týsdagur 23. juli 2013síða 36

Sosialurin · juli 4 Ólavsøkan 2013 T að er sera hugaligt sum borgar­stjóri í høvuðs­stað­ num enn eina ferð at kunna bjóða tær vælkomnum á ólavsøku, nú vit eftir besta førimuni hava gjørt høvuðsstaðin kláran at taka ímóti gestum úr øllum heraðs­ hornum. Skráin er fjølbroyttari enn nakra­ ntíð. Vit gleðast um, at vit aftur í ár hava okkurt til øll, so allir føroyingar og ólavsøkugestir annars kunnu fáa sum mest burturúr. At kalla allur býurin er við í ólavsøkuni. Her er bæði verðsligt og anda­ligt í at velja, tiltøk til gamans og álvara, uttandura eins væl og innan­dura. Hesaferð er meira enn nakran­tíð gjørt burturúr at samskipa øll tiltøk so væl sum tilber. Alt, ið hevur eyðkent ólavsøkuna, er framvegis við, men tey fólk og feløg, ið varða av ólavsøkuni og skránni, hava gjørt sítt besta fyri at endur­nýggja seg og tiltøkini, so tað aftur í ár ber til at uppliva nakað nýtt og forkunnugt, ið ikki hevur verið hini árini. Ólavsøkan er okkara størsta fólka­ veitsla, og tí eigur pláss at vera fyri okkum øllum. Her savnast høgur og lágur. Vit hittast og vit heilsast og geva vit okkum stundir til eitt hugna­ ligt prát. Soleiðis er ólavsøkan og so­ leiðis eigur hon eisini at vera. Ólavsøkan er høgtíð og tjóðdagur okkara, men á mangan hátt øðrvísi og innihaldsríkari enn tjóðardagar í øðr­um londum, tí ólavsøkan er tjóð­ dagur føroyinga, men verður bara hildin í høvuðsstaðnum. Tí eru vit í Havn fegin um, at vit við gleði kunnu taka ta ábyrgd at fyriskipa og halda veitslu­hátíð føroyinga. Summir partar av haldinum er reinur mentanararvur. Skrúðgongan. Løgtingið kemur saman. Ólavsøkan sum keypsstevna og fólkslig veitsla. Tónleikur og list. Sangurin og tón­ leikurin hevur serligan týdning, og í hesum døgum verður nógv gjørt fyri at betra um umstøðurnar hjá virkna tón­leikalívinum. At ólavsøkan eisini er størsta ítróttar­stevnan hevur serligan týdn­ ing í hesum døgum, vit bjóða høvuðs­ staðin fram til fleirtjóða oyggjaleikir. Okkara ítróttarlív mennist við rúk­ andi ferð og stór framstig eru og verða gjørd, sum lyfta okkum upp á eitt støði, sum ger okkum sjálvsøgd sum vertir fyri altjóða kappingum. Og tað er ikki meira enn nátúrligt, at hetta hendir júst í høvuðsstaðnum. Ólavsøkan er ein verulig fólkslig veitsla, við øllum tí, ið hartil hoyrir. Og eisini eitt slag av familjuveitslu. Tað er ein hjartatáttur at hitta fam­ ilju, vinir og kenningar her. Kommunalpolitiskt eru vit enn eina ferð í eini rembingartíð. Summar kommunur fjølgast og víðkast støð­ ugt. Fólkatalið og virksemið í øðrum kommunum minka. Tos um saman­ leggingar hoyrist ikki meira fyri kjakinum um treytirnar fyri, at komm­un­urnar skulu yvirtaka máls­ øki, sum almennu Føroyar fyrr hava umsitið. Sum altíð krevur slíkt nýggjan hugburð av okkum, sum eru vald at tæna býi og bygd, men høvuðsmálið má vera, at allir borgarar, antin teir búgva uttan um Vaglið ella í út­ jað­ara­num, skulu hava javnbjóðis møgu­leikar fyri trivnaði, - at liva og virka. Havnin er væl búgvin at taka av­bjóð­ingarnar. Nú leggja vit gerandisdagin frá okk­um eina løtu og njóta saman­ haldið. Samstundis sum eg vil takka teim­um mongu, sum hava gjørt eitt stórt sjálvboðið arbeiði fyri at hugna so væl um okkum hátíðardagarnar, so fari eg at bjóða øllum føroyingum hjarta­liga vælkomnum á ólavsøku! Verið fagnað øll tit úr bý og av bygd og ikki minni tit uttan úr heimi, ið eru komin higar at halda landsins tjóð­dag her í høvuðsstaðnum, ið vit øll eru so góð við.   Vælkomin á ólavsøku   Heðin Mortensen borgarstjóri Góði ólavsøkugestur! Vælkomin á ólavsøku!