hósdagur 8. august 2013síða 34

nr. 90 · 9. august 2013 2 VIKUSKIFTI Eg kenni eina konu, sum er so góð og mild, so hjálpsom og hjartagóð, so blíð og fyrikomandi, so gávumild, glað og rokut. So ósjálvsøkin, lítillátin, tolin og altíð við tí góða orðinum. Og so er hon eisini bæði vøkur og hábærslig á at líta. Hesi lýsingarorð eru bara nøkur av teimum, sum koma mær til hugs, tá eg skal lýsa hesa 80 ára gomlu konu. Hon er mamma, omma og langomma. Hon er systir og svigarinna. Og øll elska hana. Hon hevur nógvar góðar vinir og kenningar, sum gleða seg at fáa vitjan av henni. Hennara positiva lyndi lýsir upp gerandisdagin, og skemtiliga sinnið fær fólk at flenna í skellilátri, tá hon fortelur frá stuttligum hendingum. Soleiðis er vermamma mín. Og tað er heilt vist, at eg geri ikki ov nógv av. Eg hugsi viðhvørt, um tú gevur tí nóg væl gætur, tá tú í lívinum møtir menniskjum, sum eru sum vitar. Tú leggur leiðina móti teimum, kanska uttan at hugsa um tað. Verður drigin at hitanum frá ljósinum. Og so kanst tú vera so heppin at fáa eina so fitta vermammu at fylgjast við í lívinum. Liviumstøðurnar broytast alla tíðina. Og sum eitt slitið orð sigur, so broytast vit eisini. Men eg hugsi, at vit til allar tíðir fara at hava gleði av sjáldsomum fólkum, sum skara framúr á ymsan hátt. Fólkum, sum geva okkum tónleik, list og skaldskap at gleðast um. Og ikki at gloyma fólk, sum eru um okkum og geva so nógv, uttan at vita tað sjálv. Ofta taka vit alt fyri givið. Lurta eftir sanginum í útvarpinum, sum er hann ein sjálvfylgja. Skuldu kanska oftari keypt eina fløgu. Og somuleiðis vit, sum ikki eru serliga umhugsin, skuldu kanska gjørt okkurt fyri tey góðu menniskju, vit hava rundan um okkum, tó at tað onkursvegna tykist, sum teimum ongantíð »tørvar« nakað. Hvussu tú kanst takka slíkum fólkum? Tú kanst sjálvandi gera tað við orðum, men tey kosta tær ongan ómak. Eri komin til ta niðurstøðu bara at góðtaka, at vit eru so ymisk og gleðast um og vera takksom fyri nærveruna av sjáldsomu og gávaðu menniskjunum. Tey gávaðu Reytt kort til dómaran Armenski dómarin, sum dømdi dystin millum Inter Turku og Víking í Finnlandi, hevur fingið lívlangt leikbann. Dómarin Andranik Arsenyan og annar hjálpardómarin Hovhannes Avagyan royndu at ávirka úrslitið av dystinum, tí báðir høvdu sett pengar uppá, at bæði liðini skuldu skjóta mál í dystinum. Tá tað framvegis var málleyst eftir 78. minuttir, fekk fyrst Víkingur og síðani Inter Turku hvør sítt brotsspark. Hanus Jacobsen megnaði at umseta til mál, men tað megnaðu finnarnir ikki. Talan var um rættiliga tunn brotsspørk, og mestsum beinanvegin eftir dystin gjørdu veddingarfyritøkur vart við, at spælt var uppá, at bæði lið fóru at skora. Endurtøka av steypafinaluni Tað verður ein endurtøka av steypafinaluni í fjør, sum verður spæld leygardagin 24. august. Mikukvøldið megnaðu bæði EB/ Streymur og Víkingur at spæla seg í finaluna. EB/Streymur við at basa KÍ og Víkingur við at spæla javnleik móti NSÍ. Sigarføring hjá Livar Livar Nysted hevur sett enn eitt heimsmet, tá tað eydnaðist honum og tveimum øðrum at rógva teir 6500 kilometrarnar úr Avstralia til Mauritius upp á 57 dagar og 15 tímar. Komin í land í Grande Baie varð tað markerað við bæði champagnu og sigar. Spís­ kamarið ger klárt Upptøkurnar til nýggju partarnar av vælumtóktu sjónvarpssendingini Spískamarið eru byrjaðar. Teir báðir Gutti Winther og Pætur Marjunarson Dahl ferðast kring landið, vitja spennandi støð og gera forkunnugan mat. Í vikuni vóru teir í Tindhólmi G! hevur sett dato á Meðan fyrireikingarnar til Summarfestivalin koyrdu upp á tað harðasta, boðaði G! Festivalurin frá, tey hava sett dato á, nær teirra festivalur verður í 2014. 17.-19. juli næsta ár verður Gøtusandur aftur fullur av fólki, tí tá verður G! Festivalurin hildin. klumma Simona Weihe