mánadagur 23. september 2013síða 60

vika 39 | 23. september 2013 Ókeypis lýsingarblað 28 Vilmund Jacobsen Sunrid í Gong, fotografur, er úr Havn, har hon er fødd og uppvaksin. Longu, tá hon var eini 14 ára gomul, fór hon at droyma um at gerast fotografur. Í dag er hon 33 ára gomul og hevur havt sína egnu fyritøku í umleið fimm ár. – Sum blaðung dámdi mær væl at taka myndir, og eg plagdi at brúka myndatólið hjá pápa mínum. Eingin í familjuni var fotografur, men eitt nú plagdi pápi mín at taka myndir til stutt­leikar. Sunrid slapp í læru hjá Judith Jo­ hannes­sen, fotografi, sum býr á Toft­ um og hevur havt handilin Foto­mið­ støðina í Saltangará í nógv ár. – Um ta tíðina, tá eg varð liðug at læra, minkaði Judith nógv um sítt fotografvirksemi. Eg arbeiddi hjá henni sum fotografur í einar tveir mánaðir ella so eftir loknað útbúgving, og so fór eg í gongd við mína egnu fyritøku, sigur hon. Tvey støð Høvuðssætið hjá Sunrid í Gong er framvegis í hølunum við síðuna av Foto­mið­støðini hjá Judith Johannes­ sen, og tær hava øll árini havt eitt fyrimyndarligt samstarv. Sunrid sigur, at hon er í Saltangará frá týsdegi til og við fríggjadag frá klokkan 10-17 og annars eftir avtalu leygardag. – Eg havi eisini studio í Dvørgastígi 7 í Havn, sum er ein síðuvegur til vinstru, tá tú koyrir niðan eftir Varða­ gøtu. Her arbeiði eg mánadag, men her kann eg eisini eftir avtalu gera uppgávur um kvøldarnar, um brúk er fyri tí. Hon sigur, at privatfólk, feløg, barna­garðar, skúlar og onnur, sum hava brúk fyri fotografi, kunnu altíð venda sær til hennara á tlf. 269255. – Eg eri eisini at finna á facebook, bæði við privatum profili og míni fyritøku, leggur hon aftrat. Ymiskar uppgávur Uppgávurnar hjá einum fotografi eru ymiskar og skiftandi. – Eg havi eitt nú havt fleiri son­ evndar mánaðarkundar, sum eru for­ eldur, ið vilja hava børn síni avmyndað einaferð um mánaðin ella so. Hetta er vanliga, til børnini eru upp til eitt ára gomul. Sunrid í Gong sigur, at aftur­vend­ andi arbeiðsuppgávur hjá henni sum foto­grafur eru konfirmatiónsmyndir, brúd­leyps­myndir, myndir av barna­ garðs­børnum, skúlabørnum - og ikki minst myndir við børnum tiknar í hugna­ligum jólaumhvørvi til postkort, tá tann tíðin kemur. – Eg havi viðskiftafólk úr ymiskum heraðshornum - og ikki bara úr Eystu­ roy og úr miðstaðarøkinum í Suður­ streymoy. Eg havi eisini viðskiftafólk úr eitt nú Norðoyggjum, Norðurstreymoy og úr Sandoynni. Sunrid hevur eisini gjørt ymiskar myndatøkur fyri blaðið Kvinnu. Ymisk motiv Spurd, hvar hon tekur brúðarmyndir, sigur fotografurin, at her verða nógv fleiri myndir tiknar úti enn inni. – Ofta hava pør sínar egnu tankar og hugskot um, hvar tey vilja hava myndirnar tiknar, og her kunnu hugskotini verða rættiliga ymisk og kreativ. Eru fólk í iva um, hvat eitt hóskandi motiv er, hjálpi eg teimum við hugskotum. Tað er jú bert hugflogið, sum setir mørkini. Sunrid hevur eitt minni úrval av rammum í hølunum i Saltangará, men hon kann útvega allar rammur, sum viðskiftafólk ynskja sær. – Eg havi avtalu við veitara og fái soleiðis allar tær rammur gjørdar, sum fólk vilja hava. Flestu velja svartar ella hvítar rammur, men tað eru eisini tey, ið velja aðrar litir, sigur fotografurin, Sunrid í Gong. – Eg havi viðskiftafólk úr ymiskum heraðshornum - og ikki bara úr Eysturoy og úr miðstaðarøkinum í Suðurstreymoy, sigur Sunrid í Gong, fotografur Vilmund Jacobsen Á framsýningini hevur Orkis ymiskar ferm­ingarkjólar til gentur, og her eru eisini fermingarklæði til dreingir. – Tað eru ymiskir veitarar, sum vit samstarva við, ið selja hesi klæði, og her er eisini veitari, sum seymar fermingarkjólar eftir ynski og máti. Tað sigur Anette Sonne. – Vit hava eisini framsýning av ferm­ingar-og brúdleypsmyndum, sum fotografar hava tikið og sum eru við til at prýða hølini, nú ferm­ingar­fram­ sýningin er. Blómuhandilin Orkis er ein nú­tím­ ans blómuhandil á Glyvrum, sum eisini selur tað, ið rópt verður brúkslist, og á hvørjum ári hevur handilin fermingar-, brúdleyps-og jólaframsýningar. – Vit hava alt, sum kann prýða eitt veitsluhøli, og vit eru altíð til reiðar at veita góð ráð, leggur hon aftrat. Gamlir møblar Orkis hevur eisini aðrar framsýningar við ymisk høvi, og í løtuni er framsýning við ymiskum forvitnisligum, sum hoyrir gamlari tíð til. – Her eru eitt nú sofur, stólar, skenk­ar, borð, lampur og ymiskt annað og fólk, ið hava áhuga fyri gomlum, kunnu saktans gera eitt gott keyp, sigur Anette Sonne. Orkis hevur viðskiftafólk úr øllum landinum, og nú hevur handilin eisini samstarv við handilin Sorella í Miðvági, sum eitt nú selur blomstur og annað, sum Orkis hevur í sínum útboði. – Vit hava eisini samstarv við bila­ fyritøku, sum koyrir úr Eysturoy í Vágar hvønn dag og tvær ferðir um dagin, og tí kunnu vit saman við Sorella eisini veita eina góða og skjóta tænastu. – Alt, sum vit hava í Orkis á Glyvr­ um, kann í prinsippinum eisini keypast í Sorella í Miðvági, sigur Anette. Tunnilsdagur Blómuhandilin Orkis á Glyvrum hevur opið vanligar gerandisdagar frá klok­k­ an 10-17.30 og leygardag frá klokkan 9-14. – Nú tunnilsdagur verður leygar­ dag­in, fara vit at hava opið til klokkan 20 leygarkvøldið, sigur Anette Sonne. Vikublaðið kann leggja aftrat, at forvitnisligi handilin á Glyvrum er at finna á facebook undir navninum - Blómuhandilin Orkis. Orkis leggur orku í ferming Í síðstu viku læt blómuhandilin Orkis á Glyvrum upp forvitnisliga fermingarframsýning, sum er opin hvønn dag - og eisini á tunnilsdegnum, sum verður leygardagin – Vit hava alt, sum kann prýða eitt veitsluhøli, og vit eru altíð til reiðar at veita góð ráð, sigur Anette Sonne Mynd: Vilmund Jacobsen Sunrid fylgdi dreyminum Hon hevur studio í Saltangará og í Havn, har hon tekur myndir. - Men, tað eru nógvar uppgávur sum verða gjørdar uttandura, har motivini eru ymsastaðni úr náttúruni og umhvørvinum annars, sigur fotografurin Runavík Tunnil