mánadagur 26. august 2013síða 58

vika 35 l 26. august 2013 Ókeypis lýsingarblað 26 Bilar Vikutema Vilmund Jacobsen Aloma Davidsen á Toftum starvaðist í bankaverðini í mong ár, men í dag hevur hon Koyritænastuna og hýruvogn. Pápi hennara, Arnhold Davidsen, hevði hýruvogn og koyrdi heilt upp í ellisár. Mamman, Henny, plagdi eisini at koyra á sínum yngru árum. - Eg byrjaði hýruvognsvirksemið seint í farna ári, og eg byrjaði líka sum at koyra ørindi fyri eldri fólk, sum sjálvi ikki orkaðu so væl út at keypa og annars høvdu trupult við at fáa bil, tá ørindi skuldu gerast, eitt nú lækna- og apoteksørindi, sigur hon. Eisini á flogvøllin Aloma Davidsen sigur, at bilurin, sum hon hevur, er góðkendur til fýra ferðandi, og har er gott pláss til longri túrar, tá trý fólk eru í bilinum. - Umframt at koyra her í økinum hjá okkum, við Skálafjørðin og í Eysturoy annars, koyri eg eisini á flogvøllin. Eg havi serliga koyrt menn, sum arbeiða sum elektrikarar í Noregi. Eg heinti fólk heima við hús og koyri til flogrutuna. Hon sigur, at onkrar dagar hevur hon verið meiri enn einaferð á flogvøllinum, men í miðal er hon helst í Vágum umleið annan hvønn dag ella so. - Tað eru mest fólk her av Skálafjørðinum, sum eg koyri í Vágar, tí aðrir hýruvognar eru, sum taka fólk úr eitt nú Klaksvík, Fuglafirði, Gøtu og Leirvík - og lat teir eiga tað, sum hon tekur til. Dámar ógvuliga væl Hóast árini í bankaverðini gjørdust mong, og yrkið nú er eitt heilt annað, sigur Aloma, at henni dámar ógvuliga væl at koyra hýruvogn. - Jú, tað er stuttligt og áhugavert at koyra við fólki. Tú fært nógv góð prát, og fólk eru blíð og fyrikomandi, sigur Aloma Davidsen, sum er at hitta á tlf. 748393 - og á egnum facebook-profili undir navninum Aloma Davidsen Koyritænastan. Hóast árini í bankaverðini gjørdust mong, og yrkið nú er eitt heilt annað, sigur Aloma Davidsen á Toftum, at henni dámar ógvuliga væl at koyra hýruvogn Umframt at koyra hýruvogn á Toftum, Nesi, Saltnesi og á Skálafjørðinum annars, koyrir Aloma Davidsen við sínari Koyritænastu eisini á flogvøllin Mær dámar ógvuliga væl at koyra hýruvogn. Fólk eru blíð og fyrikomandi, og tú fært eitt gott prát Í fótasporunum hjá pápanum Hagtølini hjá Akstovuni vísa, at Koyrilærarin hevur nógv tað lægsta dumpiprosentið í teori í Føroyum, sigur Benny Ejdesgaard, sum leggur afturat at hetta er eisini ágrýtnum næmingum fyri at takka. Vit høvdu lægst dumpiprosent í teori í 2010, 2011 og 2012 eins og hagtølini fyri 2013 peika beint uppeftir, bæði í teori og koyring. Eg trúgvi, at tað er av størsta týdningi fyri næmingin, at vit stremba eftir tí besta. Tað vil siga, at tá upplæringin er av, er hugburður, kunnleiki og kynstur so gott, at næmingurin kann ferðast trygt í ferðsluni. Undirvísingin er skipað soleiðis, at øll kunnu vera við, líkamikið aldur og kyn. Her kanst tú taka koyrikort til persónbil, motorsúkklu, hýruvogn, eftiransandi, endurtøku, koyriforboð og rúsdrekka– og ferðsluskeið (RF- skeið). Skeið í fyrstuhjálp Við gildi frá 1. august 2013 hevur landsstýrismaðurin í innlendismálum sett í gildi reglur um fyrstuhjálp í ferðsluni. Tey sum á fyrsta sinni ogna sær eitt koyrikort, skulu hava havt eitt skeið í fyrstuhjálp í ferðsluni. Hetta merkir, at tey sum taka koyrikort á fyrsta sinni eftir 1. august 2013, skulu hava skeiðsprógv um fyrstuhjálp í ferðsluni, fyri at kunna sleppa til teoretiska og verkliga koyriroynd. Fyrstahjálparskeiðið í ferðsluni skal vera fyriskipað av lærara, ið er góðkendur av Dansk Førstehjælpsråd. Í hesum sambandi hevur Benny Ejdesgaard tikið útbúgving innan undirvísing í fyrstuhjálp. Útbúgvingin er góðkend av Dansk Førstehjælpsråd. Skeiðshaldarnir vóru Kjeld Klintø og Olav Øfverlind Pedersen, sum báðir hava drúgvar royndir júst í at útbúgva fyrstuhjálpara instruktørar innan Dansk Røde Kors. Prógvið var handað hósdagin 4. juli 2013. Koyrilærarin hevur eisini on-line teorir­oynd­ir á heimasíðuni www.teoriroynd.fo. Koyrikort - ein spurningur um álit Tað at ogna sær eitt koyrikort er ein spurningur um álit. Mínir næmingar skulu vera teir bestu og klára royndirnar fyrstu ferð, sigur Benny Ejdesgaard frá koyriskúlanum Koyrilærarin Benny Ejdesgaard við fløgunum “Teori við Garanti”