mánadagur 12. august 2013síða 62

vika 33 l 12. august 2013 Ókeypis lýsingarblað 30 Sjómannadagar Klaksvík Leo Poulsen Jan Højgaard hevur verið fastur fúsur á Sjómannadegnum í Klaksvík, heilt frá tí at dagurin á fyrsta sinni varð hildin. - Hetta er eitt ógvuliga gott stig, sum er tikið, við hópinum av ymsum áhuga­verdum tiltøkum, sigur Jan Høj­ gaard. Sjálvur er hann ikki í iva um, hvat honum sjálvum dámar best við Sjó­ manna­degnum. - Tað er egnikappingin. Hana eri eg altíð til. Eg havi jú engt sjálvur heilt frá barnsbeini av, og til eg fór í land fyri nøkrum árum síðani, so tað hevur sjálv­sagt mín serliga áhuga, sigur Jan Høj­gaard. Hann vildi ynskt, at fólk tóku dagin meira til sín. - Eg vildi ynskt, at fólk gjørdu sær meira ómak at vita meira um okkara høvuðs­vinnu. Serliga galið haldi eg tað er í Havn, har fólk vita alt ov lítið um høvuðsvinnuna. Íslendingar eru nógv meira tilvitaðir um íslendsku fiski­vinnuna, enn føroyingar eru sum heild, sigur Jan Højgaard. Hann er ógvuliga fegin um, at Sjó­ manna­dagurin er komin í Føroyum. - Fyrireikararnir eiga nógv rós uppi­ borið fyri tað stóra arbeiði, teir leggja í dag­in, tí tað skal ein rúgva til at stápla øll hesi tiltøkini upp á beinini, sigur Jan Højgaard. Hann vísir á, at alt arbeiði verður gjørt sjálvboðið. - Eg haldi als ikki, at tað hevði bor­ ið til at gjørt ein slíkan dag í Havn, tað hevði slettis ikki latið seg gjørt, sigur Jan Højgaard. Føroyski siðaarvurin Formaðurin í Føroya Fiskimannafelag fegn­ast um mongu tiltøkini, ið eru á Sjó­manna­degnum. - Tað ræður um at varpa ljós á sjó­ lívið, tí vit vita, at eitt arbeiðspláss á sjón­um, skapar tíggju arbeiðspláss á landi, og tí eiga vit at leggja doyin á at útvega fleiri arbeiðspláss á sjónum, sig­ur Jan Højgaard. Tí harmast hann um, at vitanin er so lítil millum fólk um høvuðsvinnu okkara. - Fólk eru so standhaftig og vilja ikki koma til fornuft, slær Jan Høj­ gaard fast. Hinvegin er hann ógvuliga fegin um, at so nógv verður gjørt fyri børn. - Sjómannadagurin er eitt gott til­ tak fyri børn eisini, og har eru kør við krabbum og fiski, sum tey kunnu hug­ na sær við, sigur Jan Højgaard. Hann heldur eisini, at mynstrið í før­oysku fiskivinnuni er broytt. - Fyrr var tað meira róligt á há­ sumri, men seinastu árini hevur verið eitt stórt fiskarí eftir makreli, og har ræð­u­r sjálvandi um at fáa sum mest burt­ur úr, sigur Jan Højgaard. Hann heldur, at Sjómannadagurin í stóran mun byggir á føroyska sið­ venju. - Alt arbeiðið er gjørt sjálvboðið, og tað er nakað, ið merkir føroyska sið­venju. Eisini hetta, at skera upp ein grinda­hval, er føroysk mentan, men sam­stundis er føroyski siðaarvurin so við­hvæm­ur, at vit eiga at gera alt fyri at varð­veita hann, sigur Jan Højgaard. Hann verður aftur í ár, eins og undan­farin ár, fastur fúsur á Sjó­ manna­deg­num. Ein øgiliga góður dagur - Eg havi verið við øll árini, og verið eisini við í ár. Hetta er ein ógvuliga góður dagur, og fyrireikararnir eiga stórt rós uppiborið fyri at skipa fyri degnum, sigur Jan Højgaard, formaður í Føroya Fiskimannafelag Leo Poulsen Eik Banki er gamal og góður stuðul hjá Føroya Sjómannadegi. - Her er talan um høvuðsvinnu okkara, og sum annar av stóru banku­ num meta vit tað hava stóran týdning at hjálpa til tað vit kunnu til eitt slíkt til­tak, sigur Súni Schwartz Jacobsen, stjóri í Eik. Hann heldur, at daguin hevur stóran týdning fyri føroyska fiski­ mannin, men eisini fyri fólk yvirhøvur. - Hetta er eitt kærkomið høvi hjá før­oysk­um sjómonnum at hittast til gaman og álvara, og sjómannadagurin er eftir hondini vorðin so stórur, at hann rættiliga sæst aftur í gerandis­ deg­num, sigur Súni Schwartz Jacob­ sen. Hann skilir, at slík tiltøk eru trupul at stápla upp á beinini. - Tað er fyri okkum ikki bert ein spurn­ingur um at stuðla einum tiltaki, tí hetta er eisini ein íløga fyri bankan at verða við í, sigur Súni Schwartz Jacobsen. Hann sigur, at nógv gevandi tiltøk verða við á Sjómannadegnum, og nevn­ir serliga tiltakið hóskvøldið. - Tá verður fyrilestur hjá Hans Ellef­sen, phd, um samráðingarnar um uppsjóarfiskin, har eisini lands­ styris­maðurin í fiskivinnumálum og lø­gm­aður luttaka, og tað tykir mær er rættiliga áhugavert, sigur Súni Schwartz Jacobsen. Hann heldur, at tað hendir nakað í Klaksvík um sumrarnar. - Har er jú Norðoyastevna, og nú í august eru so bæði Summarfestivalur og Sjómannadagur, so sigast má, at talan er um eitt virkið fólk, sigur Súni Schwartz Jacobsen. Hann fór av landinum fríggjadagin í farnu viku, men verður aftur hósdagin í hesari vikuni. - Eg var burturstaddur Sjó­manna­ dag­in í fjør, men annars havi eg verið við til teir allar, og eg ætli mær eisini at vera við til dagin í ár, sigur Súni Schwartz Jacobsen. Hann heldur, at dagurin er eitt gott høvi at varpa ljós á høvuðsvinnu okkara. - Og tað er eisini í tráð við hugsan­ ina, at dagurin verður hild­in í Klaksvík, ið verður nevndur fiski­vinnu­høvuðs­ staður Føroya, sigur Súni Schwartz Jacobsen, stjóri í Eik Banka. Vilja fegin stuðla høvuðsvinnuni Eik Banki hevur verið høvuðsstuðul hjá Sjómannadegnum í longri tíð, og Súni Schwartz Jacobsen, stjóri, sigur, at tey halda tiltakið hava stóran týdning, og tí fegnir stuðla