mánadagur 23. september 2013síða 46

vika 39 l 23. september 2013 Ókeypis lýsingarblað Jólaborðhald 14 Aleth bókar føroyingar inn á Crown Plaza Heimsins grønasta hotell hevur nú eisini eitt føroyskt íslett við Aleth Nielsen úr Havn, ið arbeiðir í reservatiónini á Føroyavinarliga hotellinum í Keypmannahavn Leo Poulsen Hotell lívið hevur altíð staðið Aleth Nielsen nær. Tí fall tað henni náttúrligt at byrja sítt arbeiðslív sum lærlingur á Hotell Føroyum fyri tíggju árum síðani. – Eg arbeiddi bæði á Hotel Føroyum og Hotel Tórshavn, inntil eg fyri tíð síðani valdi at fara til Dan­ markar, at taka ein yvirbygning innan sølu- og marknaðarføring, sigur Aleth Nielsen. Hetta førdi til, at hon endaði á Crown Plaza sum praktikantur í januar á sølu- og marknaðardeildini. – Eg tók eina bachelor-útbúgving innan sølu- og marknað, og eg fekk so bjóðað eitt starv innan reservatión á Crown Plaza, og tað tók eg av, sigur Aleth Nielsen. Hon byrjaði tískil sum fast starvs­ fólk á Crown Plaza 1. apríl. Og enn er hon einsamallur føroyingur á hotell­ inum. – Vit eru annars 46 tjóðskapir, sum arbeiða á hotellinum. Tað er ein liður í starvssetanarpolitikkinum hjá hotell­inum, at vit eisini á tann hátt skulu altjóðagera okkum, sigur Aleth Nielsen. Henni dámar sera væl arbeiðið í reservatiónini á Crown Plaza. – Vit merkja, at talið av føroyingum á hotellinum økist, og tað er hugaligt, sigur Aleth Nielsen. Fleiri føroyingar Hotellið hevur ført fleiri søluátøk í Føroyum gjøgnum VikuBlaðið, og tað merkist aftur í føroyskum yvirnátt­ ingum. – Vit merkja, at alt fleiri føroyingar velja Crown Plaza, tá tey liggja nátt í Keymannahavn. Vit merkja, at fleiri bindiklubbar velja okkum, og eisini fáa vit fleiri pør. Og serliga fáa vit nógv­ar føroyskar sjómenn, sum liggja nátt, antin á veg út í heim til skips, ella á veg heim til Føroya, sigur Aleth Nielsen. Hon heldur, at nógvu søluframtøkini í Føroyum hava hjálpt til, at festa Crown Plaza í minnið á føroyingum. – Í heila tikið merkja vit eina vaks­andi mongd av føroyingum, ið yvirnátta hjá okkum, sigur Aleth Nielsen. Nógvu tjóðskapirnir, ið stravast á Crown Plaza, eru við til at gera hotellið altjóða, og draga allar tjóðskapir til hotellið. – Tað er ein strategi hjá leiðsluni, at hava so nógvar tjóðskapir sum gjør­ligt arbeiðandi á hotellinum, sigur Aleth Nielsen. Heimsins grønasta Hon arbeiðir sum nevnt á bíleggingar­ deildini hjá Crown Plaza. – Hotellið er fyrst og fremst eitt handils- og konferansuhotell, og tað merkir, at vit fáa nógv handilsferðandi. Uttan fyri frítíðarvertíðina eru tað fyri tað mesta handilsferðandi, ið búgva á hotellinum. Og tann vertíðin er størst frá august fram til november, og aftur frá februar til mai, sigur Aleth Nielsen. Hotellið førir seg eisini fram sum heimsins grønasta. – Tað gevur seg aftur í, at vit hava sól­sellur á aðrari síðuni á hotellinum, og inni á rúmunum hava vit sápu, ið er náttúru niðurbrótilig, fyri at nevna okkurt burtur úr rúgvuni, sigur Aleth. Men hetta gongur tó ikki út yvir prísin, og hotellið liggur væl fyri. – Vit liggja væl fyri, tætt við metrioina og flogvøllin, so tað er gott hjá teimum, ið skulu víðari, og gott hjá teimum, ið bara ynskja at koma til Keyp­mannahavnar á shopping, sigur Aleth Nielsen. Aleth Nielsen var liðug við út­búgv­ ingina sum bachelor 1. juni, og fekk sum nevnt fast starv 1. apíl. – Mítt arbeiði er í dag at selja køm­ ur til fyritøkur, einstaklignar og bólkar, og tað dámar mær væl, sigur Aleth Nielsen, sum í dag er 28 ára gomul, og alt sítt vaksna lív hevur starvast innan hotellvinnuna. Aleth Nielsen