hósdagur 1. august 2013síða 6

Fríggjadagur 2. august 2013 · Nr. 87 6 Sosialurin Hugskot og viðmerkingar – send sms til 225000 Leo Poulsen Til 125 ára dagin hjá Nóls­oy­ ar kirkju var eitt kór sett á stovn, sum var við til at há­ tíðarhalda dagin. Eis­ini er komin ein bók út um kirkj­ una, Kirkjan á Tang­an­um, í tí sambandi. Hesaferð hevur tóna­ skald­ið, Leif Hansen, gjørt eina kantatu eftir yrking hjá Johannu Mariu Skylv Han­ sen, sum verður frum­fram­ førd á hátíðar gudstænastuni, sum verður nú sunnudagin 4. august. Fróðarmaðurin, Egon Han­sen, skrivar soleiðis í sam­bandi við 150 ára dagin hjá kirkjuni: »Tað var 2. august 1863, at Andreas Djurhuus táverandi Føroya próstur, vígdi Nóls­ oyar kirkju, Kirkjuna á Tang­ anum, sum Hans A. Djurhuus skald so vakurt nevnir hana í yrkingini við sama navni. Tann hvítmálaða Nóls­oy­ ar kirkja, stendur dygst niðri við sjóvarmálan. Á Kirkju­ tanganum, ið staðið eitur. Har sjógvurin á sumri á stórari fjørðu, kínir tann tara og slýggj­vaksna Kirkjutangan, og so um veturin tá land­ synn­ingsaldan brýtur um tang­an og inn á víkina. Tá koma skaldaorðini hjá Tróndi á Malarenda fram fyri ein: Tá kundi ei orð eg mæla«. Tað er júst Egon Hansen, ið er høvundurin til bókina, Kirkjan á Tanganum, sum kom út fyri 25 árum síðani, og hann veit nógv at siga frá um Nólsoyar kirkju. Hann heldur fram: »Tað menn vita um, hava allar kirkjur í Nólsoy und­an hesari staðið á Kirkju­tang­ an­um. Tó sigur søgnin, at í katólskari tíð skuldi eitt bøn­hús standa í Eyggjagerði, hóast eingin farvegur er eftir tí har, ella nakar kann ávísa, hvar tað hevur staðið. Heldur ikki er nakar grevstur aðrastaðni í Nólsoy enn í gamla kirkjugarðinum á Kirkjutanganum. Í 1916 varð eitt Skírnarkar funnið undir grevstri í kirkju­ garðinum á Kirkju­tang­an­um, og sum er til skjals á Forn­ minnis­savninum. Hesin forn­ lutur stuðlar eisini uppundir, at kirkjurnar hava staðið her. Sverri Dahl sáli metir, at skírnarkørini, sum eru av norskum uppruna, ivaleyst eru komin til Føroyar í tíðar­ skeið­num millum 1100 og 1250«. Hátíðarhalda dagin Kórið, ið var sett á stovn til 125 ára dagin, var blandað kór, ið helt fram við at liva í eini 15 ár, áðrenn tað hoyknaði og gavst. Síðani hevur bygd­in fingið eitt manskór, sum nú hevur hálvtannað ár á baki, og tað er partur av nýggju kantatuni, sum verður fram­ førd komandi sunnu­dag. Kantatukórið er rættiliga stórt fyri eina so lítla bygd, tí útvið 40 sangarar verða við til at framføra nýggju kan­ tatuna sunnudagin. Hátíðardagurin verður sum nevnt 4. august við bispi á odda, og eftir guds­tæn­ast­ una verður ein døgurði fyri bygdarfólki og gestum. Um kirkjuna sjálva heldur Egon Hansen fram: »Í Nólsoyar kirkju eru nakrir sera sjáldsamir altar­ lutir. Kalikurin og diskurin eru nevniliga keyptir  frá niðurlagda Argja hospitali í 1804. Altarkannan, ið nú stend­ur í sýnisskápi, er úr glasi við etsingum og brýn­ ing­um á síðunum. Lokið á kann­uni er úr silvuri við árs­ tal­inum 1709 íristum. Hetta er elsta silvursmíð í Føroyum. Á altarinum eru fýra stak­ar. Tveir stórir, ið eru keypt­ir fyri kirkjutíggjund og tveir smærri, ið eru givn­ir av H.A.Djurhuus og M.A.Jacobsen í samsýning fyri umrødda skírnarkarið, ið Fornminnissavnið fekk í varð­veiðslu. Á altarinum stendur eisini ein kristusmynd, ið Poul í Búð (1791 – 1857) í Nólsoy hev­ur skorið út. Poul í Búð var ein av føroyingunum, sum í 1839 var kanningarferð við Pløyen, amtmanni í Het­ landi«. Hátíðargudstænastan verð­ur í kirkjuni nú sunnu­ dagin klokkan 12. Nólsoyar kirkja 150 ár Sunnudagin hátíðarhalda nólsoyingar, at kirkja teirra, Kirkjan á Tanganum, fyllir 150 ár við gudstænastu, har ein spildurnýggj kantata eftir Leif Hansen, Kirkja á tanga, verður framførd á fyrsta sinni Leif Hansen hevur skrivað kantatuna, og verður eisini dirigentur til frumframførsluna Mynd: Evy Toftegaard Nielsen Nólsoyar kirkja fyllir 150 ár í dag, 2. august Mynd: Leo Poulsen Ein partur av kórinum, frá vinstru Jeanne L. Holm, Elsa Johannesen, Anna Marna Hansen, Anna Thomsen, Elsa Poulsen, Una Hansen, Sigrid Thomsen, Malan Hansen og aftast av monnunum síggjast Jákup av Skarði, Jógvan Thomsen, Jóannes Jacobsen og Sune Hansen Mynd: Evy Toftegaard Nielsen