týsdagur 27. august 2013síða 4

Mikudagur 28. august 2013 · Nr. 98 4 Sosialurin Hugskot og viðmerkingar – send sms til 225000 tíðindi Forvitnislig ætlan um vinnuhús á Vestaru Bryggju Týsdagin var tíðindafundur á Havnarskrivstovuni hjá Tórshavnar havn, har kunnað varð um tað, sum kommunan rópar Vinnuhúsið á Vestaruvág Vilmund Jacobsen Talan er um gamla saltsølu­ bygningin hjá Tórshavnar kommunu, sum skjótt er liðugt renoveraður uttan. Tað er Húsavarða­tæn­ast­ an, sum hevur framt fasadu­ renoveringina. Selmar Nielsen, arkitektur, hevur gjørt nøkur uppskot um, hvussu bygningurin kann innrættast, og soleiðis verður nú farið undir at projektera stóra saltsølu­ bygningin innan. Á tíðindafundinum varð greitt frá, hvørjar ætlaninar eru við bygninginum, sum ætlandi verður eitt stórt vinnuhús, har vinna og vitan á maritima økinum eftir ætlan býráðsins fáa eina­ standandi møguleikar. Tað var Sjúrður Olsen, formaður í vinnunevnd bý­ ráðsins, sum beyð vælkomin og segði nøkur orð um ætl­ anina, og síðan greiddi Anfinn Hjelm, vinnusam­ skipari, frá, hvørjar ætlanir kommunan og Tórshavnar havn hava við bygninginum. Onnur umboð fyri vinnu­ nevnd býráðsins vóru við á tíðindafundinum, Bjørghild Djurhuus og Halla Samuel­ sen, og borgarstjórin í Tórs­ havnar kommunu, Heðin Mortensen, var eisini við. Spennandi verkætlan Anfinn Hjelm greiddi frá hugsjónini aftan fyri vinnu­ húsið, sum er í fimm hædd­ um, ið tilsamans eru út við 6000 fermetrar. Hann segði, at longu nú eru einir seks leigarar inni í saltsølubygninginum og áhugin, sum kommunan longu nú hevur merkt fyri at sleppa inn at leiga, er stórur. – Allir leigarar í vinnu­ húsinum skulu játta at taka undir við teirri endamáls­ orðing, ið verður galdandi fyri húsið. Endamálið er at fremja felags loysnir fyri leigararnar, eitt nú felags matstovu og felags móttøku og at uppbyggja netverk innan vinnuna. Anfinn Hjelm segði, at endamálið er at tryggja eitt opið og virkið netverk, ið styrkir førleikar og avriks­føri. – Hugsjónin er eisini at halda eitt vakið eyga við málum av sjóvegis áhuga og virka fyri, at tær fyritøkur, sum starvast í vinnuhúsinum, kunnu ávirka og fyrireikast til broytingar. Vinnusamskipari vísti á, at fyritøkur, ið liva upp til byggisamtyktina – og sum framsøkið ynskja at stuðla undir hugsjónina, kunnu gerast leigarar. – Talan verður um fyri­ tøkur, sum í mestan mun veita tænastu innan sjóvinnu, gransking, tøkni, menning og íverksetan, legði hann aftr­ at. 45 miljónir krónur Heðin Mortensen, borgar­ stjóri, segði, at kommunan hevur brúkt umleið 20 miljónir krónur til renovering av fasaduni av gomlu salt­ søluni, og væntandi er, at kommunan kemur at brúka einar 25 miljónir krónur aftrat til innrættan. – Ætlanin er, at vinnuhúsið skal standa klárt um hálvt annað ár ella so. Hetta er eitt gott hugskot, sum vit virkuliga trúgva upp á, segði Heðin Mortensen, borgar­ stjóri. Hetta er manningin, sum stóð aftan fyri framløguna á Havnarskrivstovuni týsdagin. Fremstur í røðini er Anfinn Hjelm, vinnusamskipari Mynd: Vilmund Jacobsen Higartil eru brúktar umleið 20 miljónir krónur til fasadurenovering, og væntandi er, at tað kemur at kosta aðrar 25 miljónir krónur at innrætta bygningin