mánadagur 14. oktober 2013síða 40

vika 42 | 14. oktober 2013 Ókeypis lýsingarblað 4 Í september vóru tað 40 ár síðani, at farið varð undir virksemi í Kristnastovu á Amager í Keypmannahavn. At fjøruti ár eru runnin síðani fyrstu fetini vórðu tikin, hevur verið markerað á Birmavej 36, har Kristnastovu hevur hildið til síð­ani 1979. Fríggjakvøldið 20. september vóru fleiri enn hundrað á samkomu, har tað serliga varð fokuserað aftur á gongd­ina í tíðini, sum farin er, og týs­ dagin í hesi vikuni var móttøka, har umboð fyri stovnar og feløg og onn­ ur, sum tey í Kristnastovu hava havt samstarv og samband við, vóru boðin til seinnapartssamkomu. Á hesi samkomuni greiddu Øssur Berghamar og Niels Pauli Nónstein frá virkseminum. Øssur lýsti støðuna í Keyp­manna­ havn og millum føroyingar í danska høvuðsstaðnum og í Danmark, tá ið tey bæði Susan og hann byrjaðu, og hvussu arbeiðið mentist í hølunum á Oxford allé, har Berghamar familjan fyrsta árið búði í íbúð í 1973. Árið eftir vórðu allar tríggjar íbúðirnar í upp­gongdini keyptar, og har vaks virk­ semið, inntil húsini á Birmavej vórðu keypt í 1979, og nýggir møgu­leikar harvið bórust. Niels Pauli Nónstein, sum saman við konuni Doru nú hava ábyrgdina, greiddi frá, hvussu tað nú verður arbeitt. Kristnastova hevur sam­band við nógvar føroyingar í Keyp­manna­ havn og kring Danmark, og tað verður skipað fyri samkomum og tiltøkum. Eitt teirra er legan, sum í heyst­frítíðini á hvørjum ári er á Norður­sjællandi. Legan hevur verið í eini 37 ár. Umleið 120 hava meldað seg til leguna, sum verður næsta vikuskifti. Hóast Susan og Øssur Berghamar eru farin úr leiðsluni í Kristnastovu, so luttaka tey framvegis í arbeiðnum. Frá tí fyrsta varð vitjanir á Ríkis­ sjúkra-húsinum og seinni eisini á Hotel Tórshavn partur av arbeiðnum, og Øssur er framvegis ofta at síggja á sjúkrahúsinum og hotellinum. Á samkomuni týsdagin luttók sang­kórið í Kristnastovu. Solistar vóru Karlina Justinussen, Elisabeth á Lakj­uni og Arnvør á Torkilsheyggi. Øss­ur Berghamar stjórnar kórinum, ið millum annað syngur sangir, har kór­ leið­arin eigur bæði orð og løg. Kristnastova 40 ár Sangkórið í Kristnastovu Dora og Niels Pauli Nónstein hava nú ábyrgdina av arbeiðnum í Kristnastovu Niels Pauli Nónstein greiðir frá á samkomuni týsdagin Susan og Øssur Berghamar, sum fyri fjøruti árum síðani fóru undir verkið í Kristnastovu