týsdagur 23. juli 2013síða 62

Sosialurin · juli 30 Ólavsøkan 2013 Skalt tú halda eina traditionella ólavsøku, er hetta tað, tú í skalt fara til og uppliva Soleiðis heldur tú ólavsøku Spáka í býnum Hygg eftir kappróðri Drekk ein lunkaðan akvavit Føroysk klæði Ólavsøka snýr seg um at hitta fólk – bæði tey, tú vanliga hittir í gerandisdegnum, og tey, tú ikki hevur sæð í langa tíð. Eisini ber til – um lagið er gott – at heilsa upp á fólk, tú í grundini ikki kennir. Best hátturin at gera tað er at spáka ein túr omaneftir og niðaneftir og hava eitt opið sinni og smílast. Á ólavsøku er fríggingarmyrkt, og ert tú ein leysur kroppur, kundi høvi verið at farið aftur undir ein húsavegg og fingið eitt ólavsøkufríggj. Nógv eru tey, ið hava roynt tað, og hjá summum hevur verið fast fyri lívið. Skuldi tað ikki komið so vítt, hevur tú í øllum føru eitt minni fyri lívið. Endabresturin í kappróðrarárinum er á ólavsøku, og líkamikið um av­ gerð­in er fallin í onkrum róðri, hev­ ur tað stóran týnding at vinna árs­ins seinasta róður. Tað er sannur há­tíðar­ dámur á kaiøkinum, tá ið róðurin fer fram, og umframt at síggja spennandi kappróður, ber eisini til at njóta samveruna við øll hini. Tá ið tú spákar á havnargøtum, kemur tað meira enn so fyri, at tú fært boðið ein lítlan at styrkja teg við. Hevur tú eina lummafløsku uppi á tær, ræður um at deila hana við teimum, tú hittir. Og hevur tú ikki roynt ein lunkaðan Akvavit á ólavsøku, manglar ein uppliving. Føroyski tjóðarbúnin hevur altíð spælt ein leiklut á ólavsøku, og hesin leikluturin verður bara styrktur, nú alt fleiri fólk ganga í føroyskum klæðum – og móti á ein hátt eisini er komin í klæðini. Eigur tú føroysk klæði – ella hevur atgongd til tey – far so í tey á ólavsøku. Mest hátíðarligi dagurin í politiska umhvørvinum í Føroyum er ólavsøkudag, tá ið politikarar, embætisfólk, prestar og onnur fara til gudstænastu í Havnar kirkju. Skrúðgongan í sambandi við kirkjugongdina og setanina av løgtinginum er ein vøkur løta, sum tú kanst uppliva – vónandi í góðveðri. Fólk eru gestablíð á ólavsøku, og hevur tú hug at vitja onkran kenning í høvuðsstaðnum, er ólavsøka eitt gott høvi. Nógv fólk eru til reiðar at taka ímóti gestum, og tú ert væl komin alla staðir, har tú fert. Skuldi tað hent, at tú endaði inni hjá fólki, tú ikki kennir serliga væl, so ert tú eisini væl komin har. Far til skúð­gongu Dett inn á gólvið hjá onkrum Helst størsta mannamúgvan, sum savnast her á landi, savnast á Vaglinum ólavsøkudag, tá ið midnáttarsangurin er. Trivið verður í góðar føroyskar sangir, og ta løtuna standa øll lið um lið sum føroyingar. Og skuldi onkur útlendingur vilst seg upp í rúgvuna, so ræður um at fáa tey við í sangin. Eftir sangin verður kvøtt, og tá ber til at taka eina løtu við okkara mergjaða kvæðaarvi. Syng Fá eitt fríggj