mánadagur 14. oktober 2013síða 42

vika 42 | 14. oktober 2013 Ókeypis lýsingarblað 6 Lív Reinert Nielsen Saman við Føroya bestu tónleikarum í einum fultsettum Norðurlandahúsi. Tað er sjáldsamt at síggja ein so ung­an drong, sum trívist so væl á pall­inum. Beinir rockaði. Totalt. Uttan stór­vegis hóvasták og kávalótir stóð hann har á pallinum og spældi sínar egnu sangir. Tað er djarvt. Og ordiliga feitt! Fríggjakvøldið 4. oktobur var stór konsert í Norðurlandahúsinum, har Beinir saman við nøkrum av Føroya all­ar bestu tónleikarum hugtók bæði børn og vaksin. Nógv var gjørt burtur­úr. Pallmynd, ljós, ljóð, dansi­ gentur, kórdreingir, og ikki at gloyma ein rúgva av sápubløðrum. Beinir og fólkini kring hann góvu áhoyrarunum eina ordans uppliving, og øll sungu við av hjarta, tá ið teir spældu hittið “Sápubløðran”. Men áðrenn Beinir og hansara tón­ leikarar komu á pallin, sluppu vit at hoyra Mariu á Lakjuni syngja nøkur av løgunum av hennara nýggju fløgu. Við síni kláru rødd, gav unga songkvinnan úr Fuglafirði okkum eina hugnaliga byrjan uppá eitt frálíkt kvøld í Norð­ ur­landahúsinum. Síðan komu Beinir og teir fýra tónleikararnir Kim Hansen, Jóhannus á Rógvu Joensen, Hjalti Joensen og James Olsen, sum eisini spæla tón­ leikin á fløguni, á pallin. Í fyrra sett­ in­um løgdu teir fyri við rock-kenda lag­num Menniskju. Áðrenn steðgin hoyrdu vit eisini kórdreingir og sóu dansigentur á pallinum. Tað var ein rørandi løta, tá ið Beinir so vakurt sang um tíðina, sum kemur og fer, sam­stundis sum ein rúgva av børnum gingu inn á pallin við livandi ljósum. Eftir steðgin kom Beinir á pallin klæddur í hvítt allur sum hann var. Beinir og hansara menn hildu fram har teir sleptu, og góvu øllum børnunum og teimum vaksnu, sum vóru komin at lurta, eina rúgvu fyri bæði eygu og oyru. Tá ”Sápubløðran” varð spæld fyri aðru ferð, hevði Beinir fingið tvær ungar damur at hjálpa sær. Onnur var Maria á Lakjuni og hin gentan var Rakul Ró, sum í fleiri ár hevur sungið saman við Beinir í Kulum Rótum. Maria og Rakul Ró umframt tey 40 børnini, sum blástu sápubløðrur, settu saman við Beinir eitt frálíkt punktum á eini frálíkari konsert. Beinir skrivar løg og tekstir sjálvur. Fleiri av løgunum eru rock/blues- kend, og tey svinga heilt ótrúliga væl. Sangirnir um sápubløðruna, besta vinin, og ikki at gloyma neyðar stóra­ beiggj­an, sum stríðist við systrarnar, fingu rættiligt lív í bæði børn og vaks­ in. Tá var tað næstan spell, at talan var um eina sitikonsert. Men tað eru eisini onnur evni, sum verða viðgjørd, m.a. tað at vera øðrvísi og at missa onkran, ið stendur einum nær. Ein trettan ára gamal drongur bergtók áhoyrararnar við løgum, hann sjálvur hevur gjørt. Eitt ordans show. Beinir dugir! Beinir rockaði – TOTALT