mánadagur 12. august 2013síða 48

vika 33 l 12. august 2013 Ókeypis lýsingarblað 16 Regatta & Ovastevna Vikutema Hjartaliga vælkomin til regatta á Eiði Vit í Eiðis kommunu eru sera glað fyri, at regatta siglingin aftur í ár fer av bakkastokki á Eiði. Regattaðin er blivin ein sannur veistludagur fyri fólkið í Eiðis kommunu, og tískil er einki at ivast í, at lokala fólkið gleðir seg, at taka ímóti øllum bátaglaðu gestunum henda dagin. Franklin D. Roosevelt segði eina­ ferð soleiðis: ”Fyri at koma aftur í havn, so mást tú fyrst sigla, ikki bara ankra, og ikki bara fylgja streyminum”. Hetta er nakað sum allir føroyingar kenna seg aftur í. Vit hava lært, at okkum nýtist at leggja frá landi, fyri at fáa nakað aftur til havn. Vit eru fiskivinnutjóð, so vit vita hvat tað merkir at leggja frá landi, men tað ið Roosevelt meinti við, var helst ikki, at vit mugu fáa fiskaða fongin aftur í havn at virka. Hann tosaðu um at víðka sín sjónarring og tora at velja sínar egnu leiðir bæði sum tjóð og sum einstakligar. Regattaðin byrjar á Eiði, síðani verður silgt gjøgnum alt sundalagið og endar síðani í Nólsoy. Tá vikuskiftið er farið framvið, tá fara vit øll aftur í egna havn. Eg vil siga at regattaðin er ein møguleiki hjá okkum at víðka okkara sjónarring, møta nýggjum fólki, fáa góðar upp­ livingar í klæðsekkin, sum vit síðani kunnu taka á land í okkara heimbygd. Men hvat er tað veruliga vit fáa heimaftur við? Er tað bert ein sigli­ túrur? Mín meining er at vit fáa nakað heilt serstakt í klæðsekkin eitt tílíkt vikuskifti. Afturat eini serstakari nátt­ úru­uppliving, fáa vit eitt samanhald millum eina stóra fjøld av felags landsmonnum. Vit syngja felagssangir sum minna okkum á at vit noyðast standa saman, sangir so vit ikki gloyma at vit eru sterk, og sangir sum gera at vit ikki gloyma hvørji vit eru. Eisini læra vit børn okkara hvaðani tey eru, forfedrar okkara hava í øldir búleikast á havinum, og júst hesin dagurin er eitt upplagt høvi hjá familjum at minnast aftur á hesar menn í bóru landið. At enda vil eg ynskja øllum eina góða regatta sigling, og vónandi venda vit øll heimaftur við fullum klæðsekki av góðum upplivingum. Við bátakvøðu: Jógvan í Skorini, borgarstjóri í Eiðis kommunu. Rás2 sendir frá regattaini Aftur í ár fer Rás2 at senda frá regattaini, sum Hósvíkar Róðrarfelag skipar fyri Leo Poulsen Eins og undanfarnar regattair, fer Rás2 eisini at senda frá degnum í ár. Tað verða teir báðir, Vilmund Jacobsen og Heri Simonsen, ið fara at stýra mikrofonunum, Teir fara at fylgja regattaini av Eiði suður gjøgnum Sundalagið, og fara at gera fleiri prát. Allarhelst fara vit eisini at ganga bát av báti á veg suður gjøgnum Sundalagið, sigur Vilmund Jacobsen. Sent verður frá tíðindini eru av fríggjadagin - umleið 17.15-17.20 - og fram til klokkan níggju. Leygardagin verður so tørnað til á Sjómannadegnum í Klaksvík, har Rás2 sendir frá klokkan 11 fyrrapart og fram til klokkan 15. Eisini har verður nógv for­kunn­ ugt á skránni, og tað verða eisini teir báðir, Vilmund Jacobsen og Heri Simonsen, ið fara at práta við fólk á Sjómannadegnum.