týsdagur 17. september 2013síða 34

september 2013 Sosialurin 6 Hondbóltur 2013-2014 Heilt leingi var samansetta liðið, VÍF/Tjaldur, síðsta kappingarár við í kappingini um at koma í FM-finalurnar ímóti Neistanum, men til endans streyk Kyndil avstað við finaluplássinum, og VÍF/Tjaldur mátti taka til takkar við at vinna bronsu í landskappingini í fremstu kvinnudeildini. Hetta kappingarárið verður sam­ starvið ikki endurtikið, tí Tjaldur vil held­ur brúka orkuna uppá at menna tey yngru hondbóltsliðið og byggja upp frá grundini, og tí er VÍF aftur VÍF, men so avgjørt við einum góðum liði, sum hevur styrkt seg við tveimum heimafturkomnum spælarum – Duritu Christophersen og Agnas Olsen – umframt at Daniella Joensen er komin frá Neistanum og at Durita Ljósstein eisini er komin til felagið. – Eg haldi, at hóast vit nú aftur »bara« eru VÍF, so haldi eg, at talan er um eitt sterkari lið enn í fjør, tí vit hava fingið onkrar góðar spælarar aftrat. Við tí styrki, vit nú hava fingið og teimum spælarum, vit høvdu framm­an­undan, so sær liðið hjá okk­ um sterkt út, heldur venjarin hjá VÍF- kvinnunum, Jan Ottosen. Samanborið við í fjør, eru ikki færri enn 19 spælarar farnir burtur av stóra VÍF/Tjaldur-hópinum, men hinvegin er núverandi VÍF-hópurin styrktur við seks spælarum, og tað verður so til­ farið, venjarin hevur at arbeiða við. Spæla livandi Honum dámar væl at sleppa at seta síni fingramerki á spælið úr einum enda í annan, og tað ætlar hann eisini at gera, tí hann hevur eina turkatrúgv uppá, at vestmannakvinnur veruliga kunnu røkka langt við fólkinum, sum er til taks. – Vit fara at satsa upp á eina heldur offensiva verju og nógva kontra­renning, so tú kanst siga, at vit fara at spæla livandi hondbólt. Hetta royndu vit í fjør, og tað verður helst tað, vit fara at royna at fáa í lag í ár eisini. Nú fara vit so at taka ein dyst í senn, og so fáa vit at síggja, hvussu langt vit fáa tað at røkka, sigur Jan. – Undan kappingini hava vit spælt onkrar venjingardystir, hóast teir ikki hava verið so nógvir, men eg haldi meg síggja, at tað sær skilagott út hjá okkum. Yvirhøvur væntar VÍF-venjarin eina spennandi og javna kapping, tí hann heldur framstig vera at hóma í kvinnu­ hondbóltinum sum heild, tí øll liðini taka seg fram. – Fleiri av liðunum – VÍF, Kyndil, Neistin og StÍF – hava brúkt nógvar ungar spælarar seinnu árini, sum eru blivnir eldri, so at síggja til gongur tað bara tann rætta vegin. Í mun til síðstu árini, er Barbara Brauer ikki long­ur í Neistanum, og tað eru helst fleiri av liðunum glað fyri, tí hon var ein góður spælari og toppskjútti, sigur Jan Ottosen. – Men okkum passaði tað fínt at spæla ímóti Neistanum, tá hon var við, so fyri okkara viðkomandi ger tað kanska ikki tann øgiliga munin, hóast hon sjálvandi hevði nógv at siga. Fyrst og fremst seta vit okkum sjálvum nøkur krøv, vit royna at liva upp til, og so má alt tað, sum kemur uttanífrá, takast sum tað kemur. VÍF betri einsamalt – Hóast vit nú aftur »bara« eru VÍF, so haldi eg, at talan er um eitt sterkari lið enn í fjør, tí vit hava fingið góðar spælarar aftrat, heldur venjarin hjá VÍF-kvinnunum, Jan Ottosen Málverjar Steinbjarta Marnarsdóttir Viviann Petersen Útispælarar Tóra Seloy Liljan Djurhuus Guðrið Poulsen Eilin Súsanna Hansen Annika Patti Rakul Joensen Durita Christophersen Daniella Joensen Agnas Olsen Fríða Marjunardóttir Durita Ljósstein Annika Poulsen Venjari Jan Ottosen