mánadagur 22. juli 2013síða 2

Mánadagur 22. juli 2013 · Nr. 83 Stovnaður: 1927 Ábyrgdarblaðstjóri: Eirikur Lindenskov eirikur@sosialurin.fo Útgevari: Sp/f Sosialurin Uppseting: Sosialurin Prent: Prentmiðstøðin Avgreiðsla: mán - frí kl. 08.00 - 16.00 Tíðindaleiðari Jón Brian Hvidtfeldt jonbrian@sosialurin.fo Marknaðardeild lysing@sosialurin.fo Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Norðoyggjar Nólsoyar Pálsgøta 1, 700 Klaksvík tel. 458686 fax 458687, klaksvik@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo Oddagrein mánadagsblaðið Tað skuldi vera ein gleðisstund, tá føroysku ítróttarfólkini komu aftur av Bermuda í gjár. Síðstu vikuna hava vit fylgt teimum í leikum, hava rópt og fegnast um góðu úr­ slitini og verið arg, tá tað kiksaði hjá onkrum. Tað bleiv samanumtikið til 10 gull, 12 silvur og 14 bronsuheiðursmerki. Eitt samlað sjeyndapláss, ið vit her heima nú skuldu gleðast um, sam­ an við ítróttarfólkunum og ferða­ liðnum av Bermuda. Tey vóru júst lend í Vágum, á veg út í hvør sítt herðashorn í landinum til móttøkur og annars at gleðast saman við sínum kæru. Men syrgiliga vanlukkan Á Hálsi í Sandavági fyrrapartin í gjár køvdi gleðina. Tað, sum ikki má henda, hendi kortini. Í slíkum støðum er meiningsloysið størri enn vit menn­iskju duga at skilja. Vit kunnu ikki annað enn stuðla og styðja okkum til næstakærleikan, ið leiðir okkum menniskju gjøgnum svárar stundir. Tað var ein góður og vakur tanki, tá Ítróttarsambandið og onnur tóku stig til at savna fólk úti á Lands­ sjúkrahúsinum seinnapartin í gjár. Har vóru avvarandi, ítróttarfólk og onnur, ið so ella so vóru merkt av vanlukkuni. Í øllum meinings­ loysinum kunnu slíkar løtur, ið eis­ini eru at rokna sum eitt slag av tilbúgving og fyrstuhjálp, vera styrkj­andi. Í blaðnum í dag setir ÍSF-forsetin nøkur orð á vanlukkuna. Á djúpu kontrastina millum gleðisrómin í føroyska ferðalagnum, sum lendi í Vágum sunnumorgunin, og sorgina í kjalarvørrinum á vanlukkuni. Vikan á Bermuda var ein vika við stórum upplivingum og góðum úrslitum. Hóast sorgarleikin, so hava vit her í blaðnum valt, eisini at fortelja tær søgurnar, nú vit taka saman um Oyggjaleikirnar 2013. Oyggjaleikirnir á Bermuda fara helst altíð at verða tvinnaðir sam­ an við syrgiligu vanlukkuna. Tað er eisini í lagi, tí á tann hátt livir minnið um tey deyðu víðari, eisini her. Eisini hiðani leita tankarnir til tykkum avvarðandi, ið sita eftir Høgna, Vilhjálm og Hans. Má Harr­ in styrkja tykkum í hesi sváru stund. Ferðsluvanlukkan setti Oyggjaleikirnar í syrgiligt ljós Fýra íslendingar eru nú á veg tvørtur um Atlantshav ímóti Føroyum í árabáti. Talan er um fýra ís­lend­ ingar, sum hava sett sær fyri at rógva úr Noreg til Íslands í ár, og næsta ár taka teir tað tyngra takið at rógva úr Íslandi til Kana­ da. Teir siga, at tilsamans er talan um eina ferð 4.100 kilometrar, 1.600 kilometrar úr Noreg til Íslands og 2.500 kilometrar úr Íslandi til Kanada, umvegis Grøn­ land Álitið á ferðini, verður serbygdi árabáturin, Auður, har teir rógva tveir og tveir alla tíðina. Teir fóru úr Sirevåg í Suð­urnoreg mánadagin 10. juni og og høvdu sjey dagar tvørtur um Atlantshav, til teir løgdu at landi í Kirkwall á Orkneyoyggjum tann 17. juni. Ferðin varð strævin, siga teir tríggir á heimsíðu síni, tí tað var ringt veður við nógvum vindi og stór­ ari aldu, eitt skifti vóru aldurnar heilt upp í 10 metrar stórar, og tískil fingu teir eisini sjóverk. Í Kirkwall hava teir hvílt seg og bíðað eftir betri veðri. Men teir máttu brynja seg við toli, tí teir máttu bíða ein heilan mán­ að eftir veðri, men í gjára­ morgunin løgdu teir frá landi og settu kós ímóti Føroyum. Teir siga, at teir gleða seg til at vitja frænda- og grannatjóð Íslands og teir vænta at leggja at landi í Porkeri einaferð í vikuni, alt eftir, hvussu líkindini vera at rógva. Auður á veg til Føroya Tá sorgin køvir gleðina Hetta er eitt stórt framstig, ikki bara fyri vesturøkið í Før­oyum, men fyri alt landið. Tað staðfesta tey í Vága Bjargingarfelag, nú tey eru komin í Vágar við spildur­ nýggja, topp-modernaða bjarg­ingarbátinum Sverra, sum tey hava bygt í Cork í Ír­landi. Talan er um ein 15 metra langan bát, sum er útgjørdur við allari teirri nýggjastu út­ gerðini til leiting og bjarging. Hann hevur tveir motorar á 600 hestar hvør, og tað gevur honum eina ferð upp á 30 míl. – Á ferðini heim høvdu vit hann uppi á 32,7 míl, men tá rak eitt sindur undan, siga teir. Veðrið var avbera gott, so vit fingu ikki roynt hann av álvara. Men hann vísti seg at vera avbera góður í sjónum. Og hólvist hann, kemur hann aftur á rættkjøl av sær sjálv­ um. Hann stingur ikki meiri enn ein góðan metur og er ser­stakliga væl hóskandi til leiting og bjarging inni við land, men samstundis er hann havgangandi, so er brúk fyri honum til havs, er hann eisini førur fyri tí. Somuleiðis er hann út­ gjørdur til sjúkraflutning. Í Vága bjargingarfelag hava tey eitt lið av 47 maskin­meist­ arum og navigatørum, sum hava átikið sær at ganga í vaktum og soleiðis at tryggja, at báturin altíð er sigl­ingar­ klárur eftir eini lítl­ari løtu. Navnið Sverri, hevur bát­urin fingið eftir einum Sverra Nielsen, sum var við til at stovna bæði Vága Bjargingarfelag og Lands­ felagið fyri bjarg­ing­ar­fe­ løgini og sum var ein und­ angongumaður í fe­løg­unum. Hann doyði brádliga í 1989, bara 58 ára gamal og hann er pápi Sofíu Jacobsen, sum nú er forkvinna í Vága Bjarg­ ingarfelag. Báturin kostar sjey milli­ ónir og hann er útgoldin, nú hann liggur við bryggju í Sørvági, við stuðuli úr Lands­ felagnum, sum landið stuðlar, og við pengum, tey annars hava savnað saman. Sverri stórt framstig fyri allar Føroyar Mugu royna at hava okkurt føroyskt Signa Joensen Síða 26-29 Vil hava vissu um Fámara Jógvan Skorheim Baksíðan Hugskot og viðmerkingar – send sms til 225000 Dagsins redaktørur: Jón Brian Hvidtfeldt Jón Brian Hvidtfeldt jonbrian@sosialurin.fo