mánadagur 16. september 2013síða 48

vika 38 | 16. september 2013 Ókeypis lýsingarblað 16 Tá ið tiltiknu jólaborðhaldini á Hotel Føroyum fara av bakkastokki, verður tað við undirhaldi frá Riu, Súsannu og Hans Tórgarð. Seinastu sjey árini hevur Ria Tórgarð verið partur av jólaundirhaldinum á hotellinum, og hon heldur, at jólaborðhaldini her eru nakað heilt serstakt. - Tað er ikki sum at vera til eitt vanligt ball. Fólk fáa góðan mat, gott at drekka, góðan tónleik og undirhald. Tí er tað meira ein stór, serstøk uppliving fyri fólkini, sigur Ria Tórgarð. Hon vísir á, at Hotel Føroyar hevur lagt seg eftir at geva fólki eina heildaruppliving, og venja fólk av við, at jólaborðhald skulu vera eitt stórt ball. - Fólk hugsa um hvat tey eta, lurta eftir tá okkurt verður sagt á pallinum, og hugna sær saman, sigur Ria Tórgarð. Hon vísir samstundis á, at tað altíð er onkur, sum heldur vil práta við onkran, fara út ein túr, spáka ein túr, ella okkurt heilt annað, og tað skal tað sjálvsagt vera møguleiki fyri. - Tað er jú ein veitsla, og fólk eru komin fyri at hugna sær saman. Og hóast undirhaldið er ein stórur partur av kvøldinum, so skal man eisini góðtaka, at fólk ikki altíð tíma at lurta, sigur hon. Tað er eyðsæð, at ein slík veitsla ikki kann samanberast við eitt nú eina kabarett, har fólk eru komin fyri at lurta eftir undirhaldinum. - Tað ger als einki, um tú stendur á pallinum, og roynir at spæla stuttlig, og onkur ikki lurtar. Tað skal man ikki missa konsentratiónina av, tí tað er alt ein partur av kvøldinum, greiður Ria Tórgarð frá. Enn meira av tí góða Hvørt ár hava Ria og hini í undirhaldstoyminum sett eitt heitið á ársins undirhald, og soleiðis er eisini í ár. Orsaka av 80 ára degnum hjá Hotel Føroyum, og bókina, sum kom út í tí sambandi, hava Ria og hini valt heitið "Enn meira av tí góða". Orsøkin er, at bókin, sum Helgi Jacobsen skrivaði um Hotel Føroyar, fekk heitið "Meira av tí góða", og tí er hetta upplagt. - Vit fara at vísa fólki hvussu ymisk starvsfólk á hotellinum uppføra seg, tá ið óvæntaðar ella ógvusligar støður íkoma á hotellinum, sigur Ria. Hon vísir á, at til eina slíka veitslu eru tað nógv ymisk fólk, og tí er týdningarmikið, at tað er okkurt fyri øll. - Vit royna at hava í huga, at øll skulu fáa okkurt. Summi vilja hava meira tónleik, onnur vilja hava nógv skemt og so framvegis, og vit royna at bera so í bandi, at øll fáa okkurt burturúr, sigur Ria. Tað eru Riu, Hans og Súsannu Tórgarð, sum standa fyri undir­hald­ in­um til øll jólaborðhaldini hjá Hotel Føroyum í ár. Aftrat teimum verður eisini tónleikur á skránni, og verður tað Jens Marni Hansen, Finnur Hansen, Rógvi á Rógvu og Edvard Nyholm Debess, sum standa fyri tí partinum. riatorgard@yahoo.dk Øðrvísi at undirhalda til jólaborðhald - Skemtið skal ikki vera krevjandi. Tað skal vera lætt, og ein skal góðtaka, at fólk ikki altíð tíma at lurta. Samstundis veit man, at fólk til jólaborðhald eru í góðum lag, og vilja gjarna hugna sær og hava tað stuttligt saman, sigur Ria Tórgarð, sum saman við Hans og Súsannu Tórgarð, skal undirhalda á Hotel Føroyum í samband við jólaborðhaldini - Tað kann vera beinleiðis skaðiligt fyri arbeiðsfólki, teirra familjur og fyri fyritøkuna, um starvsfólk drekka seg skít til jólaborðhaldini. Tí haldi eg man eigur at endurnýggja og broyta jóla­borðhaldini. Tað sigur Helgi Ras­ mussen, vinnulívssálarfrøðingur. Jólaborðhald kunnu vera ógvuliga góð fyri trivnaðin á einari fyritøku, men tey kunnu sanniliga eisini vera skaði­ligt. Tað heldur Helgi Rasmussen, sum síðani 1996 hevur starvast sum vinnulívssálarfrøðingur. – Tað er týdningarmikið, at luftin er reinsað áðrenn jólaborðhaldið er á skránni, vísir Helgi Rasmussen á. Fyri nógvum árum síðani vístu nøkur donsk fakfeløg á, at fleiri fólk vera søgd úr starvið í januar og februar mánaði hvørt ár, og orsøkin er, at tey hava sagt ov nógv til jólaborðhaldið. – Tað er týdningarmikið, at leiðarar siga greitt hvat teir vilja góðtaka og ikki, tá ið jólaborðhaldið er á skránni, vísir Helgi á. Eitt nú kann ein leiðari siga, at hann ikki góðtekur, at fólk hava sex á jólaborðhaldinum. – Vit vita øll, at tað er nógv slíkt, sum gongur fyri seg til eitt jóla­borð­ hald. Og tað er týdningarmikið, at stjórin sigur áðrenn, at slíkt verður ikki góðtikið, tí tað kann skaða fyritøkuna og familjuna hjá tí einstaka ógvuliga nógv, sigur hann. Helgi Rasmussen heldur eisini, at fyritøkur eiga at seta spurnartekin við hvussu jólaborðhald fara fram í hesum døgum, tí spurningurin er, um tíðin ikki er farin frá tí. – Hevur ein fyritøka yvirhøvur loyvi til at geva fólkum eitur? Tað er jú tað, sum brennivín er, og vit vita, at fólk broyta persónligheit, tá ið tey drekka ov nógv, og tí mangan siga okkurt, sum tey ikki høvdu sagt annars, sigur Helgi Rasmussen. Hann vísir á, at huglagið í fyri­tøk­ uni kann broytast nógv eftir eitt jóla­ borðhald, tí fólk hava verið skít, sagt ting tey ikki ætlaðu, og summi kanska havt sex við øðrum starvsfeløgunum. – Tá ið eitt nú sex kemur upp í leik­ in, so kann tað ávirka eina fyritøku so ómetaliga nógv. Allar fyritøkur hava greitt valdsbýti millum starvsfólkini, og hevur onkur til dømis havt sex við stjóranum, so veit man ikki hví stjórin sigur og ger ting dagin eftir - er tað bert faklig viðurskifti, sum ávirka hans­ara avgerð, ella er tað okkurt ann­að, vísir Helgi Rasmussen á. Í Danmark eru fyritøkur, sum halda jóla­borðhald um dagin, og hava greiðar reglur fyri hvussu nógv brennivín fólk kunnu fáa. Tað er tann gongda leiðin, heldur Helgi Rasmussen, og avgjørt nakað, sum føroyskar fyritøkur skulu umhugsa. Um fyritøkur ikki ynskja at gera jólaborðhaldið rúsfrítt, so eru aðrir møguleikar, sum tey eiga at umhugsa. Helgi Rasmussen vísir á, at ein møgu­ leiki er, at fyritøkur áseta hvussu nógv brennivín starvsfólkini kunnu fáa, og bert keypa inn har eftir. Hetta fyri at sleppa undan, at fólk gerast ov full, og harvið møguliga enda í óhepnum støðum. Jólaborðhald: mugu broyta hugburð