týsdagur 23. juli 2013síða 68

Sosialurin · juli 36 Ólavsøkan 2013 N eyðugt er helst at seta seg væl tilrættis og blaða í ólavsøkuskránni, tí nógv er at fara til. Men stundir eru neyvan at fara til alt. Tó ber til at koma við nøkrum brell­bitum. Søguligir bátar Svínaroyarbátar verða sýndir fram í Tórsgøtu. Hesir eru søguligir og settir í stand. Talan er í høvuðsheitum um bátar, sum feðgarnir Poul Johannes og Pól í Nornastovu úr Mikladali smíðaðu. Føroyski báturin er søguliga á leið 400 ára gamal, og bátasmíð gekk ofta í arv. Faðir lærdi son. Svínoyarbátarnir eru settir í stand og verða at síggja í Tórsgøtu. Ólavur Hátún og onnur slipa fyri. Dansur og framsýnigar Nógv av tí, sum er á ólavsøku, eru afturvendandi tiltøk. Tó eru altíð smærri broytingar og okkurt legst afturat. Dansur er ymsastaðni á ólavsøku, og sum nakað nýtt verður eisini dans­ur hjá Østrøm á Skálatrøð á ólav­søku. Perlan verður eisini karmur um okkurt áhugavert, sum ikki er lagt í fastar karmar enn, og fleiri framsýningar eru at leita sær til. Fast er t.d. árliga ólavsøkuframsýningin við list í Listaskálanum, men aðrar sýn­ingar eru eisini. Ein syning, ið mong leita til, er kabarettin í Sjónleikarhúsinum. Bert kvinnur eru á palli í ár, eins og tað er hent nøkur av undanfarnum árum. Børnini og tivoli Seinnu árini hevur stóra tivolitiltakið verið á Skálatrøð. Tórshavnar býráð og Tórshavnar Ítróttarráð skipa fyri. Og í ár lokka tey við forvitnisligu Tórsódnini. Hetta er ein melduródn og ein aktivi­tetur, ið er kendur frá flestu stóru tivoligørðum, og fer hetta uttan iva at seta lív í Skálatrøð. Meldur­ ódnin hevur fingið navnið Tórsódn, men stóri spurningurin er, torir tú at royna Tórsódn? Á Skálatrøð verður sjálvandi eisini møguleiki at royna nógvar aðrar aktivitetir, m.a. tombola, hoppiborgir og skjótibásar.  Sum nakað nýtt verður eisini møgu­leiki at royna at ganga á vatn­ inum, og fyri tey minstu vera nakrir nýggir bátar at royna. Til ber eisini hjá børnum at síggja leikin veiða Vind, sum Karevella Teatur sýnir á gamla náttúrugripasavninum á Debesartrøð. Fýrverk og annað Mongu báranir eru aloftast væl vitj­ að­ir á ólavsøku, um veðrið annars ikki er ein forðing fyri at spáka í gøt­unum. Básar eru við útskonking, mati, eydnuspølum, sølu av ymsum prýðis­lutum og øðrum, og ikki at gloyma søla av ballónum, eins og ymiskt annað er at síggja og óivað vert at vitja. Vanligt er at senda fýrverk tann 28. juli og óváttað tíðindi vilja vera við, at í ár eru ætlanir um at gera nógv burturúr fýrverkinum á ólav­ søku. Ongum nýtist at ganga svangur ella tystur á ólavsøku, og ongum nýt­ist at keða seg. Bert við at velja nakr­ar fáar brellbitar úr skránni, er skjótt at fáa ein langan lista. Òlavsøkan 2013 hevur nógv at bjóða, og ólavsøkuskráin er verd at lesa. Hon er long og boðar frá góðum. Ólavsøkuskráin fyri 2013 er bæði spennandi og drúgv. Har er bæði fyri børn og vaksin, og greitt er, at neyðugt er at velja burturúr, hvat ein ætlar sær á ólavsøku, tí ætlar ein sær til alt, ið fer fram, kann ólavsøku­strongd skjótt gera seg galdandi Dagfinn Olsen, dagfinn@sosialurin.fo Brellbitar úr skránni » Forvitnisliga Tórsódnin fer uttan iva at seta lív í Skálatrøð. Meldur­ódnin hevur fingið navnið Tórsódn, men stóri spurningurin er, torir tú at royna Tórsódn? Veiða Vind verður sýndur á Debesartrøð Tórsódn Svínoyarbátar verða í Tórsgøtu á ólavsøku