týsdagur 23. juli 2013síða 8

Mikudagur 24. juli 2013 · Nr. 84 8 Sosialurin Hugskot og viðmerkingar – send sms til 225000 nøvn Man United v. Arsenal travel Tað var við spenningi, at farið varð yvir um hav at fylgja ítróttarfólkum okk­ ara á Bermuda á 15. oyggja- leik­unum. Longu frá fyrsta kapp­ ing­ardegi sást, at dugur var í føroyskum íðkarum, sum saman við venjarum, leið­ arum og fyriskiparum bóru Merkið høgt og um­boðaðu okkum væl. Ikki minst tí øll høvdu fyrireikað seg væl til ferðina og kapp­ing­arnar. Vit vóru sera stolt av flottu føroysku avrik­un­um. Tað var tí ein errin og væl nøgdur hópur, sum sunnu­morgunin lendi aftur í Vág­um eftir hendingaríku og væl­eydnaðu leikirnar. Tá fólk smátt um smátt bóðu hvør øðrum farvæl og fóru hvør til sítt, var tað við gleði um tíðina, vit høvdu havt saman. Sigursmóttøkur vóru fyri­skipaðar av teimum, sum spent høvdu fylgt leikunum heim­an­ífrá og sum nú ynsktu at heiðra íðkarum, sum komu heimaftur við heið­urs­merkjum. Men brádliga varð alt øðr­vísi, tá ferðsluvanlukkan hendi á Sandavágshálsi, og tveir av okkara ítróttar­ leiðarum og hýrivognsførari teirra lótu lív. Gleði broyttist til svára óskiljandi sorg, sum hevur rakt okkum øll. Orð eru fátøk í slíkari sorg­arstund. Føroyski ítróttaheimurin hevur mist og allar Føroyar eru í sorg. Men størst er sorg­in hjá teimum nærm­ astu, sum hava mist ein av sín­um kæru. Má Harrin styrkja tykkum í sorgini og signa tykkum frameftir á lívs­leiðini. Minnini um Høgna Carls­son og Vilhjálm Gre­ gor­ius­sen, sum fyrimyndar­ liga gingu á odda sum fyri­skiparar innan bad­min­ tonítróttin, fara at liva víðari innan føroyska ítrótta­ heimin. Alt tað góða teir gjørdu á ferðini á Bermuda. Teirra stóra arbeiði innan ítróttin sum heild og teirra nærlagni og avrik í dagliga yrki og í lívi er dýrgripur, vit fara at minnast. Gævi vit kunnu koma styrkt úr sorgini og megna at byggja víðari á teirra dygdir, hugburð og avrik! Við hesum fáu orðum fari eg sum landsstýrismaður í mentamálum og varðandi av ítróttinum, vegna Føroya Landsstýri at lýsa frið yvir minni um teir, sum farnir eru. Við djúpastu samkenslu Bjørn Kalsø, landsstýrismaður í mentamálum Tórshavn, 23. juli 2013 Sorgarboð eftir oyggjaleikirnar Handilin Marjun Heimá sum í næstan 50 ár hevur ver­ið í C. Pløjensgøtu í Havn, er nú fluttur oman í sjálvan mið­býin, har sum Hjalmar Jacobsens bókahandil fyrr helt til. Marjun Heimá er eitt kent navn í samband við handilin við Bernina-seymimaskinum, lýnlásum, knappum o.l. Søgan um handilin byrj­ar í 1959, tá Marjun Heimá byrjaði við egnum handli, sum seldi alt innan seym­ing og tilskering av klæð­um, lynlás, knappar o.l. Hand­ilin helt til á Abbatrøð í Havn, har Marjun eisini rak seymi­stovuna Eva. Tann 1. mars 1960 gjørdu tey so sáttmála um at verða eina­umboð fyri Bernina í Før­ oyum. Handilin vaks skjótt, og Marjun seldi nógvar Ber­ nina seymimaskinur. Í 1965 flutti fyritøkan av Abbatrøð til C. Pløjensgøtu, har hand­ilin hevur verið, til hann nú flutti oman í miðbýin. Í dag er tað Majbritt Ja­ kob­sen, sum eigur og rekur fyritøkuna, sum verður rikin eftir sama konsepti men er farin frá at selja mótastoff til at selja alt til føroyska bún­an. Marjun Heimá í miðbý­num er bæði handil og skradd­ara­ stova. Fyri trim­um árum síðan varð skradd­ara­stovan hjá Beintu Vilhelmsen løgd saman við Marjun Heim­á, sum nú hevur 7 fólk í starvi. Majbritt Jakobsen ivast ikki í, at tað var ein røtt avgerð at flyta oman í mið­býin. Fólk hava tikið sera væl í móti handlinum. - Øll eru vælkomin inn í hand­ ilin at síggja okkara stóra vøru­ úrval. Hóast vit hava alt til føroyska búnan, selja vit fram­ vegis Bernina seymi­maskinur eins og lynlás, knappar og alt sum har til hoyrir. Marjun Heimá í miðbýnum