mánadagur 26. august 2013síða 62

vika 35 l 26. august 2013 Ókeypis lýsingarblað 30 Bilar Vikutema Pláss er fyri nógvum næmingum - Við tað, at vit eru tríggir, ið arbeiða saman, og hølisviðurskiftini eru so góð, hava vit pláss fyri nógvum næmingum. Eingin verður vendur í hurðini. Øll eru hjartaliga vælkomin at seta seg í samband við okkum, sigur Mikkjal Hansen hjá Eysturoyar Teoriskúla Vilmund Jacobsen Tað eru Mikkjal Hansen, Jari Lykke og Karl Isaksen, sum hava Eysturoyar Teoriskúla, ið húsast undir góðum og rúmligum umstøðum á Glyvrum. Nýggjastur av teimum í virk­ seminum á Glyvrum er Karl Isaksen, sum tó er royndur í leikum. Hann er vorðin partur av Eysturoyar Teoriskúla, eftir at Hugo Kristiansen er givin. Hugu er kortini tøkur, um onkur er, sum ynskir koyrikort til motorsúklu. Góðar umstøður – Við tað, at vit eru tríggir, ið arbeiða saman, og hølisviðurskiftini eru so góð, hava vit pláss fyri nógvum næmingum. Eingin verður vendur í hurðini. Øll eru hjartaliga vælkomin at seta seg í samband við okkum. Tað sigur Mikkjal Hansen, sum vísir á, at nýtt frálæruskeið byrjar hjá Eysturoyar Teoriskúla í hesi vikuni - hin 28. august. Eysturoyar Teoriskúli gevur frálæru í koyrikorti til vanligan persónbil og til hýruvogn. – Vit kunnu eisini geva frálæru í koyrikorti til motorsúklu, um áhugi er fyri tí, leggur Mikkjal aftrat. Umframt vanliga koyrifrálæru, skipar Eysturoyar Teoriskúli eisini fyri tí, sum rópt verður RF-skeiði, ið er rúsdrekka-og ferðsluskeið. – Nú er eisini krav, at næmingar, sum taka koyrikort, skulu hava ferðslurelateraða fyrstu hjálp, og her hava vit samstarv við instruktørar. Hetta er eitt skeið, sum varar einar 8-9 tímar, og sum gjarna verður fingið upp á pláss yvir tveir dagar, sigur hann. Mikkjal Hansen sigur, at minsta krav til teori er 26 tímar, og haraftrat skal næmingur hava í minsta lagi 22 koyritímar, harav tveir tímar eru myrkakoyring. – Tá koyrikort verður tikið um summarið, er talan um eitt avmarkað koyrikort. Tá so heystið kemur, og tað gerst myrkari, skulu næmingar hava hesar tveir tímarnar í myrkakoyring, sigur hann. Heinta næmingin Mikkjal Hansen sigur, at tá næmingur byrjar at koyra, er vanligt, at koyri­ lærarin heintar næmingin, har hann er staddur – heima við hús, í skúla ella á arbeiðsplássi. Tey, sum vilja hava fatur á Eysturoyar Teoriskúla, kunnu ringja til onkran av teimum trimum, sum reka teoriskúlan, Mikkjal (595999), Jari (590500) og Karl (225225). Telefonnummarið hjá Eysturoyar Teoriskúla á Glyvrum er 448778, og her er umstilling til aðrar telefonir, um skúlin ikki svarar. Upplatingartíðir: Mánadag - Fríggjadag 08:00 - 17:00 (ella eftir avtalu) Leygardag (eftir avtalu) Mikkjal Hansen, koyrilærari, sigur, at øll eru hjartaliga vælkomin á Eysturoyar Teoriskúla. – Eingin verður vendur í hurðini, sigur hann