týsdagur 8. oktober 2013síða 19

35 Mikudagur 9. oktober 2013 · Nr. 116 Sosialurin Hugskot og viðmerkingar – send sms til 225000 Nattestad og Ari Mohr Jónsson. Hetta eru menn, sum eg má fylgja. Ikki minst teimum ungu, tí tað eru teir, sum skulu mynda landsliðið framyvir. Men eingin ivi skal vera um, at eg tó hyggi mest eftir fótbólti í Føroyum. Er talan um eitt fulltíðarstarv? Ja, tað er tað. Men tað er sjálvandi eisini nakað av frítíð. Men ja,eg geri ikki annað, um tað er tað, tú spyrt um. Eg hugsi meira um hvussu nógva tíð tú brúkar upp á tað? Tað er eitt sindur trupult at svara uppá. Tá eg komi til Føroya, so siti eg sum ein púra vanligur áskoðari og haldi eyga við teimum leikarum, sum eg skal brúka. Men tá allur hópurin er savnaður eins og nú, so eri eg on í tíggju-tólv dagar allatíðina. Eg taki eisini telefonina døgnið runt. So eitt ella annað stað er talan um eitt fulltíðarstarv, men har er eisini nakað av frítíð. Hvussu nógv samband hevur tú við føroysku feløgini? Eg havi einki samband við tey. Tað vil siga, at eg kenni venjararnar og havi verið úti og tosað við teir. Men tað er eftirhondini nakað av tíð síðani. Annars havi eg Jóannes Jacobsen og onnur fólk her, men eg havi einki samband við feløgini. Eitt er gongdin og at tú heldur, at batar eru at hóma. Hyggja vit einans eftir úrslitunum, so hava vit ikki fingið eitt stig enn? Lurta nú eftir. Hatta passar sum tú sigur, men Írland, Svøríki, Eysturríki og Týskland. Tað eru øll sera góð lið. Trý teirra vóru við til EM seinast og Eysturríki er eitt lið, sum er á veg fram. So er tað Kasakstan. Fólk halda, at Kasakstan er nakað, vit eiga at vinna. Men har var tað, at eg royndi at siga, at Kasakstan er partur av gamla Sovjett. Tað er russiskur spælistílur og tað er ikki lætt. Teir eru kropsliga sera væl fyri, renna nógv og skjótt. Hetta eru menn, sum gott kundu spælt í russisku deildini. Og tí var tað, at eg tíverri kom til at siga, at teir spæla í russisku deildini. Eg veit væl, at teir ikki spæla har. Tað er jú bara ein mánaður síðani, at vit spældu móti teimum seinast. Men hvussu ber tað til, at tú endurtekur sama feil við Rás2, Útvarpið og Sjónvarpið? Eg var mismæltur og ikki nóg umhugsin. Hatta var ein feilur og tað viðurkenni eg. Men eg royndi at greiða frá, at mótstøðan er sterk. Vit hava spælt í móti Kasakstan áður og vunnið báðar dystirnar. Nú fáa vit Kasakstan aftur. Uppgávan hevði helst verið lættari, um vit fingu Malta ella San Marino, men nú er tað so Kasakstan. Hevur tú dugað nóg væl at formidla at hetta liðið er sterkt? Ja, tað haldi eg. Tað heldur tú? Ja, tað haldi eg. Men tað er ikki víst, at tú heldur tað. Eg haldi heldur ikki, at teir journalistar, sum vóru við á tíðindafundinum og eisini áðrenn vit fóru til Kasakstan, at teir hava ikki tikið Kasakstan serliga alvorligt, júst tí, at tit hava møtt teimum áður og vunnið. Tað sama var galdandi við Eysturríki, sum tit vunnu í 1992 ella nær tað var. Tað bleiv ikki tosað um annað, tá vit vóru í Eysturríki, men vit fingu altso ein ordiligan umgang og taptu 6-0. Vit kunnu ikki samanbera Eysturríki tá og nú, tí Eysturríki er vorðið nógv betri síðani, og tað vísti dysturin eisini. Men tað er ikki undarligt, at stemningurin verður serligur og lagið er gott, tá vit møta Eysturríki, júst tí at úrslitið í okkara fyrsta altjóða dysti bleiv sum tað bleiv? Tað valdast hvør skapar tann stemningin. Tað eri ikki eg, tí eg Framhald á næstu síðu meldurin Eg eri so væl fyri­reik­ aður sum eg kann Eg eri í Føroyum millum átta og tíggju dagar um mánaðin Hetta eru sera góðir menn, sum vit skulu møta. Hetta ikki ein tryggur heimasigur, sigur Lars Olsen