týsdagur 17. september 2013síða 16

september 2013 Sosialurin 4 Hondbóltur 2013-2014 Eftir at Geir Wardum seinnu árini hev­ ur bygt eitt nýtt kvinnulið upp hjá Kyndli, hava nú tveir aðrir kendir og royndir menn í felagnum, Sophus Dal- Christiansen og Andreas F. Hansen, tikið yvir sum venjarar. – Nú kláraðu tær seg væl í fjør, at óivað vænta fleiri, at tað verður minst líka gott ella kanska betri í ár. Vit fara at royna at byggja upp á tann automatikkin, sum liggur inni og føra tað víðari, sum Geir hevur bygt upp, sigur Sophus Dal-Christiansen, ið væntar eina javnari kapping enn seinnu árini. – Uttan so, at onkur av út­lend­ ingunum vísir seg at hava Brauer- styrki, skuldi tað verið nokk so opið. Men av tí at fleiri av hinum liðunum tykjast at vera væl fyri, fáa vit kanska eina heldur javnari kapping, so her kann alt henda. Farna kappingarár var Neistin odda­lið allan vegin – enntá uttan so mikið sum at tapa ein einasta dyst í sjálvari landskappingini – men Kyndil vann kappingina millum hini liðini um at koma í FM-finalurnar, har tað av álvara bleiv spennandi, tá Kyndil vann aðru finaluna, so tríggjar finalur máttu spælast, áðrenn alt var avgjørt. Og Sophus heldur, at grøna silvurmanningin er nóg góð til í minsta lagi at endurtaka tað bragdið: – Vit hava einar tíggju góðar spæl­ arar, har vit telja góðar málverjar, góð­ar strikuspælarar og bakkar, men kanska ikki eru so væl fyri á vong­ pláss­unum. Alt í alt er tað tó í lagi hjá okkum og sær gott út, hóast vit kanska kundu ynskt okkum størri breidd, sigur venjarin. Formur má til Samanborið við síðsta vetur er talan ikki um so øgiliga stórar broytingar, tí hóast Randi S. Wardum og Birita Mortansdóttir eru farnar niður, er Simona Petersen hesaferð við frá byrjan, umframt at Rannvá Djurhuus Carlsson aftur er farin at spæla hond­ bólt, eftir at hon ikki var við síðsta vetur. – Eg haldi, at vit hava eitt saman­ spælt lið, har tær kenna hvørja­aðra, bæði hondbóltsliga og per­són­liga, so heildin skuldi verið góð. Fyri tað nógva er talan um ungar spælarar, sum saman við teimum meira royndu – Jórun Ludvig, Anju Heinadóttir og Simonu Petersen – skulu bera liðið, sigur Sophus, ið væntar ein øðrvísi spæl­i­stíl, tí hann og Andreas F. Han­ sen leggja seg eftir, at liðið skal spæla skjótan hondbólt og dekka eitt sindur offensivt. – Til tað krevst, at allar eru væl fyri og at formurin er í lagi, so hóast vit kanska ikki fáa tað spælið upp at koyra beinanvegin, so er tað heilt greitt eftir tí, at vit fara, sigur Sophus, ið ásannar, at tað í innkoyringini merkist, at summ­ar eisini spæla fótbólt, og tí ber ikki altíð til at hava fullmannað lið til venjingarnar í fyrstuni. – Tað órógvar eisini nokk so nógv, at onkrir av spælarunum eru partar av ungdómslandsliðum í fótbólti og alt møguligt, men tað mugu vit bara taka við. Sami trupulleiki er eisini í øðrum feløgum, so vit mugu bara síggja í eyguni, at soleiðis er støðan. Skulu spæla skjótt – Vit hava eitt samanspælt lið av spælarum, so tað sær bara gott út, nú vit skulu bjóða av aftur. Vit skulu føra tað víðari, sum longu er bygt upp, sigur annar av venjarunum, Sophus Dal-Christiansen Málverjar Kristina Brekkstein Kristina Griksaite Silja í Liða Útispælarar Jórun S. Ludvig Guðrið G. Eystberg Anja Heinadóttir Bjarta Johansen Ásleyg Súnadóttir Annika Sigurðardóttir Anna Brimnes Bára K. Hansen Sára Sondum Anna Sofía Hjalt Mohr Simona Petersen Rannvá Djurhuus Carlsson VenjarAR Sophus Dal-Christiansen Andreas F. Hansen