týsdagur 10. september 2013síða 20

Mikudagur 11. septmeber 2013 · Nr. 104 20 Sosialurin Hugskot og viðmerkingar – send sms til 225000 Viðmerking til Anniku Olsen um eldraøkið í Eysturoynni Alfred Olsen Løgtingslimur fyri Sambandsflokkin Tað er at fegnast um, at Annika Olsen, landsstýris­ kvinna í Almannamálum, sum svar uppá áheitan mína, nú boðar frá, at ætlanin er at gera eitt heim til fólk við demens í Eysturoynni og byrja eitt dagtilhald fyri hesi fólk í Fuglafirði í ár - og hetta fær hon mín stuðul til at fremja. Bíðilistin á eldraøkinum Men framvegis er veruleikin tann, at vit hava ein bíðilista uppá 100 fólk, sum hava tørv á at koma á røktar- og ellisheim ella eldrasambýli, men tíverri er onki tilboð til øll hesi fólkini. Tað eru heldur ongi tilboð til tey 15 fólkini, sum hava akuttan tørv - samstundis sum Heimið á Mýrunum verður latið aftur, gerst støðan bara verri, og økir um tann akutta tørvin úr 15 uppí 23 fólk. Eldrasambýli á Strondum Undir verandi álvarsomu støðu á eldraøkinum, skal Heimið á Mýrunum sjálvandi fram-haldandi verða opið og veita røkt til hesi 8 búfólkini. Harumframt skal Annika Olsen geva Sjóvar kommunu til­søgn um bygging og rakst­ ur av býlingshúsi/eldra­ sam­býli á Strondum, sum komm­unan hevur søkt um í nógv ár, og sum eg havi spurt óteljandi ferðir eftir. Støðan er nú vorðin so mikið álvarsom innan eldra­ økið í Eysturoynni, at Ann­ ika Olsen má  geva hesa til­ søgn til Sjóvar kommunu, sum er klár at fara undir projektið beinanvegin. Eg vil mæla henni til at gera hetta beinanvegin, tí eg fái meg ikki at trúgva, at Annika Olsen ynskir at yvir­síggja tann stóra tørvin á fleiri røktarplássum í Eysturoynni. Fyrispurningur til Anniku Olsen Annika Olsen sigur, at hon vil svara fyrispurningum um eldraøkið í Eysturoynni við einum greiðum svari og tí vil eg endurtaka henda spurningin: “Vil landsstýriskvinnan geva Sjóvar kommunu til­ søgn um stuðul til bygging og til rakstur av býlingshúsi/ eldrasambýli á Strondum, so hetta arbeiðið kann byrja í ár”?           Sjálvstýrisflokkurin fer úr samgonguni Sjálvstýrisflokkin Landsnevnd og lokafeløg hjá Sjálv­stýrisflokkinum hava í dag umrøtt støðuna, sum flokk­urin er komin í. Avgjørt varð at siga samgongustarvið upp. Baklandið hjá Sjálv­stýr­ is­flokk­i­num møtti væl upp til fund­in, sum varð hildin í hølu­num hjá Bátafelagnum á Glyvr­um. Eftir ein góðan og sakligan fund, sum vardi í einar tveir tím­ar, varð niðurstøðan tann, at flokkurin tekur seg úr samgongusamstarvinum. Hes­um fer Kári P. Højggard, floks­for­maður, skrivliga at boða løgmanni frá í morgin Í skrivi dagfest 5. sep­tem­ b­er 2013 boðaði løg­maður frá, at hann loysti lands­ stýrismann Sjálv­stýr­is­floks­ ins úr embætinum sum lands­stýris­maður. Sjálvstýrisflokkurin skil­ir ikki, at løgmaður sigur lands­ stýr­is­mann­i­num úr starvi, samstundis sum hann stað­ festir, at lands­stýr­i­s­mað­urin einki skeivt hevur gjørt. Soleiðis sum málið er hand­farið av samgonguni, kann Sjálv­stýr­isflokkurin ikki halda fram við sam­ gongu­sam­starv­i­num. Niðurstøðan á fundinum hjá Sjálv­stýrisflokkinum í dag varð tí tann, at flokkurin sigur upp sam­gong­u­sam­ starv­ið við Sam­bands­flokkin, Fólka­flokkin og Miðflokkin. Oljumiðdepilin í Føroyum: Skálafjørðurin Magnus Rasmussen borgarstjóri Runavíkar kommuna Altjóða oljumessan “Offshore Eur­ope” í Aberdeen er av á hes­um sinni. Føroyar vóru væl umboðar m.a. av vinn­ u­lívsfólki og politikarum og umboð fyri Runavíkar komm­unu vóru eisini til­ staðar hesar dagarnar, sum mess­an var. Fyri Runa­víkar kommunu er tað av stór­um týdningi at lut­taka, tí Skála­ fjørðurin er olju­mið­depilin í Føroyum og á slíkum messum hittast nærum øll, sum ar­ beiða í hesi vinnu, so nógv er at samskifta um. Serliga hetta at læra av royndum hjá sonevndu oljulondum, sum t.d. Norra og so hetta at leggja framtíðarætlanir í oljuhøpi. Norðmenn hava gjørt nógvar royndir í oljuvinnuni, og eru teir fúsir at geva okk­ um góð ráð, nú vit standa á gáttini at olja verður funnin í føroysku undirgrundini. Nakað av tí, sum norsku roynd­irnar undirstrika er m.a.: • Spjaðið ikki alt olju­ virksemið, men savnið tað heldur á einum stað. Hetta ger, at besta nyttan fæst burturúr og verður ein skilagóð íløga fyri bæði vinnu og landið alt. • Umráðandi er, at olju­út­ gerðarhavnin, sum skal tæna møguligum fram­ tíðar oljufundum liggur tætt við flogvøll, hevur stórt uppland, er í fólka­ ríkum øki og at stór fíggjar­ lig orka er tilstaðar. Nú gott og væl 10 ár eru liðin, síðani fyrstu olju­ bor­ingina á føroyska land­grunninum, so vita vit øll, at staðsetingin fyri oljuútgerðarhavnina bleiv Runavík, og at tað var vinnan sjálv, sum gjørdi hetta valið. Orsøkirnar til valið vóru fleiri, og kann eg nevna nakrar: • Skálafjørðurin er náttúru­ havnin í Føroyum • Stórt uppland er við Skála­ fjørðin • Koyrir tú ein tíma, so ert tú á flogvøllinum • Økið er fólkaríkt • Á Skálafjørðinum og í Eysturoynni allari hava vit eitt sterkt og stak fjøl­ broytt vinnu- og handils­ lív, sum megna allar upp­gávur, sum hava við oljuvirksemið at gera Hesi árini, sum borað hev­ ur verið, hava vit á Skála­ fjørðinum og í Eysturoynni prógvað, at valið var rætt. Vit hava væl og virðiliga staðið royndina. Runavíkar kommuna hev­ur seinastu árini fyri­ reikað seg til framtíðina í oljuhøpi, og eingin ivi skal verða um, at oljumiðdepilin heilt náttúrliga liggur á Skálafjørðinum – alt annað er eisini í andsøgn við royndir aðrastaðir frá.