fríggjadagur 19. juli 2013síða 6

Fríggjadagur 19. juli 2013 · Nr. 82 6 Sosialurin Hugskot og viðmerkingar – send sms til 225000 BankNordik: Alment tunnilsfelag ber lættliga Skálafjarðartunnil Størsti peningastovnur í landinum hevur í fleiri ár víst áhuga fyri Skálafjarðartunnlinum. Tað verður eingin tru­pul­ leiki at fáa bíliga fígging, um allir undirsjóvartunnlar verða lagdir í sama felag, ljóðar metingin úr BankNordik Jón Brian Hvidtfeldt Besti mátin at gera Skála­ fjarðartunnilin er at leggja allar undirsjóvartunnlar sam­an í eitt tunnilsfelag og fíggja íløguna tann vegin. Tað er greiða svarið úr BankNordik í tunnils­kjaki­ num. Bankin hevur í trý ár roknað upp á modellið við Skálafjarðartunnlinum, og er meira sannførdur í sínum svari í dag enn nakrantíð. – Í Vágatunnlinum og Norðoyatunnlinum hevur landið tvey áhugaverd aktiv, sum kunnu brúkast sum grundarlag undir Skála­ fjarðartunnlinum. Bókaða eginognin í Vágatunnlinum og Norðoyatunnlinum er 400 milliónir krónur, og hesir pengar eru eitt gott funda­ ment undir víðari lántøku, sigur Niels Juel Arge, leiðari á Corporate Finans deildini í BankNordik. Niels Juel Arge vísir á, at kostar Skálafjarðartunnilin millum 1,1 og 1,2 milliard krónur, so er solvensurin í einum almennum tunnils­ felag okkurt um ein triðing. Og tað er eitt gott útgangs­ støði fyri at fáa bílig lán. – Ja, hevði landsstýrið til dømis biðið okkum um at útvega fíggingina til Skála­ fjarðartunnilin eftir hesum leistinum, so høvdu vit gjørt tað. Tað hevði verið ein góð sak at arbeitt við, sigur Niels Juel Arge avgjørdur. Talan er ikki um, at Bank­ Nordik einsamallur skuldi veitt fíggingina til Skála­ fjarðartunnilin. Men bankin bjóðar sær til at útvega fígg­ ingina fyri landsstýrið gjøg­ num sínar samstarvs­part­n­ arar. – Og tað kundu vit gjørt til eina rentu, sum hevði ligið um fimm prosent, sigur Niels Juel Arge. Leiðarin fyri Corporate Finans deildina í BankNordik sigur seg hava víst modellið fyri samstarvsfelagar hjá bankanum, og har hevur áhugin verið stórur. Útrokningarnar Grundarlagið undir modelli­ num hjá BankNordik er sum nevnt, at landsstýrið skjýtir tær 400 milliónirnar í egin­ peningi frá Vágatunnlinum og Norðoyartunnlinum inn í nýggja tunnilsfelagið. Eisini hevði bankin ynskt sær, at tað almenna kom við 200 milliónum í nýggjum egin­ peningi. Men tað er sambært Niels Juel Arge ikki ein treyt. Hinvegin má takast fyri givið, at tað ikki verður ókeypis at koyra undir Vest­ mannasund og Leirvíksfjørð. – Nei, avgerandi er at tunnilsfelagið framhaldandi fær inntøkur frá verandi tunnlum. Men tað gongur væl hjá báðum tunnlum, sum í fleiri umførum hava lækkað prísirnar. Í okkara modelli hava vit roknað við, at prísurin fyri at brúka ver­ andi tunnlar kann setast niður í helvt, sigur Niels Juel Arge. Eisini hevur BankNordik sett prís á, hvat tað kosta at koyra gjøgnum Skálafjarðar­ tunnilin. Persónbilar koma at gjalda 40 krónur hvønn vegin millum Havnina og Skálafjørðin og 15 krónur hvønn vegin fyri at koyra tvørtur um Skálafjørðin. Tá verður roknað við 3600 persónbilum um samdøgrið millum Havnina og Skála­ fjørðin, umframt 1500 per­ sónbilar um samdøgrið tvørt­ ur um Skálafjørðin. Har­til koma ávíkavist 500 og 200 størri bilar um samdøgrið. Niels Juel Arge er full­ greiður yvir, at spurningurin um at koyra ókeypis gjøg­ num Vágatunnilin og Norð­ oyatunnilin er heitur pol­ itiskt. Summi meta seg hava fingið eitt lyfti um, at tað skal vera ókeypis at brúka tunnlarnar, tá teir eru goldnir. – Ja, tað er kontroversielt, tí tað merkir at tunnilsgjald verður verandi í Vága- og Norðoyatunnlinum. Men tað er ein politiskur spurningur, sum vit ikki ynskja at leggja okkum út í. Vit siga bara, at framhaldandi tunnilsgjald er ein fortreyt fyri at gera Skálafjarðartunnilin eftir tí leisti, sum vit mæla til. Hinvegin haldi eg ikki, at man eigur at gloyma, at verandi tunnlar eisini skulu haldast við líka, og tað fer við tíðini at kosta nógvar pengar. Í okkara modelli eru allar útreiðslur til viðlíkahald og dagføring tiknar við, sigur Niels Juel Arge. Fyri deyvum oyrum BankNordik hevur sum nevnt arbeitt við hesum modellinum síðani 2010, og útrokningarnar eru dagførd­ ar í fleiri umførum. Í fjørsummar var Bank­ Nordik á fundi við lands­ stýrismannin í innlendis­ málum, har útrokningarnar vórðu lagdar á borðið. Men einki kom burtur úr tí. Kortini hevur BankNord­ ik hildið fram við at rokna uppá henda tunnilsleistin. – Tað gera vit, tí á henda hátt fær tú eitt sera sterkt tunnilsfelag, ið bæði kann gera Skálafjarðartunnilin og halda allar tríggjar undir­ sjóvartunnlar við líka. Ein tílík íløga er áhugaverd fyri peningastovnar og kanska serliga eftirlønargrunnar. Og her kundu eisini nógvir føroyskir pensjónspengar sloppið til arbeiðis. Og fyri okkum sum banki er eisini talan um eina spennandi uppgávu, sigur Niels Juel Arge. Veðhaldið Samanborið við privatu tunn­ilsloysnina, ið lands­ stýrið arbeiðir við, er her talan um eitt alment tunn­ ilsfelag. Tí er spurningurin um landskassaveðhald eisini áhugaverdur. Sambært mod­ ellinum hjá BankNordik er gjaldførið hjá tunnilsfelag­ num avgerandi fyri, í hvønn mun neyðugt verður við landskassaveðhaldi. – Gjaldførið í felagnum er sjálvandi avgerandi í somáta. Men eg rokni tó ikki við, at landskassaveðhald verður ein fortreyt fyri hesum mod­ ellinum, sigur Niels Juel Arge og leggur afturat: – Upp ímóti hesum mugu vit so seta, at landið eftir hesum leisti varðveitir fult ræði á samferðslukervinum, sigur Niels Juel Arge. Landssjúkrahúsið Leys størv á Landssjúkrahúsinum Medisinski depilin: • Sjúkrarøktarfrøðingar til Barnadeildina Umsóknarfreistin er 26. juli 2013 kl. 12.00 • 2 Introstørv Umsóknarfreistin er 26. juli 2013 kl. 12.00 Skurðdepilin: • 2 hjálparlæknar Umsóknarfreistin er 1. august 2013 • 2 sjúkrarøktarfrøðingar til A2 Umsóknarfreistin er 5. august 2013 kl. 12.00 Psykiatriski depilin: • Læknaskrivarar Umsóknarfreistin er 7. august 2013 kl. 12.00 • Kliniskur sálarfrøðingur til B&U – ENDURLÝSING Umsóknarfreistin er 15. august 2013 kl. 12.00 • Kliniskur sálarfrøðingur Umsóknarfreistin er 16. august 2013 kl. 12.00 Umsókn við CV og prógvum skal sendast við telduposti til: umsokn@ls.fo Sí størri lýsing á www.ls.fo