týsdagur 17. september 2013síða 36

september 2013 Sosialurin 8 Hondbóltur 2013-2014 Eins og okkurt av hinum liðunum í kvinnukappingini í hondbólti, so merkir StÍF rættiliga væl, at fótbólturin ikki er liðugur enn, tí hóast hugurin at venja er góður, eru framvegis fleiri av spælarunum eisini partur av felags­lið­ num, EB/Streymur/Skála, sum til fyri kortum var oddalið í bestu kvinnu­ deildini í fótbólti. – Venjingarnar raka ofta somu kvøld, so tí hava vit ikki vant so ofta við fullmannaðum hópi, sum vit kundu ynskt okkum. Eg havi tó álit á, at tekn­ iski parturin, so sum system og annað, framvegis situr í mønuni, so vit kunnu halda fram, har vit sleptu í vár, sigur venjarin hjá StÍF-kvinnunum, Pauli Joen­sen. – Hóast vit ikki hava havt sama møguleika at spælt liðið saman, haldi eg, at spælararnir kropsliga eru betur fyri við nú, enn teir vóru somu tíð í fjør. Tað skyldast, at Leivur Justinussen hevur havt kropsligar venjingar, sum spælararnir hava gingið so mikið høgt uppí, at útivið 35 hava møtt upp. Pauli legði í fjør stóran dent á, at hann skuldi fáa smáar partar settar saman til eina eind, og tað heldur hann eisini, at tey fingu at rigga væl. – Álopið koyrdi væl, men at verjan ikki var tilsvarandi góð. Nú hava vit eina størri verju, sum eisini verður øðrvísi, tí bæði Birna Tummasardóttir, Oddrún Danielsen, Fríðrun Danielsen og Irena Dam góvu møguleika fyri eini offensivari verju. Tann møguleikan hava vit ikki sama mun nú, men eg vil allíkavæl siga, at vit hava eina hægri, sterkari og meira defensiva verju, sigur Pauli Joensen. Eingin favorittur – Vit hava eina rímiliga góða bakketu, og tað, sum vit fingu at koyra ímóti endanum í fjør, skulu vit byggja eitt sindur upp av nýggjum. Men fleiri nýggir spælarar fingu fitt av tíð, og mentust nógv av tí, so helst koma at síggja meira til teirra í vetur. Hinvegin verður saknurin í Oddrún og Fríðrún sera stórur, tí tað er altíð gott at hava lámar spælarar í høgru síðu, sigur StÍF-venjarin. Liðið er nokk so fitt broytt, tí fleiri spælarar eru farnir ella fara niður. Oddrún og Fríðrún eru farnar, Irena og Birna eru niðri, men koma aftur til seinnu hálvu, og so verða Barbara í Billustovu og Lena Weihe bara við í fyrru hálvu. – Hvussu tað kemur at ávirka liðið, fáa vit at síggja, men vit hava so eisini eitt sindur av tilgongd, bæði av egnum ungum spælarum og spælarum uttanífrá, sigur Pauli Joen­sen, ið heldur sína manning vera klára til kappingina í vetur, har hann ikki ordi­liga sær nakran heilt greiðan favoritt: – Nú havi eg ikki sæð øll liðini enn, men tað fyrikemur mær, at har eru ikki nakrir líka greiðir favorittar, sum vit hava sæð tað onnur ár. Men eg vænti at síggja meira til eitt lið sum VÍF í vetur, so tí skjóti eg uppá, at VÍF og Neistin kanska vera liðini, ið fara at kappast heilt har frammi, umframt VB eisini er spennandi. Enn havi eg ikki sæð Kyndil, men eg vænti, at fleiri verða um boðið. StÍF er í betri formi – Spælararnir eru kropsliga betur fyri nú, enn teir vóru somu tíð í fjør, sigur StÍF-venjarin, Pauli Joensen, sum ikki hevur havt alt liðið so ofta til venjingar, sum hann vildi ynskt Málverjar Barbara í Billustovu Nomi Poulsen Marita á Fríðriksmørk Katrin Jacobsen Ingun Mørkøre Útispælarar Rebekka Justinussen Erla Petersen Rebekka Poulsen Paula Høgnesen Irena Dam Bára Berthelsen Birna Tummasardóttir Lena Weihe Guðrið Poulsen Súnfríð Johansen Rannvá Jacobsen Ragna Gærdum Funderud Guðrun Gærdum Sólfríð Christiansen Venjari Pauli Joensen