mánadagur 12. august 2013síða 38

vika 33 l 12. august 2013 Ókeypis lýsingarblað 6 vikutíðindi Eingin ivi var um, at Mika var nógv tað størsta pop-navnið á Summar Festivalinum í ár. Hóast konsertin hjá honum var longu hóskvøldið, so var Vágsbøur stúgvandi fullur, tá konsertin varð hildin, og fyri nakrar fáar fjepparar gjørdist talan um eitt kvøld, ið var nakað nógv meira enn tað vanliga. Føroya Tele og Norðoya Sparikassi høvdu hvør í sínum lagi havt kappingar, har til bar at vinna eina løtu saman við ensku superstjørnuni. Til samans vórðu fýra hepnir vinnarar funnir, og vunnu hesi hvør síni tvey VIP-pass, har tey eisini sluppu backstage við Mika. Fyri onkran av vinnarunum kom hetta eisini sera óvart á. Viðkomandi var nevnliga við pápanum til skips, men tá boðini um vinningin komu fram, varð kósin sett móti landi, so løtan við stjørnuni ikki fór fyri skeyti. Ofta verður tikið til, at kendu stjørnurnar kunnu vera heldur arro­ gant­ar, men hetta stemplið kann ikki setast á Mika. Fryntligur og fyrikomandi gav hann sær góðar stundir at práta við børnini. Áðrenn autografar vórðu skrivaðir, vildi hann hava at vita, hvussu nøvnini hjá fjepparunum vórðu stavsett, og eisini royndi hann úttala nøvnini, hóast tað sum vera man var misjavnt, hvussu hetta hepnaðist. Hvussu var og ikki, so gjørdist talan um eina ógloymandi løtu hjá fjepparunum, og eingin ivi er um, at væl verður ansað eftir fartelefonum og øðrum, sum varð nýtt, tá autografar og ein innilig heilsan frá Mika skuldu fáast til høldar. Føroya Tele og Norðoya Sparikassi eru millum føstu sponsorarnar hjá Summar Festivalinum. Saman skipaðu tey fyri tiltakið, har nakrir hepnir Mika-fjepparar sluppu at hitta ensku superstjørnuna Poppaðu við Mika