týsdagur 20. august 2013síða 26

Mikudagur 21. august 2013 · Nr. 95 26 Sosialurin Hugskot og viðmerkingar – send sms til 225000 Vilmund Jacobsen Seinasta fríggjakvøld varð skipið fyri regattasigling í Sundalagnum. Bátarnir fóru av Eiði um 17-tíðina, og umleið hálvan triðja tíma seinni løgdu einir 75-80 bátar til bryggju í Hósvík. Fremstur í fylginum var bjargingarbáturin Lív, og aftastur sigldi Vón hjá Eiðis Bjargingarfelag. 110 bátar Sarita G. Joensen, forkvinna í Hósvíkar Róðrarfelag, sigur, at tá bátarnir nærkaðust brúnni við Streymin og hildu leiðina fram suður gjøgnum Sundalagið, taldi onkur í nevndini umleið 110 bátar. - Tað er ongantíð soleiðis, at allir bátarnir koma til bryggju. Nakrir velja at sigla við, men fara síðan heimaftur, sigur hon. Nógv fólk Sarita G. Joensen sigur, at dansurin, sum var seinni um kvøldið og út á náttina í Bygdarhúsinum, eydnaðist stak væl. - Umleið 300 fólk vóru í dansi, og tað eru vit sera væl nøgd við, sigur hon. Forkvinnan í Hósvíkar Róðrarfelag sigur, at tað regnaði eitt sindur, sum kvøldið leið, og tí kom tað eisini væl við, at tey høvdu eitt tjald standandi beint við inngongdina til Bygdarhúsið. - Jú, vit eru øll serstakliga væl nøgd við tiltakið. Vit høvdu eitt stórt tal av bátum, sum tóku lut í siglingini, og vit høvdu nógv fólk í dansi. Hon heldur, at fólk rættiliga hugnaðu sær í Hósvík fríggjakvøldið og leygarnáttina. Tøkk úr Hósvík - Vit takka øllum, sum vóru við í siglingini, og vit takka øllum, sum tóku eina hond í. Ikki minst vilja vit takka okkara góðu stuðlum, sum vóru 11 í tali, har Thor í Hósvík við høvuðsstuðul, sigur 19 ára gamla, Sarita G. Joensen, forkvinna í Hósvíkar Róðrarfelag. 300 fólk í dansi í Hósvík - Vit eru stak væl nøgd við regatta’ina, sigur 19 ára gamla, Sarita G. Joensen, forkvinna í Hósvíkar Róðrarfelag Á seinsummar­døg­u­num á Sandi fríggj­a­dag­in og leyg­ar­dagin, 23. og 24. aug­ust, fer B71, sum er fyri alla Sand­oyn­na, at hav­a ymiskt til børn­ini. Her verða eitt nú hopp­i­ borg­ir og candyfloss. Ungmannafelagið Virk­ið fer at hava sølu­ torg, matsølu og dans, har Hans Jacob Hjelm og vin­menn fara at spæla alla náttina. Leygarmorgunin mill­um klokkan 10 og 12 bjóðar Sands komm­ una morgunmat á Mørk­ini Miklu. Nógv ymiskt er á skrán­ni bæði fríggj­a­ dag­in og leygardagin, og øll skráin fyri sein­ summ­ar­dag­ar­nar á Sandi kann lesast í Vikublaðnum, sum kom í hvørt hús mána­ kvøld­ið. Bæði til børn og vaksin Vilmund Jacobsen Føroyska toskakvotan á Flemish Kap er komin væl við hjá fleiri føroyskum línuskipum. Av samlaðu kvotuni á 3.154 tons, eru nú eini 400 tons eftir at fiska. Hetta svarar til einar tveir ella tríggjar línutúrar. Línuskipið, sum hevur gjørt flestu túrar á Flemish Kap í ár, er Kambur við Mortani Mortensen sum skipara. Kambur er í løtuni á veg yvir aftur á Flemish Kap, og hetta man vera hin fjórði túrurin hjá skipinum har yviri í ár. Línuskipið hevur verið fult undir lúkurnar á hvørjum túri á Flemish Kap. Onnur línuskip hava eisini gjørt góðar túrar har yviri í ár og hava soleiðis notið gott at føroysku toskakvotuni har yviri. Hesin møguleiki er komin væl við hjá føroyska línuskipaflotanum sum annars hevur havt nøkur strævin ár, tí bæði toska-og hýsuveiðan hava svikið. Tað eru eisini línuskip, sum hava fingið minni burtur úr møguleikunum á Flemish Kap, og her er Jákup B eitt dømi. Stutt, áðrenn skipið var á fiskileið har yviri, fingu teir maskinbrek sum førdi til, at skipið mátti sleipast heimaftur til Føroya. Fólk, sum hava fylgt við gongdini hjá línuskipunum, hava lagt til merkis, at væl er fingið á djúpum vatni undir Føroyum, og her hevur verið hildið, at tað hevur havt sína ávirkan, at norsk línuskip ikki longur fiska undir Føroyum, nú Føroyar og Noreg ikki hava havt sínámillum f iskirættindasáttmála orsakað av toganini um pelagiska tilfeingið. Nú føroyska toskakvotan á Flemish Kap skjótt er uppi, stundar heystið til, og tí er at vóna, at veiðan undir Føroyum fer at roynast í tíðini sum kemur. Kambur á veg á Flemish Kap Føroyingar eiga umleið 400 tons eftir at fiska á Flemish Kap, og Kambur er nú á veg yvir aftur á sín fjórða túr í ár Hetjurnar á Sjó­ manna­degnum, Livar og Steward, á stóra palli, har stór mót­ tøka var fyri teim­um báðum. Tyrlan kom við teimum og loraði teir niður í ein bát á ván­ni. Væl av fólk var framm­an fyri stóra pall, tá móttøkan var fyri hetjunum Hóast tað regnaði illa leygardagin, gjørdist kvøldið turrari, og soleiðis var eisini, tá felagssangurin var á ovastevnu leygarkvøldið. Hesa løtu var gott veður í Nólsoy, og nógv fólk nýttu høvi at verða við á hesi hugnaligu løtu í bygdini.