hósdagur 18. juli 2013síða 2

Fríggjadagur 19. juli 2013 · Nr. 82 Oddagrein Stovnaður: 1927 Ábyrgdarblaðstjóri: Eirikur Lindenskov eirikur@sosialurin.fo Útgevari: Sp/f Sosialurin Uppseting: Sosialurin Prent: Prentmiðstøðin Avgreiðsla: mán - frí kl. 08.00 - 16.00 Tíðindaleiðari Jón Brian Hvidtfeldt jonbrian@sosialurin.fo Marknaðardeild lysing@sosialurin.fo Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Norðoyggjar Nólsoyar Pálsgøta 1, 700 Klaksvík tel. 458686 fax 458687, klaksvik@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo vikuskiftisblaðið Í blaðnum í dag vísir størsti pen­ inga­stovnur í landinum á ein alternativan máta at fíggja Skála­ fjarðartunnilin. Í stuttum skulu Vága- og Norðoyatunnilin vera við til at bera íløguna í nýggja tunnilin. Afturfyri kunnu fólk gloyma alt um, einaferð at koyra ókeypis gjøgnum verandi undirsjóvartunnlar. Tann spurningurin festir í fjús­ ini, ikki minst lokalpolitiskt í Vág­ um og Norðoyggjum. Og hann reisir eisini spurningin, hvussu tær 400 milliónirnar í almennum parta­ peningi í báðum tunnlum skulu avroknast. Er partapeningurin í hes­um føri pengar, sum skulu fáast inn aftur í landskassan. Ella er parta­peningurin at rokna sum almenn íløga í alment infrakervi? Alternativið hjá BankNordik byggir á, at partapeningurin verð­ ur brúktur aktivt – til at byggja út infrakervið við enn einum undir­ sjóvartunnli. Modellið líkist nógv leistinum, sum andstøðan á løgtingi hevur snikk­að saman í eitt lógaruppskot at leggja fram á ólavsøku. Við hes­ um leisti hava vit framhaldandi eitt infrakervi, fult og heilt undir al­mennum ræðisrætti. Men eru vit tá við at flyta mørk­ini fyri, nær og hvussu nógv tað almenna kann loyva sær at krevja inn frá landsins borgarum? Er tað í lagi at krevja pengar inn til eitt endamál, fast samband um ávíkavist Vestmannasund og Leir­víks­fjørð, fyri síðani at brúka peng­arnar til eitt annað endamál. Til fast samband undir Skálafjørð og Tangafjørð, umframt binda kommunurnar á Skálafjørðinum tættari saman? Hetta eru spurningar, sum løg­ tingið fær høvi at viðgera, um øll kort verða løgd á borðið. Væl at merkja, um politiskur vilji er til tess. Tað kann ikki vera rætt, at argumentatiónin í tunnilskjakinum skal vera merkt av landafrøðiligu plaseringini hjá avsendaranum. Vit mugu krevja av okkara fólkavaldu, at kjakið tekur støði í, hvat er best fyri føroyska sam­ felagið. At politikararnir ikki læsa seg fastar á annað ella hitt modellið frammanundan. Men til tess krevst álit og opinleiki. At øll kort verða løgd á borðið. Eisini mugu vit hava yvirskot til at tosa um, hvørt íløgan í ein Skálafjarðartunnil nú eisini er tann besta at gera yvirhøvur. Er hetta íløgan, sum skapar størsta vøksturin og framburðin í Føroyum? Er svarið ja, so mugu vit eisini hava yvirskot til at tosa um, hvør avleiðingin av tí útbyggingini eigur at vera. Er tað tá framvegis besta loysnin fyri føroyska samfelagið, at 350 milliónir krónur verða brúktar til at byggja bingjuhavn í Havn? Tað kann væl vera, at tekniskt er talan um ymiskar, almennar pengakassar. Men í einum samfelag við 48.000 fólkum mugu vit krevja, at heildin kemur fram um landa­ frøð­ina, tá stórar linjur skulu tekn­ ast. Mugu kjakast um, hvat er best fyri føroyska samfelagið Á vestursíðuni á Skotlandi liggur býurin Ayr, sum í fólkatali er á stødd við Før­oyar. Í býnum hevur rock­bólkurin Preacher, ið varð stovnaður í 2009, sín heimavøll, og í august spælir Preacher á Summar Festivalinum í Klaksvík. Seinastu árini hevur bólkurin spælt á konsertum og festivalum kring alt Skot­landi, og hóast teir øll hesi árini hava skrivað og spælt egnar sangir, var tað ikki fyrr enn í ár, at teir góvu sína fyrstu fløgu út. Fløgan kallast Signals hevur fingið góð ummæli.
 Preacher hevur eis­ini føroyskt ískoyti, tí Her­ borg Hansen, sum er úr Klaks­vík, syngur kór í bólk­inum. Herborg gongur á tón­leikaskúla í Ayr, og hon var biðin um at koma við í bólkin at syngja kór saman við tveimum øðrum kvinnuligum sangarum. Kvinnukórið setir veruliga dám á live-framførslurnar hjá bólkinum. Skotskur rockur til Klaksvíkar Øll tunnilskort á borðið Mikudagin kl. 14 verður fyrsta almenna sýning av tón­leikaævintýrinum “Veiða vind” á Karavella Mari­o­nett- Teatri. Sýning­ar­nar verða á gamla Náttúru­gripa­savn­in­ um. Fleiri túsund føroysk og íslendsk børn hava upp­ livað søguna saman við stór­ slignum symfoniorkestri, og nógv hava eisini lisið bókina, men enn hevur ongin sæð livandi persónar spæla hana. Tann 24. juli fáa føroysk børn møguleika at síggja lítla­beiggja fara út at veiða vind og møta ævintýrunum í hugaheimi sínum. Tey hitta stórabeiggja og systir, sum eru um hann, uttan at hann varnast tað. Drekin fer at flúgva um pallin, alt meðan vakri tónleikurin hjá Kára Bæk spælir undir. Í 2011 spældi Føroya Sym­ foniorkestur fyrstu ferð tónleikaævintýrið á barna­ kon­sertunum í mai. Verkið var bílagt frá tónasmiðinum Kára Bæk og høvundanum Rakel Helmsdal og Janus á Húsagarði var síðani biðin at gera myndir til søguna. Bókin við søgu, myndum og fløgu við tónleikinum kom út á Bókadeildini um sama mundi. Í mai í ár varð verkið framført í Hørpu av íslendska symfoniorkestinum, og bók­ in kom út á íslendska For­ lagnum. Hetta er triðja leikverk hjá Karavella Marionett-Teatri, sum Rakel Helmdal setti á stovn í 2011. Rakel Helmsdal hevur skrivað leikrit og er marionettførari. Hedvig Wester­lund-Kapnas hevur leik­stjórnað. Sýningarnar verða frá 24. juli til og við 27. juli kl. 14 og 16. Veiða vind undan ólavsøku Beiskt at sita heima Boban Ilic Síða 8-9 Verðin er vøkur og góð Maria á Lakjuni Síða 10 Hugskot og viðmerkingar – send sms til 225000 Dagsins redaktørur: Jón Brian Hvidtfeldt Jón Brian Hvidtfeldt jonbrian@sosialurin.fo