mánadagur 26. august 2013síða 36

vika 35 l 26. august 2013 Ókeypis lýsingarblað 4 vikutíðindi Inventar Tænastan stuðlar lang­ hylinum Inventar Tænastan og Grunnurin Pálshøll, sum letur byggja langhylin í Vági, hava gjørt stuðulsavtalu fyri komandi tvey árini. So hvørt langhylurin í Vági tekur skap, legst afturat í feløgum, sum hava gjørt av at stuðla hesum fyrsta langhylinum í Føroyum. Í vikuni skrivaðu Inventar Tænastan og Grunnurin Pálshøll stuðulsavtalu, sum inniber, at Inventar Tænastan komandi tvey árini stuðlar langhylinum í Vági. Talið av fyritøkum, sum stuðla veksur í hvørjum, og vit gleðast um, at eisini Inventar Tænastan er vorðin partur av hópinum av fyritøkum, sum stuðlar hesi spennandi verkætlanini við langhyli og vælverudepli í Vági, sigur John Henrik Holm frá Grunninum Pálshøll. Inventar Tænastan selur handilsinnbúgv og innbúgv til goymslur, skrivstovur, skúlar, barnagarðar, ellis- og eldrabýlir, stovnar v.m., og umframt at selja til stovnar, so selur Inventar Tænastan sjálvsagt eisini til privat kundar. Lesið eisini meiri um Intenver Tænastuna á www.inventar.fo. Á heimasíðuni www.svimjihollin.com kann fylgjast við byggingini av langhylinum og vælverudeplinum í Vági. Matstovan á Hjalla broytir skap Neyðugt hevur verið við tillagingum á matstovuni hjá Dugna, síðani vit lótu upp fyri knapt tveimum árum síðani, og karmarnir eru sjónliga broyttir. Endurnýtlan í Tinghúsinum hevur nú flutt nakað av sínum serligu vørum yvir í matstovuna til at verða sýndar fram. Fólk hava møguleika fyri at ogna sær hesar vørur leygardagar, tá opið er í Tinghúsinum. Opið er síðsta leygardag í hvørjum mánaði millum kl. 10 og 14. Innrættingin á matstovuni er broytt til at passa til hugnaligu endurnýtlu lutirnar, og tá stólar, stakar o.a frá Tinghúsinum er á goymslu, verður selt út av innbúgvinum. Matstovan er framvegis karmur um ymiskar framsýningar við list, handverkið, málningum o.ø. Á matskránni eru lekrar tvíflísar, smyrjibreyð, dagsins køka og cookies, har alt verður gjørt frá grundini. Møguleiki er at keypa sær kaffi við onkrum aftur við, millum 11.30 og kl. 16.00. Vit bjóða øllum at verða hjartaliga vælkomin at vitja matstovuna hjá Dugna Við nýggjum samstarvspartnarum í avbjóðandi tónleikaídnaðinum gevur Tutl nú út fýra útgávur í trimum londum. Fríggjadagin vóru fýra útgávur hjá Tutl útgivnar í Týsklandi, Eysturríki og Sveits. Hetta eru allar sterkar, fjølbroyttar og tónleikaríkar útgávur frá í fjør, ið nú skulu roynast á nýggjum marknaðum. Talan er um bæði fysiskt og talgilt format. Útgávurnar eru: 200 - Vendetta! Frostfelt - I Have A TV Set SAKARIS - I Have Beautiful Eyes ORKA – Live At Trans Musicales Tað er Cargo og Believe Digital, ið standa sum distributørar. Cargo tekur sær av fysiskum eintøkunum og Believe Digital av tí talgilta partinum. Alt verður samskipað ígjøgnum altjóða PR tónleikaskrivstovuna FACTORY 92, sum røkir støðugt veksandi altjóða partin hjá Tutl. Spurdir um hvat teir halda um at vera útgivnir í nýggjum londum, taka teir soleiðis til orðanna: Niels Arge Gálan – 200: – Vissi eg kann lurta eftir Rammstein á týskum, kunnu týskarar lurta eftir 200 á føroyskum. Jens L. Thomsen – ORKA: – Eg eri sera takksamur at vera partur av útgávuætlanini hjá TUTL og FACTORY 92 og fegnist um, at Tutl hevur sterkar samstarvspartnarar í útlondum. Spennandi verður at síggja, hvat fer at spyrjast burturúr í Týsklandi, Sveits og Eysturríki. Sakaris E. Joensen – SAKARIS: – Týskarar eru super við upp á alt sum eitur electro, so møguliga hevur man góð útlit har. Týskarar eru eisini ógvuliga opnir fyri øllum uttanifrá og eru raskir at tjekka nýggj, ókend nøvn út og at ganga til konsert hjá alternativum útlendskum nøvnum. Eg vóni alt tað besta! Líggjas Olsen – Frosfelt: – At blíva útgivin í Týsklandi er fantastiskt. Eg eri sera spentur uppá, hvussu týskarar fara at taka ímóti okkara tónleiki. Eri sum heild sera fegin um at okkara tónleikur er atkomiligur hjá fleiri fólkum. Tutlútgávur í Týsklandi, Eysturríki og Sveits