mánadagur 12. august 2013síða 52

vika 33 l 12. august 2013 Ókeypis lýsingarblað 20 Regatta & Ovastevna Vikutema Vit hjálpa bara til so hissini Róðrarfelgið í Hósvík hevur verið óført at skipa fyri, og vit í kommununi hava ikki gjørt annað enn tað, tey hava spurt um. Restina hava tey klárað sjálvi, sigur Heðin Zachariassen borgarstjóri i Sunda kommunu Leo Poulsen Tað er ikki tað stóra, ið Sunda kom­ muna ger upp undir regattaina hjá Hósvíkar Róðrarfelag, men okkurt er kortini. – Tey hava biðið um bátabrúgvar, og har fara vit at flyta tær, vit hava liggjandi í Hvalvík yvir til Hósvíkar, sigur Heðin Zachariassen. Men tað eru eisini lutir, ið hann heldur eru kommunalar uppgávur. – Slíkt, sum at veita streym til bátarnar meti eg er ein kommunal uppgáva, so har hava vit traðkað til og lagt streym til, sigur Heði Zacha­rias­ sen. Men burtursæð frá hesum, er tað ikki tað stóra, kommunan sum so ger. – Vit rudda sjálvandi, og lata eisini regattaina draga upp á arbeiðsfólkið hjá kommununi, men vit ansa væl eftir, at regattain ikki endar sum ein kommunal uppgáva. Men fólkið hjá róðrarfelagnum hava verið fantastisk sjálvi at tikið sær av so at siga øllum, sigur Heðin Zachariassen. Hann heldur, at talan er um eitt sera gott tiltak, sum var eindømi, tá fyrsta regattain varð fyriskipað. – Tað eru nógv fólk at síggja fríggjakvøldið, og nú eru eisini hús­ vognar byrjaðir at koma. Men tað er framvegis bátarnir, sum tað snýr seg um fyrst og fremst, sigur Heðin Zachariassen. Øll taka lut Regattain savnast sum kunnugt á Eiði fríggjakvøldið, áðrenn lagt verður til brots suður gjøgnum Sundalagið. – Vit skulu eisini minnast til, at tað finst einki betri og tryggari pláss at halda eina regatta, enn júst í Sunda­ lagnum, bæði hvat veðri og vindi og streymi viðvíkur, sigur Heðin Zacha­ rias­sen. Hann heldur eisini, at fólk yvirhøvur eru við upp á tað. – Fólk syrgja fyri, at tað er reint og ruddiligt, og serliga, at bøurin er sligin, so pláss verður at seta upp tjaldini, sigur Heðin Zacharissen. Umstøðurnar eru eisini góðar í Hósvík til at fyriskipa einari regatta. – Onkuntíð hevur tjald verið sett upp á havnarlagnum, men annars haldi eg sjálvur, at bygdarhúsið er eitt frálíkt hús at hýsa regattafólkinum. Og tað er eisini ógvuliga trygt, tí tú kanst ganga undir høvuðsvegnum gjøgnum ein tunnil fyri at koma niðan í bygdarhúsið, sigur Heðin Zacharias­ sen. Burtursæð frá fyrsta árinum er regattain endað í Nólsoy eftir miðdag leygardag. – Eg haldi, at fólkið dámar væl at regattain endar á ovastevnu, og so fara bátarnir hvør til sítt um mið­ dagsleitið sunnudag, sigur Heðin Zachariassen. Bílig regatta Eitt, sum hevur eyðkent regatt­ aina, sum Hós­ víkar Róðrarfelag skipar fyri, er luttøkugjaldið, ið einans er 150 krónur fyri hvønn Leo Poulsen Tað skal eingin fara á heysin av at taka lut á Regatta 2013, sum Hósvíkar Róðrarfelag skip­ ar fyri á 13. sinni. Kostnaðurin er bert 150 krónur fyri hvønn, og tá fær tú eina T-shirt, umframt atgongd til døgurðan í bygdarhúsinum fríggjakvøldið og morgunmat leygarmorgunin. Dansurin fríggjakvøldið við Hans Jacob Hjelm og vin­monn­ um er tó ikki við í luttøku­ gjaldinum, men kostar fram­ vegis bert 150 krónur. Seinnu árini hevur verið traditión fyri, at kappróðrarbátar eisini taka lut í regattaini, og soleiðis verður væntandi eisini í ár. Og fyri kappróðrafólkið verða serligir prísir galdandi. – Vit hava valt at geva teimum ein avsláttur soleiðis, at kappróðrafólkið bert rindar 100 krónur, men fáa somu ágóðar sum onnur, sigur Sarita G. Joensen, forkvinna í Hósvíkar Róðrarfelag. Sama er galdandi fyri limir i Hósvíkar Róðrarfelag. – Teir sleppa esini við at rinda 100 krónur, og so annars taka lut í tiltøkunum, sigur Sarita G. Joensen. Hon sigur, at kampingvognar somuleiðis eru vælkomnir, ein­ asta treyt er, at teir eisini rinda sama luttøkugjald, sum hini. Tilmelding fer fram við at ringja á 580317/722503 ella við at senda ein teldupost á hosvik79@gmail.com  Seinasta freist at melda til er mikukvøldið 14. august. Heðin Zachariassen, borgarstjóri í Sunda kommunu