týsdagur 13. august 2013síða 12

Mikudagur 14. august 2013 · Nr. 92 12 Sosialurin Hugskot og viðmerkingar – send sms til 225000 tøkni Kinverska Huawei vilja takast í álvara, nú teir royna at vinna seg fram á europiska fartelefonmarknaðinum. Framleiðarin hevur bæði high-end snildfonir so sum Ascend P2, sum sigst hava skjótasta LTE í heiminum, og tá vit í summar testaðu bíligar snildfonir, vísti Honor 2 seg sum eitt framúr gott keyp, sum gav meira fyri pengarnar enn nakar av kappingarneytunum. Men ber veruliga til at fáa nakað, sum líkist eini snildfon fyri minni enn 1.000 krónur? Huawei ger eina góða roynd við Ascend Y300, sum kostar 999 krónur. Tí hóast hendan á ongan hátt kann kapp­ast við dýraru sniðini á marknaðinum, so er hon munandi betri enn teir fáir kappingar­neyt­ arnir, sum eru á sama prísstøði – eitt nú Samsung og LG. Sammeta vit Samsung Galaxy Ace, sum kostar á leið 600 krónur, so hevur Ascend Y300 ein munandi størri skíggja (4” og 480x800 pixels mótvegis 3,5” og 320x480 pixels), og 1GHz dual-core gerilin við 512 Mb minni er sjálvandi væl sterkari enn tann hjá Samsung, sum er 800 MHz single-core við 278 Mb mimnni. So hóast Y300 fæst fyri beint undir 1.000 krónur, so hevur hon hampuliga megi, meðan kappingarneytarnir í sama prísstøði eru somikið veikir, at teir nóg illa hoyra heima á snildfon-marknaðinum. Krevur tol Tá tað er sagt, so er eingin ivi um, at brúkaraupplivingin við Ascend Y300 langt í frá er á sama støði, sum bara eitt sindur dýrari kappingarneytar. Fyrst og fremst, so krevur telefonin sera gott tol frá brúkaranum, tí alt tekur so laaaaanga tíð við hesi snild­ fondini. Tað er hampuliga ómaksleyst at blaða millum ymsu skíggjamyndirnar, men so skjótt ein app verður opnað, dettur ferðin væl niður. Og váðar tú tær at hava fleiri appir koyr­ andi í senn, missir Ascend Y300 ondina, og tað verður trupult at gera heilt einfaldar gerðir so sum at trýsta á eina leinkju ella at scrolla í skíggjamyndini. Og tað er ikki í lagi, at valmyndir bara hvørva av skíggjanum, tá farið verður úr eini app. So gongur ein løta, áðrenn valmyndin kemur fram av nýggjum. Sjálvandi skal roknast við nakað av toli, tá vøran er somikið bílig, men her trýsta kin­ verjarnir okkum dekan ov nógv. Zzzzzz Vantandi ferðin gongur aftur, tá tú skalt á netið við Y300. Kagin koyrir sera seint, og í sammetingum við high-end snildfoni er Y300 sum ein skjaldbøka, tá leitað verður á netinum. Hetta sæst eisini aftur í vanliga Geekbench-testinum, har vit royna teldu­ megini hjá snildfonini. Her fær Y300 484 stig, meðan HTC One røkkur 2.926 og Samsung Galaxy S4 nærum breyt ljóðmúyrin við 3.250 stigum. Sjálvandi er eisini munur á prísinum, um tú vilt hava flottastu snildfonirnar, men hetta sigur tó nakað um munin í tøknini. Góð tíðindi Tá hetta er sagt, so skal eisini takast við, at Ascend Y300 á fleiri øðrum økjum gevur eina brúkarauppliving, sum er munandi betri enn tað, sum við góðum rætti kann krevjast fyri 1.000 krónur. Fyrst og fremst er ljóðgóðskan góð, og sum ljóðspælari er hendan snildfonin fult so væl egnað sum fleiri dýrari kappingarneytar. Eitt nú er ljóðið bæði betri og harðari enn hjá Galaxy S4. Diskanturin er fínur, og bassurin er góður og tungur, so hon kann brúkast til bæði rock og pop. Skíggin er hálvgum keðiligur. Skíggjamyndin er ok í mun til upploysnina, men litirnir eru heldur kámir, og sum heild tykist ljósið ov veikt. Hjá Huawei eru tey hinvegin hepnari við myndatólinum, sum er 5 MP, og sum tekur fínar myndir. Betri brúkaraflata Ascend Y300 hevur eina serliga brúkaraflatu, sum kinverjarnir rópa Emotion UI. Á nøkrum økjum broytir tað vanliga Android-sniðið rættiliga nógv – eitt nú tí allir appir verða togaðar fram á byrjunarskíggjan. Tað skal mann sjálvandi venja seg við, men í veruleikanum halda vit, at hetta er ein betran. Og so er hetta bara galdandi fyri appir -tú velur framvegis sjálv/ur, hvørjar widgets skulu vísast á byrjunarskíggjanum. Hartil hevur Huawei ment fleiri stuttligar smálutir, so samanlagt tykist Emotion UI at geva eitt betri yvirblikk, og tað kann vera fínt hjá óvanda brúkaranum. Og ert tú ein verulig Android-nørd, so kemur tað kortini neyvan upp á tal at keypa eina telefon fyri 1.000 krónur. Niðurstøða Huawei Ascend Y300 er avgjørt ov sein til veru­liga seriøsa snildfón-brúkaran. Blandingin av lítlari megi og seinum kaga er als ikki serliga góð fyri tolið. Men so skalt tú eisini hugsa um prísin. Tí Ascend Y300 kostar altso bara 1.000 krónur, og við tí í huga, so fært tú her meira fyri pengarnar, enn tú fært við nakrari aðrari telefon á Android-marknaðinum. Myndatólið er gott, skíggin er til at liva við, og ljóðið er at kalla frálíkt. Og talan er framvegis um eina Android-telefon, sum kann koyra allar apps og widgets frá Google Play. Stutt sagt, so er Y300 avgjørt verd sínar 1.000 krónur. Pengarnar verd Kann ein snildfon verða ov bílig Test – Huawei Ascend Y300: Peter Gotschalk Meting ★★★★★★ + - Sera góð ljóðgóðska. Prísurin sein Fakta • Stýriskipan: Android 4.1.1 • Skíggi: 4", 480 x 800 IPS LCD, 233 ppi • Geril: 1 GHz Snapdragon Cortex-A5 dual-core • Minni: 512 MB ram / 4 GB goymsla (+ 32 GB v/microSD) • Myndatól: 5 MP + VGA (framman) • Tráðleyst: 802.11 b/g/n, Bluetooth 2.1, 3G HSDPA, A-GPS • Íbinding: Micro USB 2.0 • Mát: 124,5 x 63,8 x 11,2 mm • Vekt: 130 g • Battarí: 1730 mAh