mánadagur 12. august 2013síða 14

Mánadagur 5. august 2013 · Nr. 88 14 Sosialurin Hugskot og viðmerkingar – send sms til 225000 ítróttur ítróttartoymi www.ab.fo: Sjúrður Olsen: Nú er at halda bæði beinini væl plantaði á jørðini. Góða gongdin í seinastuni hevur lopið hvøkk á mangan, men ikki okkum. Vit vistu áðrenn kappingina, www.hb.fo: Fyrsti ósigurin á heimavølli varð veruleiki tá Víkingur vitjaði í Gundadali. Gestirnir vóru nærlagdari í einum linnligum og til tíðir óáhugaverdum taktiskum spæli ið vitjandi venjarin vann. www.vikingur.fo: Gundadalur tikin! Eftir, at vit vunnu fyrsta útidystin yviri í Finnlandi, hevur gingið sum eftir ánni. Gamaní tapti vit úti í Rumenia, men heima eru útisigrar komnir til høldar móti bæði KÍ og NSÍ! www.eb-streymur.fo: -Vit eru har, vit eiga at vera, tí EB/Streymur er steypakappingarliðið yvir øllum, segði ein áskoðari eftir dystin mikukvøldið, og tað hevur hann nokk rætt í. www.07vestur.fo: Fyri okkara viðkomandi fær sera tungt at síggja góða spæli fyrstu løtuna ikki geva úrtøku, og so at gestirnir knappliga vóru á odda við fyrsta álopinum. Vit taptu 4-1, og niðurstøðan má vera, at vit ikki fingu úrtøku úr okkara mongu møguleikum, mótvegis B36, sum skoraðu 3 uppá sínar 4 í fyrra hálvleiki. www.nsi.fo: Ungi 16 ára gamli ungdómsleikarin Meinhard Egilsson Olsen úr NSÍ fer í komandi viku aftur at royndarvenja við FCK í Keypmannahavn. Meinhard var í april í ár og royndarvandi í FCK og hetta gekk so mikið væl at FCK aftur hevur bjóðað honum at koma at royndarvenja, við tí fyri eygað at taka avgerð um tað er grundarlag fyri gera ein møguligan lærlingasáttmála millum NSÍ og FCK www.svimjing.com: Gøla undur uppsigling: Ein ófrættakend søga ferðast nú á fleiri svimjimiðlum, at har møguliga var eitt sirkulerandi rák í kappingarhylinum í Palau Sant Jordi, sum avlagaði kappingina serliga millum sprintarar. www.nordlysid.fo: Úti í yvirtíðini bleiv KÍ toppskjúttin enn einaferð hetjan í Klaksvík. KÍ fekk við hesum sítt fyrsta stig í longri tíð og enntá á Summar Festivalinum. KÍ avrikini seinastu tíðina hava bent á, at betri úrslit vóru í væntu. Heimasíðurnar skriva: Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen Pætur Eyð. Jensen T að er so skjótt at venja seg við at vinna. Tað gera vit føroyingar eisini. Tað eru enntá fólk, sum blivu vónbrotin av, at Pál »bara« bleiv nummar sjey í heiminum, og at Gunnar Nielsen ikki stóð mál hjá Manchester City. Í báðum førum er talan um sonn brøgd, at menn eru við í kappingini. Pál Joensen er also nummar sjey í heiminum, meðan Gunnar Nielsen spældi í tá besta felagnum í Onglandi. Orsøkin til hetta glepsið er, at U21 landsliðið í vikuni fær vitjan av Írlandi. Føroyska U21 landsliðið hevur í fleiri førum framt fleiri góð avrik og fingið úrslit, sum eru væl betri enn tað vit eru von við í altjóða fótbólti. Hvør minnist ikki 1-0 sigur á Russlandi, sum helst er best kenda úrslitið hjá U21 landsliðnum. Í hvørjari undankapping hava U21 landsliðið bramt okkurt slag av bragdi. Hendan undankappingin er ongin undantøka. Vit hava longu spælt 2-2 móti eini sterkari fótbóltstjóð sum Rumenia, har vit samanlagt vóru minst líka góðir sum gestirnir. Nú kemur Írland á vitjan og tað er skjótt, at vónirnar ikki samsvara við veruligu styrkina á føroyska U21 landsliðnum. Tí er týdningarmikið, at viðhaldsfólk hjá føroyska U21 landsliðnum ikki venja seg við góðu úrslitini, men halda fram við at stuðla ungu monnunum, ið eru framtíðin hjá føroyskum fótbólti. Tí er mín vón, at tað mikukvøldið sita nógv fólk á Svangaskarði og rópa og stuðla føroyska U21 landsliðnum. Vit hava eisini sæð bæði U17 landsliðið og U15 landsliðið fingið góð úrslit í kappingum uttanlands, so vónandi heldur góða gongdin hjá U21 landsliðnum fram. Men minst nú til, at vit ikki mugu gloyma hvørjar fortreytir við hava í føroyskum ítrótti. Tí er tað flott hvørja ferð føroysk ítróttarfólk standa seg væl í altjóða kappingum. So gloymi ikki at stuðla røsku ítróttarfólknum! Ikki taka tað fyri givið Ítróttar klumman Tróndur Arge Helgi Dam Ziska er Føroya besti telvari nakrantíð. Og í dag hevur hann av álvara skrivað føroyska talvsøgu. Tað gjørdi hann í talvkapping í letlendska høvuðsstaðnum Riga, tá ið hann í næstsíðsta um­far­inum tryggjaði sær fyrsta GM normin. Eingin føroyingur hevur nakrantíð áður vunnið ein stór­ meistara­norm. Eftir átta umfør hevur Helgi Dam Ziska vunnið 5,5 stig. Hann hevur vunnið trý talv og í fimm førum hevur tað verið javnt. Í seks førum hevur mótstøðan verið stór­meistarar. Síðsta talvið verður í morgin. Tá er aftur ein stórmeistari á skránni. Uttan mun til hvussu tað gong­ur í morgin, so hevur Helgi Dam Ziska tryggjað sær fyrsta GM normin. Fyri at gerast GM er neyð­ ugt av vinna tríggjar GM normar. Helgi Dam Ziska, sum lesur í Skotlandi, fegnast yvir avrikið í Riga. Hann sigur, at næstu ferð, hann fer at hava møguleikan at stríðast fyri GM normi, verður í kapping í Íslandi í oktober. Í dag hevur Helgi skrivað føroyska talvsøgu, og vit fegnast yvir stóra bragdið! sosialurin@sosialurin.fo Tað hevur ikki verið serligt fokus á tí, men í hesi vikuni hevur føroyskur telvari arbeitt nógv og miðvíst fyri at røkka upp um fyrstu gáttina á leiðini at gerast stórmeistari, og í dag eydnaðist tað Helgi hevur vunnið GM norm Vinnara sms'ið í Triða Hálvleiki: ■ Páll Klettskarð var neyvan tann einasti sum javnadi á Summarfestivalinum (KÍ - ÍF) Besta sms'ið, vinnur eitt atgongumerki til lands­dystin ímillum Føroyar og Eysturríki 15. oktober 2013 Landsliðsvika: Bæði føroyska A-landsliðið og U21 landsliðið skulu spæla í vikuni. A-lands­liðið spælir venjingardyst móti Íslandi í Reykjavík, meðan U21 landsliðið spælir undan­kappingardyst móti Írlandi á Toftum.