mánadagur 19. august 2013síða 50

vika 34 l 19. august 2013 Ókeypis lýsingarblað 18 Vikutema ferðing Næstan fullsett til Danmarkar í heystfrítíðini Hjá teimum, sum hava hug at ferðast í heyst, er Ísland eitt forkunnugt alternativ til Danmark, har bert nøkur fá pláss eru eftir í heystfrítíðini Vilmund Jacobsen Smyril Line hevur fingið so nógvar bíleggingar á sínum ferðum millum Føroyar og Danmark í heystfrítíðini, at her eru bert nøkur fá pláss eftir. - Men, fólk, ið ætla sær millum londini í heystfrítíðini, eru framvegis vælkomin at spyrja seg fyri á tlf. 345900, sigur Smyril Line. Ísland á heysti Eitt gott alternativ hjá teimum, sum ætla sær aðrar vegir enn til Danmarkar í heyst, er ein ferð við Norrönu til Íslands, og tað er sanniliga deiligt í Íslandi um heystið. Á eini Íslandscruice við Norrönu fært tú rættiliga nógvar tímar á eysturlandinum at koyra runt í. Tá lagt verður at á Seyðisfirði klokkan 09 í heysthálvuni, hevur tú allan dagin at ráða yvir, tí siglt verður ikki av aftur Seyðisfirði fyrr enn klokkan 20 kvøldið eftir. Fleiri møguleikar Smyril Line vísir á, at høvi er á eini slíkari ferð at fara á sightseeing til grannafirðirnar, tú kanst fara gongutúr niðan í fjøllini ella ein biltúr til Mývatn. – Vit eru altíð til reiðar at upp­lýsa, nær snarferðirnar og útferðar­møgu­ leikarnir eru galdandi, og annars eru leinkjur til ymisk ferðamál í Íslandi á heimasíðu okkara, sigur Smyril Line. Á eini Íslandscruice við Norrönu fært tú fleiri tímar á eystur­ landinum at koyra runt í Lagt verður at í Seyðisfirði klokkan 9 um morgunin, og loyst verður ikki aftur fyrr enn klokkan 20 kvøldið eftir Millum møguleikarnar at vitja á eini Íslandscruice er vakra Mývatn Jólatúrur til Danmarkar við Norrönu Enn er langt til jólar, men ætlar tú tær ein bíligan jólatúr við Norrönu, er ongantíð ov skjótt at bíleggja tær ferðaseðil. - Vit hava eina avmarkaða nøgd til tann heilt lága prísin, sigur Smyril Line Vilmund Jacobsen Í ár byrjar jólatúrurin, sum Smyril Line skipar fyri, hóskvøldið hin 28. november. Hetta verður ein túrur til Danmarkar, og tí kann felagið seta prísin heilt niður á 499 krónur fyri hvønn ferðandi. – Hevur tú hug at taka bilin við, er kostnaðurin úr 399 krónum aftrat. Tað sigur Smyril Line, sum eisini hevur góð matartilboð á hesi ferðini, bæði til vaksin og børn. Beinleiðis til Ålborg Á jólatúrinum liggur Norröna út við hálvt annað samdøgur í Hirts­ hals. Skipið liggur nevniliga frá leygar­morgni klokkan 10 til sunnu­ dag klokkan 17. – Tá vit koma til Hirtshals, koyra vit beinleiðis í bussi til Ålborg, og henda ferðin tekur trý korter. Smyril Line vísir á, at Ålborg hevur mangt og hvat at bjóða. – At kalla allir handlar og handils­miðstøðir í Ålborg hava opið hesar báðar dagarnar, sum Norröna liggur í Hirtshals. Lagt verður aftrat, at millum handilsstøðini í Ålborg, er eitt nú Ålborg Storcenter, IKEA, Bilka, Friis Shoppingcenter og so hin kenda Jomfru Ane Gade. Hjørring er nærri Ein annar býur, sum liggur nærri enn Ålborg, er Hjørring, og hagar er bert 15 minuttir at koyra úr Hirtshals. – Hjørring er eisini ein livandi handilsbýur. Her fer ein gongugøta tvørtur um allan miðbýin við bæði matstovum, handlum og café-lívi. Eisini er eitt størri shoppingsentur, ið kallast Metropol, og her eru nógvir ymiskir handlar. Undirhald umborð Smyril Line leggur upp til ein spennandi jólatúr við undirhaldi, serligum matarskráum og tónleiki frá nøkrum av okkara bestu tónleikarum.