týsdagur 20. august 2013síða 10

Mikudagur 21. august 2013 · Nr. 95 10 Sosialurin Hugskot og viðmerkingar – send sms til 225000 tíðindi Helvtina færri fólk á ovastevnu Ternan sigldi við tilsamans 2.733 fólkum um Nólsoyarfjørð á ovastevnu í ár móti 5.325 fólkum á ovastevnu í fjør Vilmund Jacobsen Veðrið spælir nógv inn, tá summarstevnur eru, og soleiðis var eisini seinasta vikuskifti, tá fleiri tiltøk vóru á skránni, eitt nú regatta­ sigling í Sundalagnum, sjó­ mannadagur í Klaksvík - og ovastevna í Nólsoy. Leygardagurin var einki serligur til veður. Stundum regnaði illa, og lotið var frískligt. Tað mesta var farið av seinnapartinum leygar­ dagin og partvís kvøldinum við, áðrenn tað sleit í, og vit fingu so nøkulunda stevnu­ veður. Nógv færri Jens Petur Brattalíð á Strand­ faraskipum Landsins sigur, at ferðaætlaninin hjá Ternuni var júst hin sama á ovastevnu í ár sum á ovastevnu í fjør. – Men, vit høvdu nógv færri ferðandi við í ár. Hann vísir á, at samlaða talið av fólki, sum Ternan á ovastevnu flutti um Nóls­ oyarfjørð - báðar vegir - var 2.733 í ár í mun til heili 5.325 á ovastevnu í fjør. – Hetta er ein minking, sum svarar til út við eina helvt, leggur hann aftrat. Onkuntíð full Jens Petur Brattalíð sigur, at Ternan, sum tekur 294 ferðafólk, kortini var full á onkrum túri. – Tað var serliga rundan um midnáttarleitið leyg­ar­ kvøldið, at fólk fóru út um fjørðin. Tá náttin leið, og fólk ætlaðu sær innaftur, var skipið aftur fult á onkrum túri, sigur hann.