hósdagur 1. august 2013síða 10

Fríggjadagur 2. august 2013 · Nr. 87 10 Sosialurin Hugskot og viðmerkingar – send sms til 225000 GULLBERG SOKKIN Lagt til rættis: Rógvi Nybo Rógvi Nybo Hetta var ein góður kjansur at fáa hjá bert 20 ára gamla Robert Andreasen úr Vest­ manna. Fyri einum góð­um mánaði síðani fekk hann prógv sum ein tann yngsti maskinmeistarin nakran­ tíð í Føroyum, og fyri eini viku síðani mynstraði hann sum maskinmaður um­ borð á Gullbergi. Men túr­ ur­in til makrelfiskiskap við Gull­bergi skuldi vísa seg at fáa ein heilt øðrvísi og meira dramatiskan enda, enn nakar yvirhøvur kundi ímynd­að sær. Um klokkan 8 miku­ morgun­in fer ein alarmur í gongd á Gullbergi, sum ger mann­ing­ini greitt, at okkurt er áfatt í maskinrúminum. Tá alarmur­in fer í gongd stendur maskin­maðurin Robert og hjálpir til á fabrikkini, har teir júst eru byrjaðir at hag­ reiða makrelin, teir lítlan tíma áðrenn høvdu fingið um­borð. - Eg hoyri, at alarmurin fer í gongd. Men eg hugsi ikki stór­vegis meira um hetta, tí alarm­urin fer javnan í gongd fyri maskinrúmið umborð á einum slíkum skipi, og eg visti at meistarin var har og fór oman í maskinrúmið. Alarm­u­rin koyrir í eini 10 til 15 sekund, so sløknar hann aftur. Men so gongur ein lítil løta og alarmurin fer í gongd aftur, og tá leyp eg so nið­ur í maskinrúmið. Tá kem­ur meistarin ímóti mær, og sigur við meg, at her var alvor­ligt. Sjógvurin fossar inn Tað gerst skjótt greitt fyri meistaranum og 20 ára gamla maskin­manni­num Ro­bert, at støð­an er rætti­liga al­vor­lig. Sjógv­ur foss­ar inn í mask­in­rúm­ið á Gull­bergi, og longu tá Ro­bert kem­ur ni­ður í maskin­rúm­ið, er tað við at fyll­ast. - Vit royna so beinan­veg­ i­n at fáa koblað neyð­genera­ torin til, soleiðis at skipið ikki verð­ur myrkt og pumpurnar ikki ganga fyri. Men vit fáa ikki gongd í neyðgeneratorin beinan­vegin, greiðir Robert frá. Tað eydnast teimum tó at fáa gongd á neyðgeneratorin eftir einari løtu. Men sjógv­ urin fossar samstundis inn í maskinrúmið, og tað er bein­ an­vegin so mikið djúpt, at tað er ógjør­ligt hjá teimum at fara niður at finna og bøta um lekan. Skalkaðu av - Eg fór so í gongd við at skalka allar hurðarnar til maskin­rúmið av, soleiðis at ikki øll reyvin á skipinum, har maski­nrúmið er, skuldi fyllast við sjógvi, sigur Robert. Á henda hátt kundu teir royna at vinna sær nakrar, skuldi tað vísa seg dýrar­ bar­ar, minuttir, har skipið enn flýtur. Hetta er vanlig manna­gongd, tá so illa stend­ ur til, at maskinrúmið er við at fyllast í sjógvi. - Eg fór so í kontrolrúmið at skalka av, men tá fáa vit svart skip, og vit fáa ikki neyð­generatorin inn aftur, greiðir Robert frá. Hetta kann ikki henda Tað eru ikki nógvir tankar, ið streyma gjøgnum høvdið á unga vestmenninginum, með­an teir stríðast við at skalka av og bjarga skipinum. Hann hevur júst fingið sítt prógv sum maskinmeistari, tó at hann enn manglar siglings­tíðina – nakað hann skuldi fáa sær millum annað við avloysarakjansinum um­ borð á Gullbergi. Við síni út­ búgv­ing og teimum skeið­um, ið hartil hoyra, veit hann, hvat gerast skal, og so er bara at fáa tað gjørt sum skjótast. - Tað einasta, eg faktisk hugs­aði, var, at hetta kann ikki henda. Tað hugsar mann, tá mann fer út við ein­um skipi, at sovorið kann als ikki henda, sigur Robert Andrea­ sen. Stríddist til tað síðsta Av góðum grundum veit Ro­ bert ikki at siga, hvussu hini umborð hava reagerað upp á støðuna. Sjálvur strídd­ist hann, saman við maskin­ meistara­num, til tað allar­ síðsta við at royna at halda skipinum lens og so at skalka allar hurðar til maskinrúmið av. - Til síðst fór eg fram í fabrikkina at skalka ta sein­astu hurðina niður til maskin­rúmið av. Áðrenn eg skalkaði hana, vendi eg mær líka við, fyri at tryggja mær, at einki fólk var eftir aftan­ fyri meg. Men har var einki fólk, og so fór eg sum tann síðsti upp úr maskin­rúmi­ num og so upp á brúnna. Tá Robert kom upp á brún­na, hevði skiparin longu giv­ið hinum í manningini boð um at lata seg í yvir­ livilsis­draktirnar. Tá var greitt, at skipið mátti rýmast. Fyrsti men ikki seinasti túrurin Á veg inn til lands aftur við Sjaga­kletti, sum manningin varð bjargað umborð á, gekk alt róliga fyri seg, og manningin fekk prátað eitt sindur um tað, sum farið var fram. Og hendingin við Gull­bergi, sum sakk undan bert 20 ára gamla Robert á hansara fyrsta túri, hevur ikki tikið mótið frá unga vest­menninginum. - Nei, tað haldi eg ikki at tað hevur. Onkur kjansur fer sikkurt at koma aftur, og eg ætli mær nokk út aftur at sigla, sigur Robert Andrea­ sen. Sum ein tann yngsti, ið nakrantíð er útbúgvin maskin­meistari, er hetta neyv­an tann byrjan, hann hevði ynskt sær, men honum munnu standa nógv góð ár fyri framman enn. rogvi@sos.fo Fyrsti túrurin Yngstur umborð 20 ára gamli og nýútbúni maskinmeistarin Robert Andreasen var síðsti maður úr maskinrúminum á Gullberg, áðrenn hann sakk. Hetta var hansara fyrsti túrur eftir lokna útbúgving, men túrurin fekk ein bráan enda eftir bert einari viku í fiskiskapi Tíðarrøðin Kl. 0800 (umleið) Alarmurin í maskin­ rúminum á Gullberg fer í gongd Kl. 08.15 MRCC-Tórshavn fær boð frá alarmcentralinum um, at trolarin Niels Pauli hevði boðað frá, at trolarin Gullberg hevði brúk fyri pumpum, tí hann lak illa í maskin­ rúminum. Tyrlan og Brimil fingu boð um at fara til hjálpar. Tvær pumpur blivu fluttar umborð á Gullberg, ein frá Niels Paula og ein frá Atlantic Orion, sum vóru staddir á leiðini. Kl. 08.41 Niels Pauli boðar frá, at nú eru bert trý av manningini eftir umborð á Gullberi, sum nú flýtur tungt í sjónum og hevur stóra slagsíðu. Kl. 08.53 Niels Pauli boðar frá, at øll manningin á Gullbergi, níggju í tali, er bjargað umborð á Sjagaklett. Gullberg hevur nú 70 stig slagsíðu, og hekkan er um at fara undir. Kl. 09.01 Niels Pauli boðar frá at Gullberg er sokkin á positión 63º30,5 N 007º15,7 V.