hósdagur 5. september 2013síða 34

nr. 102 · 6. september 2013 2 VIKUSKIFTI Soleiðis ljóða innbjóðingar til bæði eitt og annað. Hvør skal siga: Tað skulu øll, sum hava áhuga fyri tí evninum, gera. Men soleiðis er veruleikin ikki. Kenni og veit um nógv fólk, sum ikki eru á Facebook – fólk í øllum aldrum. Mær tykir tað vera positivt og sjálvstøðugt, tá vit taka so ymisliga ímóti. Í hesum førinum Facebook. Tað er prógv um, at vit ikki gloypa øllum rátt. Fólk eru eisini so deiliga ymisk. Summi eru púra órørd av reality-bylgjuni, meðan onnur halda, at allir facebook-vinirnir skulu vera partur av teirra gerandisdegi. Tað eru nógvar hentar síður við Facebook. Fólk kunnu stuðla og hjálpa við bæði einum og øðrum. Fylgja familju og vinum. Og á summum arbeiðsøkjum ein hentleiki. Men tað eru tey, sum klára seg á annan hátt. Aftur til hesar áheitanir: Far inn á Facebook ... Er tað Jørgin á Norðasta Horni, sum bjóðar, so er tað í fínasta lagi. Men tað er ikki í fínasta lagi, tá »Góðan morgun, Føroyar« hjá Kringvarpinum ger tað. At avskriva ein part av kringvarpsgjaldarunum er forbiðið nasadjarvt. Víst er sendingin í tí lætta undirhaldsliga partinum, so tað er ikki verðsins endi fyri nakran. Kanska tí hava tey valt soleiðis. Men álvara ella gaman, øll eiga Kringvarpið. Tað er heldur ikki soleiðis, at ikki ber til at hava fleiri møguleikar. Tað kundi til dømis verið ein heimasíða, sms-loysn ella okkurt annað. Tí tað skal vera atkomiligt hjá øllum – bæði facebook­ brúkarum og ikki-facebookbrúkarum. Og ikki at gloyma tey, sum ikki brúka teldu. Kann á ein hátt samanberast við, tá vit krevja, at øll lættliga eiga at sleppa inn í almennar bygningar. Umboðsmaðurin hevur havt fremstafingur á lofti móti nøkrum, eg haldi líkist einrættan í sambandi við Studna. Ikki tí hetta við hugnaliga »Góðan morgun, Føroyar« akkurát kann samanberast, so hómi eg tó ein paralell. Hóast stórt nærlagni var lagt í lýsingarnar hjá Studna at gera tær so »átuligar« sum møguligt, vóru tað tó nøkur, sum ikki vildu hava »Mínboks«. So hetta kravið til allar brúkararnar varð slept, hóast tað tók sína tíð, til kravið frá umboðsmanninum til lýsingarnar varð fullført. Eg haldi, at hesi dømi hava nakað keðiligt til felags. Hetta at skera øll yvir ein kamb. Tí tað er so ósjarmerandi og ófrættakent at krevja, at vit øll skulu ganga í takt. Annars haldi eg at ymisleiki er ein fyrimunur, tí hann gevur eitt fjølbroyttari samfelag. Og vinnulív og íverksetarar hava brúk fyri og biðja um fjølbroytni og nýhugsan. Tað eru eisini aðrar og álvarsamari síður av einrættan. Men tað er ein onnur søga. Far inn á Facebook og ... Tøgnin, talufrælsi og tær forbannaðu tekningarnar Fríggjakvøldið fer maðurin, sum valdi at prenta tær 12 Mohammed- tekningarnar í 2005, at halda fyrilestur í Norðurlandahúsinum. Hví valdi Flemming Rose at prenta tekningarnar av profetinum Muhammed, sum tveitti Danmark út í størstu uttanríkispolitisku kreppuna í nýggjari tíð og hvørjar avleiðingar hevur hetta havt fyri hann og fyri Danmark? Hesum fer hann at greiða frá á fyrilestrinum, har evnini talufrælsi, religiónskritikkur og fólkaræði eru á breddanum. Nær og hvar: Fríggjakvøldið 6. september klokkan 20.00 í Norðurlandahúsinum HOGNI og Swangah í Keypmannahavn Leygarkvøldið á Loppen á Christiania fara tvey kend, føroysk tónleikanøvn at framføra. Talan er um Høgna Lisberg, sum í tónleikahøpi kallar seg Hogni, og bólkin Swangah. Hogni hevur herfyri givið út fleiri nýggj løg. Afturat sær á pallinum í Loppen leygarkvøldið hevur hann Jan Rúna Poulsen á trummum og Knút H. Eysturstein á synth og keys. Ein av teimum best umtóktu føroysku live-bólkunum í løtuni, Swangah, fara eisini at framføra hetta kvøldið. Nær og hvar: Leygarkvøldið klokkan 21.00 á Loppen á Christiania, Keypmannahavn Frek pubquiz á Pubbini Fríggjakvøldið verður ein heldur annarleiðis spurnar­ kapping á Pubbini á Tvøroyri. Trý spurnarumfør verða: Hugh Hefner-rundan, Hans Fróði Hansen-rundan og at enda erotiska bókmenta-rundan. Eingin FM runda verður hesa­ferð, men vinnarin av spurnarkappingini fær stuttligar og freistandi vinningar! Eisini spælir Finn Joen-Jacobsen, ið er kendur frá eitt nú Villmonnum og Tinganest, fríggjakvøldið. Nær og hvar: Fríggjakvøldið klokkan 23.15 á Pubbini á Tvøroyri Gongutúrur við Felagnum Tórshavn Sunnudagin ber til at fara við Felagnum Tórshavn til Æðuvíkar og síggja nýggju vindmyllurnar. Á túrinum verður eisini vitjað á Prestagarðinum á Nesi. Túrurin byrjar uttan fyri Visit Tórshavn, eisini kent sum Kunningarstovan, klokkan 10.00 sunnumorgunin. Nær og hvar: Sunnumorgunin 8. september klokkan 10.00 uttan fyri Visit Tórshavn Altjóða Fysio­terapidagur Sunnudagin er altjóða Fysioterapidagur, og tí hava hava fysioterapeutar í Havn og Klaksvík opið hús í vikuskiftinum. Endamálið er at kunna fólk um, hvat fysioterapi er. Undir slagorðinum meira venjing – minni heilivágur, verða dyrnar latnar upp á viðgerðarstovunum. Fólk kring landið kunnu nýta hetta høvið og støkka inn á gólvið í onkra av fysio­terapiunum. Nær og hvar: Leygardagin 7. september Effekt Fysioterapi, Poul Juelsgøta 9 : kl. 15.00 til 17.00. Sunnudagin 8. september Klaksvíkar Fysioterapi, Bøgøta 34: kl. 14.00 til 17.00. Fysioterapiin Landssjúkrahúsið, J.C. Svaboesgøta 41-49: kl. 14.00 til 16.00. Lágargarður, Stoffalág 84: kl. 14.00 til 16.00. Boðanesheimið, Yviri við Strond 95: kl. 14.00 til 16.00. Havnar Fysioterapi, Tinghúsvegur 72: kl. 14.00 til 16.00. Bjartalíð Fysioterapi, Sundsvegur 6: kl. 15.00 til 17.00. klumma Simona Weihe