hósdagur 26. september 2013síða 60

vinnudagurin 27. september 2013 sosialurin 20 V ónin er einasta virkið, sum hevur vunnið heiðurin sum ársins virki tvær ferðir. Bæði í 2002 og 2011 stóð gamla trolverksmiðan úr Fuglafirði á lepanum hjá Dómsnevndini, og grundgevingarnar hava eisini verið greiðar. – Vónin hevur í nógv ár arbeitt við menning av sínum vørum og tænastum í tøttum samstarvið við fiskivinnuna og aðrar tænastuveitarar til fiskivinnuna. Vónin hevur eisini verið við til at fíggja ph-d lestur innan uppisjóvartrol og hevur í nógv ár arbeitt tætt saman við Havstovuni í menningarverkætlanum. Tað ber til at royna nýggja hugskot og nýggjar vørur við teldusimuleringum og í stóra royndartanganum hjá Vónini, áðrenn tær verða royndar undir veruligum umstøðum. Hesin dentur á gransking og menning hevur borið ávøkstur, og vørurnar hjá Vónini eru eftir­spurdar víða hvar, ikki bert í Norður­atlantshavi, stóð millum annað í grundgevingunum, tá fyritøkan fekk heiðurin í 2011. Altíð fokus á menning Fíggjarliga støðufestið er eisini gott. Umsetningurin er øktur javnt og samt, og – enn týdningarmiklari – sæst hetta eisini aftur á botnlinjuni, sum í 2012 vísti eitt yvirskot á 12,4 mió kr. – Orsøkin er, at vit støðugt halda fast um vørumenning og innovatión, sigur Hjalmar Petersen, stjóri á Vónini. Vit hava eitt tætt samstarv við kundarnar hjá okkum, og á tann hátt eru vit støðugt vitandi um tørvir og ynskir hjá teimum. Hartil er tað ofta so, at fólk, ið áður hava starvast hjá okkum, nú eru við skipum hjá kundum okkara, og eisini eru fleiri sjómenn av og í starvi hjá okkum, og hetta styrkir eisini um tætt samstarvið við viðskiftafólkini, sigur Hjalmar Petersen. Frambrot og vørumenning snúgva seg tó eisini um at finna fram til tað, sum kundin ikki visti, at honum tørvaði, og Hjalmar vísir eisini á, at tey hava eina virkna menningardeild. – Vit hava fólk, sum burturav arbeiða við vørumenning. Her royna vit at fáa, fanga og menna hugskot, sum aftur kunnu verað kundum okkara til gagns. Hugskotini koma bæði á deildini sjálvari og frá tætta samstarvinum við vinnuna, sigur Hjalmar. Stødd og styrki Umframt støðuga arbeiðinum við menning og nýhugsan, so staðfestir Hjalmar, at støddin og fíggjarliga styrkin hjá Vónini eisini er ein fyrimunur. – Tú kanst siga, at tað krevur eina ávísa fíggjarliga styrki og sjálvandi eisini stýring, um tú skalt hava orku til støðuga vørumenning. Við tíðini hava vit eisini váðaspjatt framleiðsluna, so hon fevnir um bæði aling, nótir og trol, umframt at vit eisini eru virkin í fleiri londum. Hetta ger, at vit betur tola konjuktursveiggj innan bæði vinnugreinar og á ymsum landafrøðiligum økjum. Støddin ber so eisini við sær, at vit hava vunnið nakrar fyrimunir í innkeypi og framleiðslu, og tað er aftur við til at styrkja okkara kappingarstøðu. – Hetta ber við sær, at vit ikki verða tikin av fótum soleiðis uttan víðari, og tað er ein veldugur fyrimunur. Sagt øðrvísi, so kann eisini sigast, at hevði Vónin frá byrjan lagt seg eftir at vera eitt trolvirki og ikki meira, so hevði fyritøkan helst ikki verið til longur. Um tú bara stendur í stað, so tapir tú í longdini, og tað er ikki tað, sum vit vilja, sigur Hjalmar Petersen. Deyðin er at standa í stað Áhaldandi vørumenning og støðug nýhugsan er lyklaorðini á Vónini. Ársins virki 2012 stendur framvegis í vøkstri, og umsetningurin í ár fer at tátta í 350 milliónir Jákup Mørk, jakup@sosialurin.fo Vónin (tkr.) 2012 2011 2010 2009 2008 Bruttovinningur 49.803 48.414 38.533 32.887 30.387 EBITDA 17.723 17.832 11.757 7.168 4.128 Ársúrslit 12.432 15.471 8.300 3.901 3.557 Eginogn 65.451 58.080 63.918 60.108 61.051 Fíggjarjavni 148.258 168.741 146.297 145.672 140.550 Soliditetur 44 34 44 41 43 Gjaldførislutfall 136 83 303 259 329 LYKLATØL Vónin hevur í dag virksemi í Grønlandi, Canada, Noreg, Danmark og Føroyum. Samlaði umsetningurin hjá fyritøkuni verður væntandi um 350 milliónir í ár