týsdagur 17. september 2013síða 18

september 2013 Sosialurin 26 Hondbóltur 2013-2014 Í grundini skuldi Svein Rógvi Nielsen Ljósstein bara hjálpa Team Klaksvík sum fysiskur venjari, men tá avtornaði, endaði hann sum venjari. Meiningin var, at Zarko Pejovic skuldi vera spæl­ andi venjari, men í fyrsta umfari kom hann ikki, og tí bleiv avtala gjørd við Svein, sum hevur drúgvar royndir sum venjari hjá Stjørnukvinnunum í mong, mong ár. – Tað er stuttligari og øðrvísi at venja menn, og tað er í øllum førum nakað annað, tí tað er nógv meira kontant og kropsligt, og tað er nógv meira ferð á. Teir eru øgiliga væl fyri og hava vant nógv, so eg kann bara gleðast um, at eg havi nakrar huga­góðar spælarar at arbeiða við, sigur hann. Kappingarárið hjá Team Klaksvík síðsta vetur endaði við, at liðið ikki fekk so mikið sum eitt einasta stig, men endaði greitt aftast, og tað er nakað, Svein Rógvi hevur arbeitt nokk so fitt við ta fyrstu tíðina. – Tað ráddi um at fáa spælararnar at gloyma tað, at teir ikki fingu nakað stig í fjør, tí at hugsa um tað, vildi bara verið ein forðing. Tað hugsa teir ikki heldur meira um, haldi eg, sigur venjarin, ið serliga hevur lagt dent á fysisku venjinga, sum hann upp­runa­ liga varð settur at taka sær av. – Kropsligi formurin skal ikki vera umberingin í ár, og spælararnir hjá Team Klaksvík eru eisini nógv betri fyri nú, enn teir nakrantíð hava verið tað. Í sjálvum verður tað tí stuttligari hjá teimum at spæla, tí ert tú verri fyri enn mótstøðan, hevur tú ongan kjans. Gera fortreð Svein Rógvi Nielsen Ljósstein heldur seg hava eitt spennandi lið at arbeiða við, tí hóast serbiski málverjin, Borisa Eskic, er farin heimaftur og Beinur Heðinsson er givin vegna eina ringa øksl, er Igor Petrikeev komin úr Mol­ dova at spæla miðja og vinstri bakkur, umframt at tað nú vísti seg, at Zarko Pejovic kom við allíkavæl og óivað fer at gera mun, hóast hann kanska ikki verður tøkur beinanvegin. – Eg rokni við, at fyri toppliðini verður tað í vetur soleiðis, at tú ikki mást tapa fyri Team Klaksvík fyri at verða topplið. Eg rokni við, at vit koma at vinna heilt fitt av dystum í ár, og eg ivist ikki í, at vit koma at gera fleiri av hinum liðunum fortreð, sigur Svein Rógvi. – Um vit taka tey úrslitini, liðið hevur havt, so kann tað bara verða betri, og tað er eisini tað, vit ætla at gera. Vit leggja út við, at vit royna at vinna ein dyst fyrst, og so at koyra vit annars á. Eisini ætla vit at gera tað soleiðis, at tað skal vera trupult hjá øðrum liðum at vinna á Team Klaksvík í Badmintonhøllini. Venjarin hjá klaksvíkingunum hev­ ur sæð øll liðini, uttan Neistan, og út frá tí væntar hann eina javna og spennandi kapping: – Hoyvíkingar hava eftir mínum tykki klárt besta hópin, tí teir hava góða breidd og nógv fólk, og tað gevur finalupláss. Strandingar yvirraskaðu positivt ímóti kollfirðingum, so eisini má roknast við teimum, sigur Svein Rógvi Nielsen Ljósstein. Nógv betur fyri nú – Kropsligi formurin skal ikki vera umberingin í ár, og spælararnir hjá Team Klaksvík eru eisini nógv betri fyri nú enn nakrantíð, sigur nýggi venjari teirra, Svein Rógvi Nielsen Ljósstein Málverjar Rasmus S. Magnusson Eli Gærdum Bent Hansen Finn á Svøð tispælarar Dánjal Kjærbo Jón Jacobsen Vilhelm Vilhelmsen Andrias Ellingsgaard Sámal á Tjaldrafløtti Olsen Heri Johnsson Rógvi á Tjaldrafløtti Olsen Niclas Niclasen Igor Petrikeev Otto Jacobsen Beinir Johannesen Einar Dam Suni Clementsen Zarko Pejovic Venjari Svein Rógvi Nielsen Ljósstein