mánadagur 12. august 2013síða 36

vika 33 l 12. august 2013 Ókeypis lýsingarblað 4 vikutíðindi Størsti sorgarleikurin í lívinum hjá Nils Malmros er nú gjørdur til film: Hendingin, tá konan í eini psykosu drap einkardóttur teirra í 1984 Í síðstu viku vitjaði danski films­leik­ stjórin, Nils Malmros, í Føroyum. Ikki tí, tað hevur hann gjørt javnan seinastu 19 árini, tá hann fór undir fyrireikingarnar til Barbaru-filmin, sum varð upptikin í 1996. Nils Malmros er kendur fyri at gera filmar, sum taka støði í hansara egnu upplivingum. Einasta undantakið er filmurin um Barbaru. Og í hesum døgum er hann aftur aktuellur – tí 14. november verður nýggjasti filmur hansara, »Sorg og glæde« frumvístur. Hesaferð leggur hann fram fyri almenningin døkkasta sorgarleikin í lívi sínum – tað ringasta, sum tú kanst ímynda tær – tá kona hansara fyri 29 árum síðani í eini psykosu drap níggju mánaðir gomlu dóttur teirra. Almenningurin hevur ikki vitað um hesa hending, sum fór fram í heimi teirra í Højgbjerg í Århus í februar í 1984. Málið var frammi í miðlunum tá, men rætturin setti navnaforboð, so nøvnini hjá familjuni vórðu ongantíð nevnd í sambandi við hendingina. Eftir sorgarleikin fekk konan, Marianne Tromholt, ein viðgerðardóm í hálvtannað ár. Hjúnini hava tó hildið saman síðani: – Tað eydnaðist okkum at finna eydnuna og kærleikan aftur, og Marianne, sum er lærari, kom aftur til arbeiðis sum lærari og kundi liva eitt vanligt lív, segði Nils Malmros við Sosialin næstsíðsta vikuskifti. Nils Malmros hevur so mangan tikið til úr bókini hjá Jørgen-Frantz um Barbaru, at: »Kærleikin er sum login, ið brennur klárast, tá angistin sum gjóstur heldur lív í honum...« – og tað er kanska tí, at hann hevur havt slíkan forkærleika fyri skaldsøguni, ið sum sagt hevur fingið hann at gjørt einasta filmin, sum ikki er tikin úr egnum brósti. Tá søgan handan nýggja filmin kom fram í síðsta mánaði, gjørdu donsku miðlarnir sera nógv burturúr. Men Nils Malmros heldur tó ikki, at teir eru farnir út um mark. – Miðlarnir hava veruliga víst okkum hógv og verið okkum vinarligar, bæði nú og í 1984, sigur Nils Malmros, sum tó heldur, at tað hevur verið í so ógvusligt at verið kioskbaskari á forsíðunum í Danmark í tríggjar dagar á rað. – Men tá eg nú havi valt at gera film um hesa hendingina og harvið almannakunngera sorgarleik okkara, so havi eg jú boðið bæði fjølmiðlunum og øllum øðrum at tosa um evnið og at spyrja okkum nærri um hendingina. Tað má eg so taka við, og tað geri eg fegin, sigur Nils Malmros. Nils Malros hevur enn ikki greitt nærri frá innihaldinum í nýggja filminum, uttan tað, at hann snýr seg um hendan sorgarleikin. Men pínan hevur fylt nógv í filmunum hjá Nils Malmros, so nú fáa vit uttan iva søguna aftan fyri hesa pínu, – ta ultimativu pínuna, sum tað má vera at missa sína egnu dóttir undir so vanlukkuligum umstøðum. – Tað er rætt, sigur Nils Malmros, sum tó leggur tó dent á, at fyri tað um hann tekur støði í sær sjálvum í hinum filmunum, so er talan tó um fiktión, meðan tað í nýggja filminum eru egnu upplivingarnar í sorgarleikinum, hann vil vísa. Nils Malros uttan fyri Nýggjustovu – barnaheimið hjá høvuðspersóninum í skaldsøguni hjá Jørgen-Frantz Jacobsen, sum hann gjørdi til film í 1997. Søguligi persónurin aftan fyri Barbaru, var sorinskrivaradóttirin Beinta, ella Bente Christine Broberg, sum varð fødd í Nýggjustovu í 1667 Mynd: Álvur Haraldsen Ger film um tá konan drap dóttrina Fakta um filmarnar hjá Nils Malmros: 1. En mærkelig kærlighed 1968 2. Lars Ole, 5. c 1973 3. Drenge 1977 4. Kundskabens træ 1981 5. Skønheden og udyret 1983 6. Århus by night 1989 7. Kærlighedens smerte 1992 8. Barbara í 1997 9. At kende sandheden 2002 10. Kærestesorger í 2009 11. Sorg og glæde 2013 Nýggi filmurn hjá Nils Malmros, Sorg og glæde, verður frumsýndur 14. november. Høvuðsleiklutirnar sum tey bæði, Nils Malmros og konan Marianne Tromholt, hava sjón­ leik­arar­nir Helle Fagralid og Jacob Cedergren. Og Nils Malmros vænt­ ar sær nógv av teimum. – Tey spæla sínar leikutir meist­ar­liga væl, og eg eri vísur í, at Helle Fagralid fær eitt rættiligt gjøgnum­brot við hesum filmi, sigur Nils Malmros. Hella Fagralid hevur føroyskar røtur. Omma Helle Fagralid var Josta Fagralíð, sum var ættað úr Leirvík, men vaks upp hjá Berhard og Honnu Fagralíð í Klaksvík. Josta hevði Lillå sum eftirnavn, men tá ið Benhard og Hanna fingu sær Fagralíð sum eftirnavn, tók hon eis­ini eftirnavnið til sín. Josta varð gift í Helsingør og fekk tvær døtur. Onn­ur teirra er mamma Helle Fagralid. Fagralid og Cedergren í høvuðsleiklutum Høvuðsleiklutirnar hava sjón­leik­ar­arnir Helle Fagralid og Jacob Cedergren