mánadagur 26. august 2013síða 68

vika 35 l 26. august 2013 Ókeypis lýsingarblað 36 vikustólurin Grafikari er akkurát eg Lýs teg sjálvan við trimum orðum: Speiskur, treiskur og erligur. Hvat merki er bilur tín? VW Golf Hvat merki er telefon tín? iPhone5 Hvør er tín besta summarfrítíðaruppliving? Tað var ógloymandi at umboða Føroyar í Paralympic í Barcelona 1992 – tað var ikki tó ikki bara frítíð – men eitt ógloyamdi summar í 1992. Hvat orð ella hvønan setning nýtir tú oftast? Hvat fuck ... (veit tað er ósjarmerandi, men tað riggar) Hvørjum hyggur tú at hjá hinum kyninum? Smíl, eygu, bein, reyv, you name it! Men tað sum telur, er vist persónligheit, sjarma og kemi. Hvat ger teg í góðum lag? Tá alt gongur sum fretur eftir gleri. Hvat stressar teg? At bíðað ... í øllum samanhangum. Hvør er tín yndisrættur? Elski allan mat, men føroyskur matur kemur altíð fremst, um eg skal velja. Hvat gleðir teg? At betýða nakað fyri fólk, sum eisini betýða nakað fyri meg. Hvat var seinasta ynskið, sum tú fekst uppfylt? Um eg ynski nakað, so geri eg tað. Um tað ikki ber til, so ynski eg tað ikki. Hvar arbeiðir tú? Arbeiði sum grafikari á marknaðardeildini hjá Føroya Tele. Eitt fantastiskt arbeiðspláss har eg stórtrívist. Hví valdi tú at arbeiða innan júst hesa vinnu ella øki? Tilfeldi – havi altíð dáma væl at tekna, og tað gjørdi eg nógv sum smádrongur. Tá eg kom til skáða, var tað upplagt at eg skuldi gera okkurt “sitandi arbeiði”. So var tað um at finna tað, sum passaði mær og var mest spennandi – og hetta er akkurat eg. Hvør er stuttligasta uppliving tín í starvinum? Tað er ikki borðbart alment. Vit hava tað mangan stuttligt, tí her eru nógv festlig fólk í bygninginum. Tað er í kantinuni í døgurðatímanum, tað gongur fyri seg. Hvørjum tónleiki lurtar tú eftir? Mær dámar væl nýggjan útlendskan og føroyskan tónleik. Tað sum eg lurti eftir, kemur ann uppá, hvat eg geri, hvar eg eri, og hvussu lagi er. Hvat er besta uppfinningin og hví? Internetið, sum hevur gjørt heimin “minni” – tað er nemt at samskifta við øll, og tú finnur alt á internetinum – og tað er fantastiskt. Hjólið er eisini ein góð uppfinning. Hvat er besta íløgan, tú hevur gjørt? Mítt heim. Hvat er títt besta heimaráð? Ikki órudda! Hevur tú nakað húsdjór? Nei Hvat hevði tú gjørt, um tú vann eina millión? Goldið húsalán niður og ferðast meira. Hvat hevði tú gjørt, um tú vann tíggju milliónir? Goldið alla mína skuld og ferðast ordenliga nógv. Kanska keypt ella sett pening í eina minni fyritøku, tað hevði verið spenanndi. Hvat er best við Føroyum og hví? Summar í Føroyum er fantastiskt, tí tað hendur so nógv - øll eru heima, tað er ljós 20 tímar um døgni, tað eru tiltøk hvønn dag av øllum slag – so tað er eingin orsøk at keða seg um summari- í Føroyum. Annars er tað fólkið, øll kenna øll, tað er nógvir fyrimunir við tí. (men eisini tað ringasta í onkum samanhangi) Hvar ert tú um 10 ár? Framtíð er nakað ein droymur um - og tað geri eg hvønn dag. Tað ger alt eitt sindur meira spennandi - vónandi er alt eisini gott um 10 ár. Navn: Heini Festirstein Um eg vann tíggju milliónir, hevði eg goldið alla mína skuld og ferðast ordiliga nógv. Kanska keypt ella sett pening í eina minni fyritøku, tað hevði verið spenanndi