mánadagur 14. oktober 2013síða 46

vika 42 l 14. oktober 2013 Ókeypis lýsingarblað 10 U2 við mótaklæðum í Havn Vilmund Jacobsen Bergtóra Poulsen, sum síðan hin 19. november í 2005 læt upp móta­ handilin U2 á Stangarvegi 92 í Klaksvík, er í hesum døgum í Havn við sínum klædnavørum og skógvum. – Hetta er eitt sokallað »pop up store« tiltak, sum tað verður rópt, tá handilin í nakrar dagar hevur opið aðrastaðni enn í egnum hølum. Bergtóra hevur leigað seg inn í handilshølir á Áarvegnum, sum Hotel Hafnia eigur, og hon ætlar at vera í Havn í einar tvær ella tríggjar vikur. – Hesar dagar havi eg opið hvønn vanligan yrkadag frá klokkan 10-18 og leygardag frá klokkan 10-16, sigur hon. Byrjaði sjálv Tað var, tá hon keypti húsini á Stangar­vegi 92 í Klaksvík, at hon fekk hugskotið at selja mótaklæði og skógvar. Í húsunum vóru handilshøli, og tí var handilsvirksemi ein góður møgu­ leiki. – Øll húsini vórðu sett í stand, og tá hetta arbeiði var liðugt, læt eg upp handilin. Bergtóra Poulsen sigur, at henni dámar væl at vera fleksibla, og hon hevur eisini eitt ynski um at røkka enn fleiri viðskiftafólkum. – Men, klaksvíkingar og við­skifta­ fólk á Stangarvegi 92 skulu ikki vera fyri vanbýti, tó at eg havi handilin í høvuðsstaðnum í nakrar dagar. Tá eg komi norður aftur, fari eg at hava eitt alvorligt »surprise« til míni við­skifta­ fólk. Nú handilin eitt skifti er í Havn, verða hølini í Klaksvík sett í stand. Her verður málað, soleiðis at tað verður ordiliga »well« hjá viðskiftafólki at vitja handilin aftur. Ikki bara selja Bergtóra Poulsen ásannar, at tað krev­ur eitt sindur at vera fleksibul. – Eg tími ikki at selja klæði og skógvar bara fyri at selja. Eg vil hava, at broyt­ing er í alla tíðina. Skalt tú selja móta­klæði og skógvar, noyðist tú at vera úti um teg alla tíðina. Móti broyt­ist skjótt, og fylgir tú ikki við, dragn­ar tú skjótt og hevur ein óinteressantan handil, sum fólk ikki tíma at vitja. Sjálv heldur Bergtóra, at hon hevur eitt gott konsept. – Eg havi góð og bílig klædnamerki, sum kortini eru kend, og eg havi dýrari klæði, sum ikki eru minni kend. Tey bíligari klædnamerkini eru slík, sum liggja saman við kendum og dýrum merkjum. Hetta er ikki bara »bras«, sum handilskvinnan tekur til. Nógv italienskt Handilseigarin leggur aftrat, at nógvir av designarunum eru danir, men oftast eru klæðini framleidd í Italia. – Eg havi eisini klædnamerki hjá italskum designarum, sigur hon. Av kendum merkjum eru eitt nú Please, MDK, Crime, Nude og Amust. – Konseptið hjá mær er mótaklæði og ikki minst skógvar, sum handilin eis­ini er kendur fyri. Bergtóra sigur, at við mótaklæðum og skógvum er tað soleiðis, at tú alla tíðina noyðist at leita eftir nýggjum - og eisini eftir nýggjum veitarum. Tað merkir, sigur hon, at U2 eisini javnan hevur nýggj klædnamerki í sínum vøruútboði. – Fólk eru meiri enn vælkomin inn á gólvið her á Áarvegnum, beint undir Hotel Hafnia, sigur Bergtóra Poulsen. Bergtóra Poulsen, sum síðan hin 19. november í 2005 læt upp mótahandilin U2 á Stangarvegi 92 í Klaksvík, er í hesum døgum í Havn við sínum klædnavørum og skógvum Fakta: Navn: Bergtóra Poulsen Børn: 2 Starv: Eigari av U2 Konseptið hjá mær er mótaklæði og ikki minst skógvar, sum handilin eisini er kendur fyri – Fólk eru meiri enn vælkomin inn á gólvið, sigur Bergtóra Poulsen, sum eigur og rekur handilin U2 í Klaksvík, men sum nú í nakrar dagar hevur leigað seg inn á Áarvegnum í Havn Mynd: Vilmund Jacobsen