týsdagur 17. september 2013síða 50

september 2013 Sosialurin 22 Hondbóltur 2013-2014 Mest vinnandi felagið í føroyskum mans­hondbólti hevur síðstu árini verið í einari uppbyggjandi fasu, og leitast skal aftur til 2007 fyri at finna síðsta meistaraheitið, og síðsti steypasigurin liggur afturi í 2008. Men Kyndil hevur støðugt tikið seg fram og ætlar nú av álvara at blanda seg. – Vit hava styrkt okkum um hópin, men tað er allíkavæl torført at siga, hvussu vit fara at klára okkum. Talan er um eitt lutfalsliga nýtt lið, tí frá­ gongd hevur verið stór, og vit máttu út eftir spælarum, tí ov fáir ungir eru at taka yvir, sigur Finnur Hansson, sum aftur í vetur verður spælandi venjari hjá Kyndli, men hesaferð saman við Hjalmari Klein Olsen. – Kyndil vil altíð vera við har frammi, og vit ætla okkum sjálvandi í báðar finalurnar. Steypafinalan er fantast­isk at vera við til og hin gevur møguleikan at gerast meistari. Síðsta kappingarár endaðu vit í veruleikanum í toppinum, tí hóast vit blivu nummar fimm, vóru vit bara heilt fá stig frá finaluni. Gamaní, er eitt fimta pláss altíð skuffandi, men vit lærdu nógv og fingu nógv gott við okkum í fjør, sum vónandi kemur okkum til góðar í ár. Finnur ásannar, at tað kennist sum eitt sindur av einum trýsti at vera venjari hjá felagnum, sum søguliga hevur verið tað mest vinnandi við 30 meistaraheitum og níggju steypa­ sigrum: – Nú er eitt sindur síðani síðst, og av tí at Kyndil er eitt stórt felag, sum hevur vunnið nógv, eru fólk eisini von við, at Kyndil plagar at liggja ovast. Vit trúgva upp á liðið, sum vit hava nú, men hvussu tað so fer at rigga, fáa vit at síggja, sigur hann. Neyðugur styrkur Tá hugt verður at komandi kappingar­ árinum, heldur Finnur Hansson ikki, at nakað av liðunum kann kallast stór- favorittur, áðrenn fyrsti bólturin er spældur. – Helst verða trý tey fremstu tey somu sum í fjør, og so koma vit og strandingar aftaná. Men tað verður eisini spennandi at síggja, hvat Neistin og Team Klaksvík fáa burturúr, tí tú skalt aldrin siga aldrin ella undirmeta nakran, sigur venjarin hjá Kyndli. – Men vit koma heilt sikkurt at bíta frá okkum, og vit ætla sjálvandi at sleppa so høgt upp, sum tað ber til. Ein orsøk til, at Kyndil nú noyðist út um felagið at styrkja seg til koma­ ndi kappingarárið, er at nógvir ungir spælarar fara niður at lesa, og at felagið ikki hevur nóg mikið av ung­ um spælarum, sum kunnu uppviga frá­gongdina. – Vit kunnu velja ímillum annað- hvørt at styrkja liðið ella at liggja í botninum, tí veruleikin er, at Kyndil hevur hálvtannað hondbóltslið í Dan- mark í lestrarørindum. Tá teir koma heimaftur, trúgvi eg, at vit klára okkum við okkara egnu kreftum, tí hetta eru spælarar, sum vildu styrkt eitt og hvørt lið, sigur Finnur Hansson. – Skuldu onkrir av teimum komið heim á jólum, hevði tað ikki verið so galið, men tað hava vit ikki við í okkara ætlanum, tí vit arbeiða fyrst og fremst við tí fólki, vit hava. Kyndil dubbar seg – Vit ætla okkum sjálvandi í báðar finalurnar. Steypafinalan er fantastisk at vera við til og hin gevur møguleikan at gerast meistari, sigur annar av venjarunum hjá Kyndli, Finnur Hansson Málverjar Mladen Mjerimacka Jan Pauli Johannesen Útispælarar Finnur Hansson Andrias Sólsker Torvald Abrahamsen Hjalti Bachmann Oyvindur Lützen Regin Fossaberg Josef Abrahamsen Sveinur Fuglø Martin Ritto David Edvardsen Ken Zachariassen Bjarni Sørensen Tróndur Jensen Hans Áki Dal-Christiansen Jens Ingolvur Holm Venjarar Finnur Hansson Hjalmar Klein Olsen