mánadagur 7. oktober 2013síða 40

vika 41 | 7. oktober 2013 Ókeypis lýsingarblað 8 Lýs teg sjálvan við trimum orðum? Positiv, forvitin og ótolin. Hvat merki er bilur tín? Hvar merki hava býarbussarnir? Hvat merki er telefon tín? Sony Ericsson Hvør er tín besta summarfrítíðaruppliving? Tað er ringt at taka dagar ímillum hvør summarfrítíð hevur verið best. Eg elski, tá summar er í Føroyum. Vinir og familja koma heim á klettarnar at vitja. Ljós summarkvøld við prátið, lívligum kjakið, lekrum mati, spontanum útferðum, festivalar, Ólavsøkan og ein rúgva av øðrum ting­um og upplivingum. Eg dyrki at verða í Føroyum um summarið, eg haldi virkuliga, at tað er tann árstíðin, har Føroyar vísur seg frá síni bestu síðu á nógvar ymiskar mátar. Hvat orð ella hvønn setning nýtir tú oftast? Uha, sjálv haldi eg at tað er »Ha?« Men spyr tú onkran annan so er tað sikkurt »Nå, men altso...« Hvørjum hyggur tú at hjá hinum kyninum? Tað er mest heildin, sum eg hyggi eftir. Men humor, tað er umráðandi, spontanitetur og so er tað vigtugt, at man ikki er bangin fyri at diskutera. Hvat ger teg í góðum lag? Har er nógv. Men at sleppa til arbeiðis, tað ger meg altíð í góðum lag, eg eri so heppin, at eg arbeiði saman við stuttligastu og dugnaligastu fólkunum í Føroyum. At verða saman við vinfólki og familju. Men eisini tá eg geri nakað, sum bert eg fái ágóðan av, tað kann verða at renna mær ein túr, gera lekkran mat, lesa eina góða bók, hoyra góðan tónleik, onkrar tíðir so verið eg eisini í betri lag, tá eg vaski klæði. Eg haldi ikki, tað skal so nógv til fyri at eg verið í betri lag, eg tími betri at verða í góðum lag enn í ringum lag. Hvat stressar teg? Tá eg útseti ting! eg eri meistari til at útseta ting! Hvør er tín yndisrættur? Alt møguligt! Eg elski góðan mat. Beint nú eri eg nokkso glað fyri sterkan mat og salat. Hvat gleðir teg? At eg havi tvey arbeiði, sum eg dyrki og, sum hvør sær, gera mín dag sera inni­ halds­ríkan og ymiskan. Ongin dagur er líka, og soleiðis dámar mær tað best. Hvat var seinasta ynskið, sum tú fekst uppfylt? At SummarNám (ein summarskúli fyri børn frá 2. til og við 5. fl) eydnaðist so væl, og at vit høvdu so nógv dugnalig fólk, sum stuðlaðu verkætlanini so væl. Hvar arbeiðir tú? Eg eri sjónleikari, og so starvist eg eisini á Margarinfabrikkini. Hví valdi tú at arbeiða innan júst hesa vinnu ella øki? Eg var 13 ár, tá tað gekk upp fyri mær, at eg vildi verða sjónleikari. Eg havi altíð verðið hugtikin av sjónleikaraheiminum, og tí sum leiklistin kann. Evni kunnu gerast so nógv greiðari og sjónligari, tá man lýsur tað ígjøgnum leiklist ella list yvirhøvur. Orsøkin til at eg valdi Margarinfabrikkina var tann, at eg hevði hoyrt nógv um tey dugnaligu fólkni sum vóru har, og at hetta staði var ein drívmegi, tá tað kemur til nýggj og spennandi projektir. At hetta var eitt stað har barna- og ungdómsmentanin var í háðsæti og eg kann ikki siga annað enn, at alt sum eg hevði hoyrt, hevur prógva seg at verið rætt. Hvør er stuttligasta uppliving tín í starvinum? Eg haldi, eg flenni nógv og ofta, hvønn dag eg eri til arbeiðis. Eg dugi ikki at taka nakra einstaka hending frammum nakra aðra. Hvørjum tónleiki lurtar tú eftir? Mær dámar væl at verða presentera fyri nýggjum tónleiki. Men eg detti altíð aftur til Thomas Dybdahl, Ane Brun, Joni Mitchell og Leonard Cohen. Eg lurti eisini, so nógv sum gjørligt eftir føroyskum tónleiki. Hvat er besta uppfinningin og hví? Internetið er genialt. At kunna sita heima í køkinum, og fáa alla ta vitan, eg havi tørv á er fantastiskt. Hvat er besta íløgan, tú hevur gjørt? Eg haldi at bestu íløgurnar, eru tær persónligu íløgurnar. Eg haldi, at ein sera avgerðandi og umráðandi íløga fyri meg, var at taka kjansin og søkja inn á sjónleikaraskúlan, eg var so nógv í iva, um eg skuldi fara, men lukkutíð gjørdi eg tað og slapp inn. Ein onnur íløga sum eg eri sera glað fyri, var tá eg avgjørdi at flyta aftur heim til klettarnar. Hvat er títt besta heimaráð? Um tað følist rætt, so er tað rætt! Hevur tú nakað húsdjór? Nei. Hvat hevði tú gjørt, um tú vann eina millión? Goldið lán, givið familjuni okkurt og so hevði ein stórur posi fari til vælgerðandi endamál. Hvat hevði tú gjørt, um tú vann tíggju milliónir? Eg haldi, eg hevði gjørt tað saman sum omanfyri, men bara størri upphæddir, posin til vælgerðandi endamal hevði sikkurt eisini verið størri, og so haldi eg, at eg hevði gjørt eina íløgu í Fríðskúlanum í Havn, hasin skúlin er fantastiskur og við honum, tryggjaðum pengaliga, stúri eg ikki fyri framtíð Føroya. Hvat er best við Føroyum og hví? Náttúran, fólkið og veðrið. Tað er so nógv, sum ber til í Føroyum, hugurin at hjálpa er stórur hjá okkum føroyingum, og um tú hevur hug at gera mun í okkara samfelag, er ikki so langt frá tanka til gerð. Hvar ert tú um 10 ár? Eg veit ikki og havi, sum so, ikki hug at vita tað. Eg vóni bara at eg eri glað og um­givin av góðum fólkið og so kanska at eg enn havi okkurt eftir av teimum tíggju milliónunum, eg vann fyri tíggju árum síðani. At sleppa til arbeiðis ger meg altíð í góðum lag STÓLURIN Eg var 13 ár, tá tað gekk upp fyri mær, at eg vildi verða sjónleikari Navn: Beinta K. Clothier