mánadagur 12. august 2013síða 60

vika 33 l 12. august 2013 Ókeypis lýsingarblað 28 Sjómannadagar Klaksvík Leo Poulsen Hetta er níggjunda árið, at skipað verður fyri Føroya Sjó­mannadegi, og hann hevur longu vaksið seg so stóran, at neyðugt hevur verið at spjeitt hann út yvir eina heila viku upp á tað nærmasta. Tiltøkini á Sjó­manna­deg­num eru eisini økt í tali, og aft­ur í ár verður okkurt nýtt at sígg­ja. Ein tyrla hjá Atlantsflog verð­ ur sýnd fram á økinum framm­an fyri brand­støðina niðri á havnar­lag­ num, og har ber til hjá fólki at síggja, hvussu ein tyrla sær út innan. Tyrlan verður eisini við í stóru bjargingarroyndini, sum skip­að verð­ur fyri leygardagin saman við bjarg­ing­ar­ feløgum og teimum báðum bjarg­ing­ ar­bát­unum, Lív Rescue og Ziska. - Vit hava í ár eisini roynt at savna allar teir stóru út­róðr­ar­bát­ar­ nar saman og fáa teir til Klaks­víkar til Sjómannadagin, sig­ur Eyðstein Poulsen, ið saman við Karl Birgiri Isaksen og John William Joensen hava stað­ið á odda fyri Føroya Sjó­manna­ degi frá byrjan av. Okkurt annað nýtt verð­ur eisini at síggja á Sjó­manna­deg­num. - Ætlanin er at spenna eitt smá­ bátatrol upp á keiini, so fólk kunnu síggja, hvussu eitt slíkt trol virkar, sigur Eyðstein Poul­sen. Eitt annað forkunnugt og aftur­ vendandi, er uppskering av einum grindahvali. - Tað verður eisini á skránni í ár, og tað verður Dorethe Block, sum fer at greiða frá, meðan upp verður skorið, sigur Eyð­stein Poulsen. Og so verður eisini møguligt at smakka ymiskar matvørur úr sjó­num. - Tað verður kendi kokkurin, Leif Sørensen, sum saman við øðrum fara at skipa fyri mat­roynd­um úr havinum, og so skulu teir eisini velja Føroya besta skipskokk. Men eg má við­ganga, at eg veit ikki, hvørji kriteriir, teir fara at leggja seg eftir, sigur Eyðstein Sørensen. Nógv fyri børnini Vatnkríggj verður aftur í ár. - Tað hevur víst seg, at vatn­kríggið er ógvuliga væl um­tókt og vit rokna við, at Brimil aftur verður ein partur av tí í ár. Og vatnkríggið ger øll gar­ vill eisini tey tilkomnu, sigur Eyð­stein Poulsen. Annars gleðir hann seg per­sónliga til tiltakið, sum verður í Ósá­skúlanum hós­kvøld­ið. - Har fer Hans Ellefsen at greiða frá einari ph. rit­gerð, hann hevur gjørt, sum út í æsir greiðir frá makrel­sam­ ráð­ing­unum millum strandalondini. Og eisini fer Bjørn Kunoy frá um­ sit­ingini at geva sítt íkast, áðr­enn pallborðsfundur verður, sig­ur Eyðstein Poulsen. Heldur ikki børnini verða gloymd á Sjómannadegnum. - Eik Banki fer at skipa fyri ein­ um basari, har møguleiki verð­ur hjá børnum at leita eftir gulli. Hetta verður alt gjørt soleiðis, at tað er ókeypis hjá børn­unum at verða við, sigur Eyð­stein Poulsen. Somuleiðis verða kør sett upp við krabbum og ymsum fiska­sløg­um. - So tað verður nóg mikið hjá børnunum at taka sær til á Sjómannadegnum, sigur Eyð­stein Poulsen. Ein onnur broyting verður á sjó­ manna­degnum í ár. - Vit fara at hava tveir pallar í staðin fyri bert tann eina, sum vanligt er. Orsøkin er, at Angela og Hannibald skulu fram­føra, og fyri at geva pláss fyri tí, hava vit valt at hava ein stóra­ pall og ein lítlapall, sigur Eyð­stein Poulsen. Leif Sørensen og Føroya besti skipskokkur Føroya Sjómannadagur økist í vavi, og byrjar longu týsdagin, og endar ikki fyrr enn sunnudagin. Fleiri nýggj tiltøk eru við hesaferð, millum annað fer Leif Sørensen at borðreiða við smakkroyndum úr havinum