen Dreijer Andersson, í stöðum um Björk og stundum um Sinead O'Connor, men Karin hevur kortini sín heilt egna samleika og dynamikk. Umframt at fáast við tónleik, so arbeiðir Karin eisini sum model. Hon hevur harumframt spælt við í filmi, har hennara tónleikur eisini varð nýttur. Síggj og hoyr Karin Park fríggjakvöldið á G! Reptile Youth (DK) Danski post pop/punkbólkurin Reptile Youth var víðagitin fyri sínar sera intensu liveframförslur, langt áðrenn bólkurin gav nakað út. M.a. vunnu teir sær pláss á Iceland Airwaves(IS), Reeperbahn Festival(DE), Montreux Jazz Festival (CH), Wavves Vienna (AU), Sonic Visions (LUX), Unit Tokyo (JP), SPOT Festival (DK) og Roskilde Festival (DK) áðrenn nökur útgáva var tök. Í fjör gav bólkurin so út fyrstu flöguna, sum bara eitur ”Reptile Youth”. Reptile Youth hava nógvan vind í seglunum uttan fyri DK í lötuni og teirra vörumerki er framvegis orkufyltar liveframförslur, sum ösa fólk upp í skúm. Reptile Youth kunnu upplivast hóskvöldið á G! LV & Okmalumkoolkat (UK/SA) Í samstarvi við Orka koma LV & Okmalumkoolkat úr Onglandi og Suður­ afrika. LV er framtíðarkendur grime og dub framleiðari úr London, og við sær hevur hann ein av bestu og mest umbidnu rapparunum úr Suðurafrika. Kalla tað framtíðar afro ella skakaðar kwaito rytmur. Ella set tíni egnu orð á, tá bólkurin rystir spæliplássið, fríggjakvöldið á G! 2013 Teitur Teitur hevur lovað okkum eina heilt serliga konsert á G! í ár. Hann fer at framføra stuttligar nýggjar útsetingar av kendum Teiturløgum, saman við einum bólki, ið er settur saman til júst hesa framførsluna. Teitur hevur annars júst innspælt eina nýggja útgávu undir heitinum STORY MUSIC, sum verður at hoyra í September. Teitur spælir fríggjakvöldið á G! Eivør Við fangandi sangskriving, gandakendari rödd og ovurmáti av karisma, hevur Eivör lagt Föroyar fyri sínar fötur, sum fáur annar hevur megnað. Eivör steðgar tó ikki har, men flytir seg stöðugt innan tónleikaheimin, bæði stílistiskt og geografiskt. Altíð á ferð út á nýggjar víddir. Á G! spælir hon eitt væl samansett bland av lögum frá mongu útgávum hennara. Eivör man teljast millum mest royndu tónleikarar í Föroyum, við mongum hundraðtals konsertum bæði í og uttanfyri föroysku landoddarnar og rúnarbindur hon eina áhoyrarafjöld sum fáur. Marius Ein av teimum, ið hevur gjört mest vart við seg í, og ikki minni uttanfyri Föroyar seinasta árið, er Marius Ziska, sum júst hevur verið á konsertferð í Týsklandi, Eysturríki og Sveits. Marius Ziska fekk eins og Benjamin bæði plátu- og bookings­ áttmála eftir G! 2012. Nýggja flögan “Recreation” kom út á Stargazer Records í Týsklandi, Eysturríki og Sveits. Marius breyt ígjögnum í Föroyum einans 16 ára gamal, sum frontmaður í bólkinum Flux, ið hittaði við lagnum “Mr Headless” í 1999. Síðani er stílurin farin nógv meira yvir í tað akkustiska og fólkakenda, sum hevur víst seg at rigga sera væl. Byrta BYRTA er nýggja popp-duoin hjá Guðrið Hansdóttur and Janusi Rasmussen, sum hevur verið nógv at hoyra í föroyskum útvarpi seinastu tíðina við lögunum “Eydnan” og “Loyndarmál”. Guðrið er frammanundan kend sum solistur, og Janus sum partur av íslendska electro- bólkinum Bloodgroup. Tey bæði hittust í Reykjavík og byrjaðu at arbeiða við nýggjum lögum saman. Úrslitið varð BYRTA. Öll lögini eru á föroyskum, íblást av 80-unum og norðurlendskum poppi og fyrsta flögan kom út í juni í ár. Bólkarnir