týsdagur 1. oktober 2013síða 37

37 Mikudagur 2. oktober 2013 · Nr. 113 Sosialurin Hugskot og viðmerkingar – send sms til 225000 tøkni Tá vit í fjør testaðu Xperia Z, oystu vit hana undir í rósum, og tá vit í vár royndu myndatól á snildfonunum, stóð hon seg sera væl. So tá vit fyri stuttum sóu Z1 á IFA-messuni og fingu at vita, at týðandi dagføringar vórðu framdir, vóru vit spent upp á at sleppa framat eini test. Útsjónd og bygnaður At síggja til, so líkist Z1 undangongukvinnu sínum, men tekur tú hana í hondina, merkist munurin væl. Kantarnir eru rundari, so hon liggur betur í hondini. Tíverri er eisini vorðin heldur gungt – faktiskt ein av tyngstu snild­ fonununum í vanligari stødd, sum vit hava roynt í ár. Men góðskan kennist sera væl við fronti og baki í herdaðum plasti og eini sterkari metal-rammu. Eins og Xperia Z, so er Z1 vatntøtt, hóast dekslið til oyratelefonstikkið er burtur. Lúkan til løðarastikkið er lættari at opna, og vit eru glað fyri, at minniskortið kann setast í. Knøttarnir eru lættir at finna, hóast vit halda at tendra/sløkk og ljóðstyrki eru ov nær hvørjum øðrum. Skíggi Takkað verið full-HD upploysnini fært tú sera tættar pixlar, hóast skíggin er ikki minni enn 5 tummar. Sjálvt lítil tekstur er hvassur og lættur at lesa. Eins og við øðrum Sony- útgávum, so verður Bravia myndabetran- tøknin nýtt, men hartil ger Sony eisini nýtslu av Triluminos-tøknini, sum verður nýtt í sjónvarpsskíggjum. Tað merkir, at skíggin hevur fleiri og betri litir. Og vit eru avgjørt nøgd við myndagóðskuna á Z1. Myndatól Mest spennandi av øllum í Z1 er tó myndatólið. Snildfona- og myndatóladeildin hjá Sony hava samstarva í hesum, og nú eru smálutirnir teir somu, sum verða nýttir í kompakt-myndatólum. Tað ljóðar kanska ørt, tá ein snildfon hevur 20 megapixel, men Sony hevur ísett ein Exmor RS sensor við somu megi, sum teir í kompaktmyndatólunum. Saman við einum ljóssterkum G-objektivi við f/2.0 blendu gevur hetta serstakliga góðar myndir. Vit hava ikki sæð slíka ljóskenslu í einum snildfon-myndatóli áður. Einasta snildfonin, sum er í nær námind, er HTC One. Gaman í kann nakað av órógv koma fyri, men Z1 kann væl taka myndir, har onnur mugu geva upp. Í góðum ljósi fært tú veruliga hvassar myndir við framúr litendurgeving. Autofunkan er góð, tá sjálvvirkandi stillingar skulu finnast, men viðhvørt verða hesar tó ikki góðar. Dugir tú at innstilla manuelt, verða myndirnar tó sera góðar. Vónandi kann hesin trupulleikin loysast við eini dagføring. Myndatólið er eisini skjótt, og tað ger burst-støðuna sera henta. Ljóð Walkman-app’in ger tað stuttligt at lurta eftir tónleiki. Ikki bara hevur tú atgongd til tónleikahandilin hjá Sonu, Music Unlimited, men tað er eisini lætt at finna aðrar tónleika­ keldur. Allar teldur og mediaspælarar í net­ verkinum koma sjálvvirkandi fram í app’ini. Tað er eisini sera lætt at spæla tónleikin á tráðleysum hátalarum. Innbygdi hátalarin í botnini av telefonini er ok, men tónleika­ góðskan kemur ikki til sín rætt, fyrr enn tú brúkar nakrar góðar oyrabúffar. Nýtsla Takkað verið miðlasavninum hjá Sony fært tú appir, sum geva atgongd til film, tónleik og spæl. Hartil er tað avgjørt meiningin, at tú skal brúka Z1 saman við øðrum eindum og tænastum í heiminum. Tú fært bæði amboð og vegleiðing til at deila innihaldið á eitt nú sjónvarpi og sosialum miðlum. Enntá kanst tú senda tað, sum tú tekur upp, beinleiðis á Facebook og síggja real-time viðmerkingar. Megi Við nýggjum gerli og nóg mikið av minni er snildfonin svakliga skjót. Og tað ikki bara kennist so, men varð eisini staðfest av test­ forritunum hjá okkum. Geekbench 3 gav næstan dupult so skjóta! máting sum Galaxy S4, og AnTuTu var 50 prosent skjótari. Sjálvur kagin er skjótur og koyrir HTML5 helvtina skjótari enn nøkur onnur snildfon, sum vit hava roynt. Hetta er púra greitt ein framúrskarandi snildfon til tung spøl og framkomnar appir. Niðurstøða Sony hevur við hesum tikið eina snildfon, sum longu var góð, og gjørt hana framúrskarandi. Hetta er skjótasta snildfonin, sum vit nakran tíð hava roynt, og vit hava ongan tíð sæð somikið góðar úr myndatólinum á eini far­ tele­fon. Z1 er ein luksustelefon, sum bæði kennist væl og riggar væl. Og so er hon vatn­ tøtt. Vit halda einastu ráðini vera at yvirgeva seg og lata Sony kongakrúnuna. Sony hevur her víst øllum hinum, hvar skápi skal standa. Sony Xperia Z1: Frálík avrik og besta myndatólið í flokkinum. Her er talan um mest imponerandi snildfonina á árinum • Stýriskipan: Android 4.2 • Skíggi: 5,0" TFT 1080 x 1920 (441 ppi) • Geril: 2,2 GHz quad-core Snapdragon 800 • Minni: 2 GB ram / 16 GB goymsla + microSD • Myndatól: 20,7 MP BSI + 2 MP • Tráðleyst: LTE, Wi-Fi a/b/g/n/ac, BT 4.0, NFC • Mát: 144,4 x 73,9 x 8,5 mm • vekt: 169 g • Battarí: 3000 mAh, 14 tímar talu, 880 tíma standby Vegl. prísur: 5.299 kr. Meting ( 6 av 6 stjørnum ) ★★★★★★ + - Framúr myndatól. Ófatuliga skjót. Vatntøtt. Tung. Sony setir seg á trúnuna SERLIGA VIÐMÆLT