týsdagur 16. juli 2013síða 46

Sosialurin Juli 2013 14 18.-20. juli Tjaldingin Vælkenda Tjaldingin er á sama stað í ár sum í fjør, við Mortansstovubøin í Norðragøtu. Húsvognaøkið var útselt í fjør, men flytir í ár til ítróttarøkið í Sarpugerði. Á tann hátt fæst pláss fyri fleiri vognum eins og tað gevur møguleikar fyri at veita betri tænastur, so sum brúsur í nýggja ítróttarhúsinum hjá Víkingi. Familjutjalding Familjur, sum ynskja at tjalda, men sum vilja hava eitt sindur friðarligari umstöður enn tjaldingarökið bjóðar, kunnu tjalda norðanfyri fótbóltsvöllin í Sarpugerði. Brúsur eru í nýggja ítróttarhúsinum. Gist í skúlanum Sum nakað nýtt bjóðar festivalurin í ár tvinni sløg av gisting í skúlanum við Gøtugjógv - antin í sovisali ella í skúlastovu. Hendan gistingin er serliga ætlað familjum ella tilkomnum, ið vilja hava eitt sindur meira komfort, enn tjaldingin kann bjóða, ella sum kanska ikki hava hug til 24 tímar veitslu á tjaldingarøkinum. Tak bátin við Ein onnur nýggj tænasta í ár er at til ber at bíleggja tær eitt fast bátapláss við keiina í Syðrugøtu. So kanst tú eitt nú liggja útfyri sandinum og njóta konsertir um kvøldið, og síðani gista umborð við keiina í Syðrugøtu, stutt frá sandinum. Tú fært vatn og el íbundið. Festivalbussar Bussar koyra pendul ímillum tjaldingarökið í Norðragötu og festivalökið í Syðrugötu frá kl 12 um dagin. Harumframt koyrir bussur eisini til Leirvíkar einaferð um tíman.Armbond sum geva atgongd til óavmarkaða koyring kunnu keypast á tjaldingar­ ökinum og í bussinum. Við bygdaleiðum á G! Leið 400 hjá Bygdaleiðum koyrir ímillum Havnina og Klaksvík og steðgar við Götugjógv. Sí ferðaætlan fyri leið 400. Náttarbussar koyra úr Gøtu til Havnar hesar tíðir: Hósnátt kl. 2.15 Fríggjanátt kl. 2.15 og 4.15 leygarnátt kl. 2.15 og 4.15 Koyrt verður frá busslummanum í Syðrugøtu kostnaður 100 kr Hýruvognar og minibussar Bil Taxi tel 32 32 32 hevur ein bíleggingarvogn beint við atgongu­ merkjavognin. Teir hava sertilboð í sambandi við festivalin. G! Festivalurin hevur víðkað um gistingarmöguleikarnar í ár