hósdagur 15. august 2013síða 34

nr. 93 · 16. august 2013 2 VIKUSKIFTI Pápi mín plagar ofta at brúka orðatakið »gløgt er gestsins eygað«. Við hesum meinar hann, at fólk, sum koma uttanífrá, mangan síggja tingini annarleiðis enn tey, sum liva í tí alla tíðina. Eg eri júst afturkomin til arbeiðis eftir eina deiliga feriu í Føroyum. Og sum altíð vekjast nógvir spurningar og hugsanir, tá eg vitji heimlandið. 1. dagur. Hví er Summarskál ikki »Alt-árið- skál«? Ongar av vørunum hjá MBM smakkar so væl sum tað fantastiska Summarskál. 2. dagur. Hitti ein av fittu nýføðingunum í familjuni. Hann er tríggjar mánaðir, og í oktober skal hann byrja í barnagarði. Samstundis skrivar løgtingslimurin Hanus Samró, at barsilsskipanin er nóg góð, sum hon er. Eg seti spurnartekin við intelligenskravið fyri at sleppa inn á Løgting. 3. dagur. »Í ár var summarið ein fríggjadag, plagar beiggi mín at skemta við«. Og eg haldi avgjørt, at tað passar. Ella eri eg bara óheppin? 4. dagur. Føroysk konufók á ólavsøku – eg haldi ikki, at nakað vakrari er til. Nú tá búnarnir eru farnir at skifta lit, er tann áður vakri búnin enn vakrari. 5. dagur. Eg síggi fullar bussar av ferða­ fólkum fara til Bíggjar og Gásadals. Ferðafólk, sum ivaleyst eisini hava lummarnar fullar av peningi at brúka, men hvat skulu tey brúka teir til, um ongir handlar eru? Gott at Kunningar­ stovan hevur latið lítlan handil upp í Gásadali um summarið, men brúk er fyri fleiri slíkum handlum kring landið, har ferðafólk vitja. 6. dagur. Agorafobi. Ræðslan fyri trongum, yvirfyltum støðum var ógvuliga nær, tá eg og synirnir komu oman á Skálatrøð á ólavsøku. Víka um tivoliøkið og burtur við hasi ýlímaskinuni Tórsódn! Puha! 7. dagur. Grindadráp! Eg sigi ikki meir. Tí sigur mann meir um grindadráp, verður mann næstan dripin sjálv. 8. dagur. Internet er ikki nøkur nýggjheit folks! Nú er tíð uppá, at handlar, matstovur, hárfríðkanarstovur – ja øll almenn støð – hava ókeypis wi-fi til viðskiftafólkini. 9. dagur. Hví kann eg ikki skilja sjarmuna við kamping? Er tað tí, at eg búgvi í einum stórbýi, har fólk vanliga hava bústað, sum er á somu stødd sum ein kampingvognur? Tað er mær ein gáta, at tit kamping-elskarar fara úr tykkara lekru, STÓRU húsum og kroysta tykkum niður í ein kampingvogn við klaustro­ fob­iskum lítlum køki, songjum og wc. 10. dagur. Hví skulu verðins fittastu fólk øll búgva í Føroyum? Eg haldi, at tit høvdu kunna spjatt tykkum eitt sindur meira! Hugsið um tad! Takk fyri meg! Summarskál, agorafobi á ólavsøku og so grindin… Regatta Siglt verður av Eiði til Hósvíkar fríggjadagin klokkan 17.00. Tá komið verður til Hósvíkar, verður døgurði í bygdarhúsinum, og leygarmorgunin er morgunmatur. Tað kostar 150 krónur at luttaka, men tá er blusa og matur íroknaður Sjómanna­ dagur Sjómannadagur verður í Klaksvík leygardagin. Skráin byrjar klokkan 9.00 á morgni og øll tiltøk eru ókeypis. Mongu kappingarnar plaga at vera ógvuliga undirhaldandi, tá menn egna um kapp, flisa eplir um kapp, halda dreggi og ymiskt annað. Skráin sæst á sjomannadagur.fo Sjónleikur á teknmáli Leikurin Elements er skaptur í samstarvi millum Ísland, Noreg, Kanada og Grønland. Hvørt land ber fram eina lítla søgu, knýtt at egnari mentan og vald úr frá sermerktu náttúruni í hvørjum landi. Bæði leikarar o leikstjórar eru deyv, tí verður leikurin framførdur á deyvamáli, men er kortini vælegnaður til hoyrandi áskoðarar Kí - HB Gamli fótbóltsklassikarin millum KÍ og HB verður sunnudagin klokkan 15.00. Talan er um 20. leikumfar í Effodeildini. Stóri spurningurin er, um hetta er dysturin, har KÍ loksins vinnur aftur, ella um HB fer at staðfesta sína støðu sum landsins besta lið Ovastevna Ovastevna verður í Nólsoy leygardagin. Nógvir bátar fara úr Hósvík til Nólsoyar fyrrapartin, men Ternan siglir eisini allan dagin og náttina við. Á skránni er bæði sjónleikur, tónleikur og alt møguligt annað, sum hoyrir eini bygdarstevnu til klumma Inna Törnroos