týsdagur 17. september 2013síða 52

september 2013 Sosialurin 24 Hondbóltur 2013-2014 Leitast skal ikki so langt aftur í tíðina, fyri at finna Neistan á tindinum, tí mill­um 2008 og 2011 vann felagið trý meistaraheitið í manshondbólti, um­framt at vinna fýra steypafinalur á rað frá 2009 til 2012. Áki Mørk, sum annað árið á rað stendur við venjara­ ábyrgdini, var við, tá tað gekk so væl: – Ja, eg havi verið við í nógv ár, bæði á liðum, sum hava vunnið alt, og sum hava bygt upp, og bæði eru stutt­lig, men tað er hvør sítt. Tá tað gekk væl, var tað ómetaliga stuttligt, tí liðið var gott og vit komu út í Europa at spæla, har vit eisini megnaðu at vinna okkum so langt, sum neyvan nak­að annað føroyskt lið hevur gjørt, sigur hann. – Men tað var eisini stuttligt at vera við í fjør, tá Neistin byrjaði á ber­ um, men sum vetrinum leið, fór at taka stig frá hinum og vinna dystir. Felagið hevur sett sær fyri at lata sítt egna fólk sleppa at spæla, og vit eru enn ikki lidnir at byggja eitt nýtt lið upp, so málið verður ikki sett hægri í vetur, tí hetta er framvegis eitt sera, sera ungt lið. Áki sigur, at hóast fleiri spælarar sjálvandi nú hava eitt ár meira í skjátt­uni, enn tá kappingin síðsta vet­ur byrjaði, so er tað altso ikki nóg mikið til, at nøsin skal setast ov høgt upp, tí framvegis snýr tað seg um ungar spælarar, sum aftur í vetur skulu sleppa at royna seg – og fyrst og fremst vil venjarin, at hesir ungu spæl­ararnir sleppa at spæla, hava tað stuttligt og fáa eitt gott upplivilsi. Mist málmann – Vit eru komnir væl í gongd og eru spentir, til kappingin byrjar. Formurin er við at koma, men tó enn nógv eftir á mál. Tann tilgongd, vit hava fingið í ár, er bara ungt fólk í felagnum og onkur hevur verið á hondbóltsskúla, so hetta eru alt ungir dreingir um 16-17 ára aldur. Hinvegin so eru tað royndir spælarar, ið fara burturav, og onkur fer eisini niður á jólum, sigur Áki Mørk. Neistanum eydnaðist í fjør at skava 17 stig saman í teimum 24 dystunum, og í flestu førum høvdu málmenninir sín stóra leiklut í, at tað eydnaðist Neistanum at taka stig í summum dystum, har fáur hevði væntað tað. – Málmansspælið var ein lykil til nógv av tí, sum riggaði, og tá tey bestu skuldu kjósast, fingu bæði Bartal Kamban og Mikkjal Hansen eis­ini heiður, tí teir og góða verjan høvdu gjørt tað gott. Nú er Bartal ikki við, og tað er ein stórur missur, um­ framt at nakrir av føstu góðu verju­ spælarunum eru burturi, sigur venjarin hjá Neistanum. Viðvíkjandi sjálvari kappingini, so heldur Áki Mørk tað vera rættiliga torført at meta um, hvørji lið fara at standa seg væl og ikki, so hann velur at skjóta breitt: – Eg vildi tó mett, at fimm lið fara at taka stig frá hvørjumøðrum og vera rættiliga góð, meðan vit og Team Klaksvík koma at vera aftan fyri hini. Bæði StÍF, Kyndil og VÍF hava styrkt seg og kunnu saktans gera ein vørr í ár og bjóða KÍF og H71 av í kappingini um finaluplássini, sigur hann. Sama mál aftur í ár – Vit eru enn ikki lidnir at byggja eitt nýtt lið upp, so málið verður ikki sett hægri í vetur, tí hetta er framvegis eitt sera, sera ungt lið, sigur venjarin hjá Neistamonnum, Áki Mørk Málverjar Mikkjal Hansen Bjørn M. Mohr Útispælarar Rói Berg Hansen Aleks Buha Terji Mørk Teitur Magnusson Andras Joensen Jugoslav Djumic Jón Ludvig Torstein Balle Beinur Davidsen Kristjan Dulavík Herbjørn Lava Gilli Lorenzen Teis Horn Rasmussen Hjalti í Jákupsstovu John í Innistovu Rúni Eliassen Einar Martin Hjalt Sjúrður Thomassen Venjarar Áki Mørk Blagoje Buha